llಯೋಗಿll

0

ನಿನ್ನಂತೆಯೇ ನಾನಾಗಬೇಕು ಯೋಗಿ
ಆಧ್ಯಾತ್ಮದ ಜಗತ್ತಿಗೆ ಕರೆದೊಯ್ಯೋ ವೇಗವಾಗಿ

ಕಾಮವನ್ನು ಸುಟ್ಟು
ಪ್ರೇಮವನ್ನು ನೆಟ್ಟು
ಮನದ ಹೊಲದಲ್ಲಿ
ಪರಮಾರ್ಥಕ್ಕೆ ಉಳುತ್ತಿರುವ ಯೋಗಿ

ಭೋಗದ ಆಸೆ ಬಿಟ್ಟು
ಯೋಗದ ಬಯಕೆಯಿಟ್ಟು
ದೇಹವ ಪಳಗಿಸುತ್ತಾ
ದೃಢಕಾಯವ ಪಡೆದ ಯೋಗಿ

ಕ್ಷಣ ಸುಖಕ್ಕೆ ಪೆಟ್ಟು
ಚಂಚಲತೆಗೂ ಕೊಟ್ಟು
ಚಿತ್ತ ಏಕಾಗ್ರಗೊಳಿಸಿ
ಸ್ಥಿರಮನದಲ್ಲಿ ನಲಿಯುತ್ತಿರುವ ಯೋಗಿ

ಅರಿಯಲು ಬ್ರಹ್ಮನ ಗುಟ್ಟು
ಹಸಿವನ್ನೇ ಮರೆತು ಬಿಟ್ಟು
ಧ್ಯಾನದಿ ಕುಳಿತುಕೊಂಡು
ಜ್ಞಾನವ ಪಡೆದು ಬೆಳಗಿದ ಯೋಗಿ

ನಿನ್ನಂತೆಯೇ ನಾನಾಗಬೇಕು ಯೋಗಿ
ಅದ್ವೈತದಲ್ಲಿ ನೆಲೆಯಾಗಬೇಕು ಸ್ಥಿರವಾಗಿ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.