llಆಂತರ್ಯದ ಸಂದೇಶll

0

ದಿನಗಳೊಂದೊಂದು ಕಳೆದು
ವರುಷಗಳೇ ಉರುಳುತ್ತಿವೆ,
ಅರಿವಿನ ಬೆಳಕು ಇನ್ನೂ ಕಣ್ಣಿಗೆ ಕಾಣಿಸದೆ!

ಬಯಕೆಗಳೊಂದೊಂದು ಕೂಡಿ
ಹತಾಶೆಯಲ್ಲಿ ಹಲುಬುತ್ತಿವೆ,
ಯಾವೊಂದು ಆಸೆಗಳು ಇನ್ನೂ ಈಡೇರದೆ!

ಗುರಿಯೊಂದು ತಿಳಿವಳಿಕೆಗಿನ್ನೂ ಬಾರದೆ
ಎಲ್ಲಿ ಅಡಗಿರುವುದು?
ನಾನೇ ಹುಡುಕಲು ಬೇಕೆಂದು ಕಾಯುತ್ತಿರುವುದೆ?

ಬರೀ ಕೆಲಸ ನಿದ್ದೆ ಊಟ ಜಂಜಾಟ
ಜೀವನವ ತುಂಬಿರುವುದು,
ಬಿಡುವಿಲ್ಲದಿರುವಾಗ ಗುರಿಯನ್ಹೇಗೆ ಅರಸುವುದು?

ಹೊರಗಿನ ಕಿರುಚಾಟ ಅರಚಾಟಗಳ ನಡುವೆ
ಕೇಳಿಸದೇ ಇರುವುದು,
ಮನಸ್ಸಿನಾಳದ ಅತಿ ಮಧುರ ನಾದವು!

ಕಿವಿಗಣ್ಣುಗಳಿಗೆ ಕೆಲಗಾಲ ನೀಡದಿರೆ ಆಹಾರ
ಅರಿವಿಗೆ ಬರುವುದು,
ಆಂತರ್ಯದ ಅನುಮಾನಕ್ಕೆಡೆಯಿರದ ಸಂದೇಶದ ಸಾರವು!

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.