llಕಳಚು ಪೊರೆಯll

0

ಹುಡುಕುವೆ ಎಲ್ಲಿ ನೀನು
ಅಡಗಿರುವ ಶಾಂತಿಯನ್ನೇನು
ಮರೆತೆ ನಗುವುದ ನೀನು
ಕಾರಣ ಸಿಗುತ್ತಿಲ್ಲವೇನು

ಬಂಧಿಯಾದೆ ನೀನು
ನಿನ್ನ ಮನದ ಕಾರಾಗೃಹದಲ್ಲಿ
ಬಿಗಿದುಕೊಂಡಿರುವೆ ನಿನ್ನನ್ನು ನೀನು
ಆಲೋಚನೆಗಳ ಸರಪಳಿಯಲ್ಲಿ

ಯಾರು ಹೊಣೆ ಈ ಬಂಧನಕ್ಕೆ
ನಿನ್ನ ಅಜ್ಞಾನದ ಅಂಧಕಾರಕ್ಕೆ

ಕಣ್ಣು ಮುಚ್ಚಿ ನೀನು
ಕೂಗುತ್ತಿರುವೆ ಕವಿದಿದೆ ಕತ್ತಲೆ ಎಂದು
ಕೆಂಡದ ಮೇಲೆ ನಡೆಯುತ್ತ ನೀನು
ನರಳುತ್ತಿರುವೆ ಬೆಂಕಿಯ ಶಾಖಕ್ಕೆ ನೊಂದು

ಯಾರು ಕೊಟ್ಟರೋ ಈ ಶಿಕ್ಷೆಯು ನಿನಗೆ
ನೋವಿಗೆ ಕಾರಣ ಸಿಗುತ್ತಿಲ್ಲವೇ ಕೊನೆಗೆ

ಹುಡುಕುತ್ತಾ ವ್ಯರ್ಥ ಮಾಡಬೇಡ ಸಮಯ
ಅಡಗಿದೆ ಸುಖ ಶಾಂತಿ ನಿನ್ನಲ್ಲೇ ಗೆಳೆಯ
ಕಲಿಯೋ ನೀನು ನಗುವ ಕಲೆಯ
ಕಳಚೋ ನಿನ್ನನ್ನು ಕವಿದಿರುವ ಪೊರೆಯ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.