sada samartha ರವರ ಬ್ಲಾಗ್

ಭೂವಿಮಾನ ಯಾನ

 

 

ಭೂವಿಮಾನ ಯಾನ

ಭೂವಿಮಾನವೇರಿ ಯಾನ
ವ್ಯೋಮಕಕ್ಷೆಯಲ್ಲಿ
ಅವ್ಯಾಹತವಾಗಿ ಸದಾ
ನಿಲ್ಲದಲ್ಲಿ ಇಲ್ಲಿ !!

ದೊಡ್ಡದಾದ ಈ ವಿಮಾನ
ದಲ್ಲಿ ಎಲ್ಲ ಉಂಟು
ಗುಡ್ಡ ಬೆಟ್ಟ ನದಿ ಸಾಗರ
ಜನ್ಮಾಂತರ ನಂಟು !!

ಕೋಟ್ಯಂತರ ಜೀವ ನಿ-
-ರ್ಜೀವವನ್ನು ಹೊತ್ತು
ನಿಷ್ಠೆಯಿಂದ ನೀಲ ನಭದಿ
ಸೂರ್ಯನಿಂಗೆ ಸುತ್ತು !!

ಅಜ್ಜ ಅಜ್ಜಿಯೆಂಬ ಮೂಲ
ದವರು ಇಲ್ಲಿ ಹುಟ್ಟಿ
ನಿಜ ವಿಮಾನದೊಳಗೆ ಮಾಡಿ
ಜೀವ ಯಾನ ಗಟ್ಟಿ !!

ನಮ್ಮ ಯಾನ ವೀ ವಿಮಾನ
ವೇರಿ ವೇಗದಲ್ಲಿ
ಹೆಮ್ಮೆಯೋಟ ಕೂಟವೆಂಬ
ಬಲು ಮಾಟಗಳಿಲ್ಲಿ !!

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (2 votes)
To prevent automated spam submissions leave this field empty.

ನಾವಿದ್ದೇವೆ

ನಾವಿದ್ದೇವೆ

ನಾವಿದ್ದೇವೆ ನಾವಿದ್ದೇವೆ
ಕಳ್ಳರ ಜೊತೆಗೆ ನಾವಿದ್ದೇವೆ
ಸುಳ್ಳರ ಜೊತೆಗೆ ನಾವಿದ್ದೇವೆ
ಮಳ್ಳರ ಜೊತೆಗೆ ನಾವಿದ್ದೇವೆ
ಎಲ್ಲರ ಜೊತೆಗೂ ನಾವಿದ್ದೇವೆ
ನಾವಿದ್ದೇವೆ ನಾವಿದ್ದೇವೆ !!

ಲೆಕ್ಕಕ್ಕಿಲ್ಲ ನಾವಿದ್ದೇವೆ
ಸೊಕ್ಕಲ್ಲೆಲ್ಲ ನಾವಿದ್ದೇವೆ
ನೆಕ್ಕಿದ್ದಿಲ್ಲ ನಾವಿದ್ದೇವೆ
ನಕ್ಕಲ್ಲೆಲ್ಲ ನಾವಿದ್ದೇವೆ
ಪಕ್ಕಕ್ಕೆಲ್ಲ ನಾವಿದ್ದೇವೆ
ನಾವಿದ್ದೇವೆ ನಾವಿದ್ದೇವೆ !!

ಹೇಸಿಗೆಯೆನ್ನದೆ ನಾವಿದ್ದೇವೆ
ಬೇಸರವಿಲ್ಲದೆ ನಾವಿದ್ದೇವೆ
ಮೋಸವ ಮಾಡಿರಿ ನಾವಿದ್ದೇವೆ
ಕಾಸಿಗೆ ಲೇಸಿಗೆ ನಾವಿದ್ದೇವೆ
ಮೀಸೆಯ ವೀರರು ನಾವಿದ್ದೇವೆ
ನಾವಿದ್ದೇವೆ ನಾವಿದ್ದೇವೆ

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3.5 (2 votes)
To prevent automated spam submissions leave this field empty.

ಬೇಡಿಕೆ

ಸ್ವಾಮಿ ನಿನ್ನಲಿ ಬೇಡಿಕೊಳ್ಳುವೆ
ಪ್ರೇಮ ಸಂತೋಷಗಳನು !
ವ್ಯೋಮಕೇಶನೆ ಬಾಳಿನೊಲ್ಮೆಯೆ
ನೇಮವಲದಿನ್ನೇನನು !!

ಕರ್ಮ ಸಾರ್ಥಕ ಮರ್ಮದಿಂದಲೇ
ಧರ್ಮವೆಂದದನೊಪ್ಪಿಹೆ !
ಜನ್ಮ ಧರ್ಮವ ಬಿಡದೆ ಸ್ಮೃತಿ ತಾ
ನೆಮ್ಮಿದಂತೆಯೆ ಬದುಕಿಹೆ !!

ನಿತ್ಯ ಸತ್ಯೋತ್ಸವವು ಜೀವನ
ಕತ್ತಲೆಗಳನು ಕಳೆಯಲಿ !
ಚಿತ್ತ ತಾವರೆಯಂತೆ ವಿಕಸನ
ಸತ್ಯ ಸೂರ್ಯೋದಯದಲಿ !!

ಮಿಥ್ಯೆಯಡಗಲಿ ಸ್ವಾರ್ಥ ಮುಳುಗಲಿ
ಮೃತ್ಯುವನು ತಾ ಗೆಲ್ಲಲಿ !
ಯತ್ನವೆಲ್ಲವು ಫಲಿಸಿ ಬೆಳಗಲಿ
ಜ್ಯೋತಿಯಂತೆಯೇ ಹೊಮ್ಮಲಿ !!

. - ಸದಾನಂದ

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.5 (2 votes)
To prevent automated spam submissions leave this field empty.

chunavane

ಬಂದಿದೆ ಮತ್ತೆ ಚುನಾವಣೆ
ಮುಂದಿರುವುದೆ ಬದಲಾವಣೆ !!

ಮತ್ತದೆ ಹಳೆಹಳೆ ರಾಗವ ಹಾಡುವ
ಚಿತ್ತದ ಕರಕರೆ ಬೇಕೇಕೆ ?
ಸಿಕ್ಕಿದೆ ಮತ್ತವಕಾಶವು ಬಿಡದೆ
ಚೊಕ್ಕ ಮಾಡಲಾಗದುದೇಕೆ ?

ಹುಡುಕುವುದಿರುವ ಭಂಟರ ಲಕ್ಷಣ
ನುಡಿಸುತ ನುಡಿ ನೆಡಿಗೆಯ ನೋಡಿ !
ಬೆದರಿಸುವಂತಹ ರೀತಿ ವಿಲಕ್ಷಣ
ಮದವಂತರನಾಚೆಗೆ ದೂಡಿ !!

ಮಾತಿಗು ಕೃತಿಗೂ ಸಾಮ್ಯತೆಯುಳ್ಳರ
ರೀತಿ ನೀತಿಗಳ ಸಂಮಾನಿಸಿರಿ !
ಖ್ಯಾತಿಗೆ ಸುಲಭೊಪಾಯವ ಬಲ್ಲರ
ಪ್ರೀತಿಯ ತುಸು ಅನುಮಾನಿಸಿರಿ !!

ಸಂದರ್ಭಕೆ ಜಾತಿಯ ಸೊಲ್ಲೆತ್ತುವ
ಮಂದಿಗಳಿಗೆ ಬಲು ಜಾಗ್ರತೆಯು !
ಮುಂದಿರಲೆಲ್ಲರ ನೀತಿಯ ಬಿತ್ತುವ
ಸುಂದರ ದಿನಗಳಿಗಾದ್ಯತೆಯು !!

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3.3 (3 votes)
To prevent automated spam submissions leave this field empty.

NAGU Beku

ನಗು ಬೇಕು

ನಗು ಬೇಕು ನಗಬೇಕು
ನಗುತಲಿ ಹಗುರಾಗಿರಬೇಕು
ಹಗುರಾಗಲು ನಗುತಿರಬೇಕು !!

ಬಿಡಬೇಕು ಅಳು ಬಿಡಬೇಕು
ಕಡು ಹರುಷದಿ ನಗುತಿರಬೇಕು
ಹಿಡಿದಿಹ ಕೆಲಸವ ಮಾಡಿರಬೇಕು
ನಡೆ ನುಡಿಯಲಿ ಸಮವಿರಬೇಕು !!1!!

ಛಲ ಬೇಕು ಗೆಲುವಿರಬೇಕು
ಅಳುಕದೆ ನಡೆಯುತಲಿರಬೇಕು
ಗೆಲುವಿನ ಹಾದಿಯ ಕಾಣಲು ಬೇಕು
ನಲಿ ಕಲಿವಲಿ ನಗುತಿರಬೇಕು !!2!!

ಗುರು ಬೇಕು ಗುರುತಿರಬೇಕು
ಅರಿವನು ಬೆಳಗಿಸುತಿರಬೇಕು
ಪರಿಸರ ಬಲುತರ ತಿಳಿದಿರಬೇಕು
ಪರಿಚಯ ತಾ ತನಗಿರಬೇಕು !!3!!

ಗುಣಬೇಕು ಸದ್ಗುಣ ಬೇಕು
ತನು ಮನದಲಿ ನಂಬುಗೆ ಬೇಕು
ಕನಸನು ಕಾಣುತ ಬದುಕಿರಬೇಕು
ದಿನದೊಳು ಸಂತಸ ತರಬೇಕು !!4!!

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.3 (3 votes)
To prevent automated spam submissions leave this field empty.

Pages

Subscribe to RSS - sada samartha ರವರ ಬ್ಲಾಗ್