ravindra n angadi ರವರ ಬ್ಲಾಗ್

ಮುಗುಳ್ನಗೆ

 
 
ಹೆಣ್ಣೆ ನಿನ್ನ ಮುಗುಳ್ನಗೆಯು,
ನನ್ನ ಮನಸ್ಸಿಗೆ ಹೊ ಮಳೆಯು II
ಕಲ್ಲುಬಂಡೆಯ ಹೃದಯ  ಕರಗಿತು
ಬರಡಾದ ಮನ ಚಿಗುರೊಡೆಯಿತು
ಮನದಿ ಉಲ್ಲಾಸದ ಹೊಳೆ ಹರಿಯಿತು
ನಿನ್ನದೊಂದು ಮುಗುಳ್ನಗೆಯು II
 
ಸೂರ್ಯನ ಕಿರಣಕೆ ತಾವರೆ ಹೂ ಅರಳಿದ ಹಾಗೆ
ಭೋರ್ಗರೆವ  ಅಲೆಗಳು ಶಾಂತವಾದ ಹಾಗೆ
ನವಿಲು ಖುಷಿಯಿಂದ ಗರಿಬಿಚ್ಚಿ ಕುಣಿದ ಹಾಗೆ
 ನಿನ್ನದೊಂದು ಮುಗುಳ್ನಗೆಯು II
 
ಬಯಸಲ್ಲ ಬೇರೆನು ಬೇಕ್ಕಿಲ ಇನೇನು
ನನ್ನಲಿ ನೀನಿರುವಾಗ
                                 ನಿನ್ನ ಈ  ಮುಗುಳ್ನಗೆಯೊಂದೆ ಸಾಕು.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.5 (2 votes)
To prevent automated spam submissions leave this field empty.

ಕಲಾಂ ನಿಮಗೆ ನೂರೊಂದು ಸಲಾಂ

ಅಮೂಲ್ಯವಾದ ಈ ಮುತ್ತು

ಭಾರತದ ಮಡಿಲಲ್ಲಿ ಮಿಂಚಿತ್ತು

ಜಗತ್ತಿಗೇ ಆಶ್ಚರ್ಯ ಪಡಿಸಿತ್ತು 

 

ಮೊಗ್ಗೊಂದು ಅರಳಿತು ಈ ಭೂಮಿಯಲ್ಲಿ

ಭಾರತಾಂಬೆಯ ಮಮತೆಯ ಮಡಿಲಲ್ಲಿ

ಭಾರತದ ಶಕ್ತಿಯನು ಜಗತ್ತಿಗೆ ಬಿಂಬಿಸಲು

 

ಬಡತನದ ಬೇಗೆಯಲಿ ಬೆಂದ ಈ ಕಂದ

ಕಷ್ಟದಲು ಕನಸು ಕಂಡ ಈ ಕಂದ

ಎದೆಗುಂದದೆ ಸಾಧನೆಗೈದ ಈ ಕಂದ

 

ಜ್ಞಾನದಲಿ ಅದ್ಭುತ ಶಕ್ತಿ ಹೊಂದಿದ ಚತುರ

ದೇಶವ ಅಭಿವೃದ್ಧಿಯತ್ತ ತಂದ ಛಲಗಾರ

ನೀವು ನಮ್ಮ ಭಾರತದ ಹೆಮ್ಮೆಯ ಕುವರ

 

ಕಲಿತು ಕಲಿಸುತ ಸಾಗಿಸಿದಿರಿ ಜೀವನವ

ವಿದ್ಯಾರ್ಥಿಗಳಿಗೆ  ನೀವೆಂದರೆ ಬಹಳ ಇಷ್ಟ

ಪ್ರತಿಯೊಬ್ಬ ಪ್ರಜೆಗೆ ಆದರ್ಶವಾದಿರಿ ನೀವು  

 

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 2 (1 vote)
To prevent automated spam submissions leave this field empty.

ಮುಸ್ಸಂಜೆ

ಒಂದು ಮುಸ್ಸಂಜೆಯಲಿ ನಾ ಕಾದು ಕುಳಿತೆ

ಸೂರ್ಯ ಕೆಂಪಾಗುವ ಸಮಯದಲಿ

ನೀ ಬರುವ ಹಾದಿ ನೋಡುತ್ತಾ

ಬಂಡೆಯ ಮೇಲೆ ನಾ ಕುಳಿತೆ ಗೆಳೆಯ

 

ಮನದಲಿ ಏನೋ ತಳಮಳ

ಯಾರಿಗೂ ಹೇಳಲಾರದ ವೇದನೆ

ಮನದಲಿ ಅಡಗಿಹ ನೋವು

ನಿನ್ನ ಬಳಿ ತೋಡಿಕೊಳ್ಳುವ ಆಸೆ

 

ಏನೋ ಗೊತ್ತಿಲ್ಲ ನೀನೆಂದರೆ ಸಂತೋಷ

ನೀನೆಂದರೆ ಸ್ಪೂರ್ತಿ, ನೀನೆಂದರೆ ಹುಮ್ಮಸ್ಸು

ನಾ ಕಣ್ಣಾದರೆ ನೀ ಅದರ ರೆಪ್ಪೆಯಂತೆ

ನಾ ದೇಹವಾದರೆ ನೀ ಅದರ ಜೀವದಂತೆ

ಎಲ್ಲ ಸಂದರ್ಭದಲ್ಲಿ ನೀ ನಿಂತೆ ಜೊತೆಯಾಗಿ

 

ಗೆಳೆಯರು ನೂರಿದ್ದರೂ ನಿನ್ನಂತೆ ಸಿಗಲಿಲ್ಲ

ಸುಖದಲ್ಲಿ ಬಂದಂತೆ ಕಷ್ಟದಲ್ಲಿ ಭಾಗಿಯಾಗಲಿಲ್ಲ

ಹಣವಿದ್ದರೆ ಗೆಳೆತನ ಎಂದು ನಿರೂಪಿಸಿದವರು ಅನೇಕ

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (2 votes)
To prevent automated spam submissions leave this field empty.

" ಬಾ ವಸಂತ "

ಬಾ ಕಾಲ ಬಾ ವಸಂತ ಕಾಲ

ನಿನಗಾಗಿ ಕಾಯುತಿದೆ ಮಾಮರಗಳು

ಸುಡು ಬಿಸಿಲಿನಲ್ಲಿ ಚಿಗುರುವ ಆಸೆ

ಪ್ರಕೃತಿ ಸೌಂದರ್ಯದ ಸೊಬಗು ಹೆಚ್ಚಿಸಲು  

 ಬಾ ಕಾಲ ಬಾ ವಸಂತ ಕಾಲ

 

ಕೋಗಿಲೆಯು ಕಾಯುತಿದೆ ನಿನಗಾಗಿ

 ನೀ ಬಂದರೆ ತಾನೆ ಹಾಡಿ ಕುಣಿಯುವುದು

 ಜನರ ಮನ ತಣಿಸುವದು

ರೈತನು ಕಾಯುವನು ನಿನಗಾಗಿ  

ಬರಡಾದ  ಭೂಮಿಯನು ಬಲಗೊಳಿಸುಲು

 

 ನಿನ್ನ ಆಗಮನ ನಮಗೆ ಖುಷಿಯಾಗಿದೆ

ನಿನ್ನಬರುವಿಕೆಗೆ ಕಾಯುತಿದೆ ಜೀವ ಸಂಕುಲ

 ನಿನ್ನಿಂದ ತಾನೆ ಭೂಮಿಯು ಹಚ್ಚ ಹಸಿರು

  ಅದರಿಂದ ತಾನೆ ನಮಗೆ ಉಸಿರು

ಬಾ ಕಾಲ ಬಾ ವಸಂತ ಕಾಲ 

 

 ಎಲ್ಲ ಋತುಗಳಲ್ಲೇ ರಾಜ  ಈ ವಸಂತ

ನಿಸರ್ಗದಲ್ಲಿಯ ಬದಲಾವಣೆಗಳು ಅನಂತ  

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3.5 (2 votes)
To prevent automated spam submissions leave this field empty.

" ಸುಖ ಏಲ್ಲಿದೆ ? "

                 ಮನುಷ್ಯ ಸುಖವ ಬಯಸಿ ದುಡಿಯುವನು 

                 ಹಗಲಿರಳು ದುಡಿದು ಹಣವ ಗಳಿಸುವನು

                 ಆಸೆಗಳೆಂಬ ಬಿಸಿಲುಗುದುರೆ ಬೆನ್ನುಹತ್ತಿ ಓಡುವನು

                 ಹಣವ ಗಳಿಸಿವ  ಆತುರದಲ್ಲಿ ಸುಖವ ಮರೆವನು

                ಹಣವ ಗಳಿಸಿದ ಬಳಿಕ ಸುಖವ  ಅರೆಸುವನು                                                                                                                           

                ಹಣವಿಲ್ಲದ ಕಡು ಬಡವನಿಗೂ ಸುಖವಿಲ್ಲ

                ಹಣವುಳ್ಳ  ಆಗರ್ಭ ಶ್ರೀಮಂತನಿಗೂ ಸುಖವಿಲ್ಲ

                ಹಾಗಾದರೆ ಎಲ್ಲರು ಬಯಸುವ ಸುಖ ಎಲ್ಲಿದೆ?

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.

Pages

Subscribe to RSS - ravindra n angadi ರವರ ಬ್ಲಾಗ್