ಇಂದಿನ ಶಿಕ್ಷಣ ಮಟ್ಟ

2.88889

ಇಂದಿನ ದಿನಗಳಲ್ಲಿ ಪತ್ರಿಕೆಗಳಲ್ಲಿ ಎಸ್.ಎಸ್.ಎಲ್ ಸಿ ಫಲಿತಾಂಶ ಹಾಗು ಪ್ರತಿಯೊಂದು ಶಾಲೆಯೂ ತನ್ನ ವಿದ್ಯಾರ್ಥಿಗಳಿಸಿರುವ ಅಂಕಗಳನ್ನು ಪ್ರಮುಖವಾಗಿ ಪ್ರಕಟಿಸಿ, ಪ್ರಸಕ್ತ ಸಾಲಿನ ದಾಖಲಾತಿಗೆ ಸಜ್ಜಾಗುತ್ತಿವೆ. ಕೆಲವೊಂದು ಶಾಲೆಯಲ್ಲಿ ಉತ್ತೀರ್ಣ ಹೊಂದಿದ ವಿದ್ಯಾರ್ಥಿಗಳ ಸಂಖ್ಯೆ ೧೦೦% ಮತ್ತು ಅದರಲ್ಲಿ ಶೇ ೯೯ ವಿದ್ಯಾರ್ಥಿಗಳು ೯೫% ಮೇಲೆ ಅಂಕಗಳನ್ನು ಗಳಿಸಿದ್ದಾರೆ. ಇದನ್ನೆಲ್ಲಾ ಓದಲು ಬಹಳ ಸಂತೋಷವಾಗುತ್ತದೆ. ಇಂತಹ ಪ್ರತಿಭಾವಂತ ಮಕ್ಕಳನ್ನು ಪಡೆದ ಮಾತಾಪಿತೃಗಳೇ ಪುಣ್ಯವಂತರು ಎನಿಸುತ್ತದೆ.
ಆದರೆ,
ಮನಸ್ಸಿನ ಯಾವುದೋ ಒಂದು ಮೂಲೆಯಲ್ಲಿ ಹೀಗೆ ಫಲಿತಾಂಶಗಳನ್ನು ಪಡೆಯುವುದು ಸಾಧ್ಯವೇ? ಈಗ್ಗೆ ೫೦ ವರ್ಷಗಳ ಹಿಂದೆ ೬೦% ಅಂಕ ಗಳಿಸಿದರೇ ಬಹು ದೊಡ್ಡ ಸಾಧನೆ ಮಾಡಿದಂತೆನಿಸುತ್ತಿತ್ತು. ಪ್ರಥಮ ಸ್ಥಾನ ಪಡೆದವರು ಹೆಚ್ಚೆಂದರೆ ೮೦ರಿಂದ ೯೦ರ ಒಳಗೆ ಶೇಖಡಾವಾರು ಅಂಕಗಳನ್ನು ಪಡೆದಿರುತ್ತಿದ್ದ. ಆದರೆ ಈಗ ಏನಾಗುತ್ತಿದೆ? ಮಕ್ಕಳ ಬುದ್ಧಿಮತ್ತೆ ಏರಿದೆಯೋ? ಶಿಕ್ಷಣದ ಮಟ್ಟ ಕುಸಿದಿದೆಯೋ ಅಥವಾ ಈ ಫಲಿತಾಂಶಗಳ ಹಿಂದೆ ಕಾಣದ ಕೈಗಳ ಆಟ ನಡೆದಿದೆಯೋ ಒಂದೂ ಅರ್ಥವಾಗುತ್ತಿಲ್ಲ.
ಉತ್ತಮ ಫಲಿತಾಂಶವನ್ನು ಪಡೆದು ಹೊರ ಬಂದ ವಿದ್ಯಾರ್ಥಿಗಳಲ್ಲಿ ಅಂತಹ ಅಸಾಧಾರಣ ಪ್ರೌಢಿಮೆಯನ್ನೇನೂ ಕಾಣಲು ಸಾಧ್ಯವಾಗುತ್ತಿಲ್ಲ.
ಇದು ಯೋಚಿಸಬೇಕಾದ ವಿಚಾರವಲ್ಲವೇ?
ಎ.ವಿ. ನಾಗರಾಜು

Forums: 
‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.