hpn ರವರ ಬ್ಲಾಗ್

ಎಷ್ಟೋ ದಿನಗಳ ನಂತರ ಲಭಿಸಿತ್ತು ಬಿಡುವಿನ ಭಾನುವಾರ. ಮುಂಜಾನೆ ಬೇಗನೆ ಎದ್ದು ಹೊರಟರೂ ತುಮಕೂರು ರೋಡಿನಲ್ಲಿ ಟ್ರಾಫಿಕ್ ಎಂದಿನಂತೆ. ಹೊಸತಾದ ಟೋಲ್ ರಸ್ತೆಯಲ್ಲಿ ಹೇಗಂದರೆ ಹಾಗೆ ವೇಗದಲ್ಲಿ ಎಡದಿಂದ ಬಲಕ್ಕೆ ಬಲದಿಂದ ಎಡಕ್ಕೆ ಬಳುಕುತ್ತ ಸುಯ್ ಎಂದು ಹಾರುತ್ತಿದ್ದ ಟ್ರಕ್ಕು, ಲಾರಿ, ಬಸ್ಸುಗಳ ನಡುವೆ ಡ್ರೈವ್ ಮಾಡಿದ್ದುಸಿನಿಮಾ ಒಂದಕ್ಕೆ ಸ್ಟಂಟ್ ಪ್ರಾಕ್ಟೀಸ್ ಮಾಡಿಸಿದ ಹಾಗಿತ್ತು. ತುಮಕೂರು ರಸ್ತೆಯಲ್ಲಿ ದಾಬಸ್ ಪೇಟ್ ಬಳಿ ಎಡಕ್ಕೆ ತಿರುಗಿದ ಕೂಡಲೆ ಶಿವಗಂಗೆ ಬೆಟ್ಟ ಕಣ್ಣಿಗೆ ಬಿತ್ತು. ಅರ್ಧಾಂಗಿನಿಯವರು ರೆಡಿ ಮಾಡಿ ತಂದಿದ್ದ ಇಡ್ಲಿ ಚಟ್ನಿ ಹಣ ಕೊಟ್ಟು ಕಾಮತ್ ಹೋಟೆಲಿನ ನೊಣಗಳ ಜೊತೆ ತಿಂಡಿ ಹಂಚಿಕೊಳ್ಳುವ ಅದ್ಭುತ ಅವಕಾಶವನ್ನು ತಪ್ಪಿಸಿತ್ತು.

ಮೇಲಿನ ಚಿತ್ರದಲ್ಲಿರುವಂತೆ ಮುಖಪುಟದಲ್ಲಿ ನಿನ್ನೆಯಿಂದ ಸಂದರ್ಶನಗಳ ಸ್ಲೈಡ್ ಲಭ್ಯವಿದೆ. ಸಂಪದದಲ್ಲಿ ಕೆಲವು ಕನ್ನಡ ಸಾಹಿತ್ಯ ದಿಗ್ಗಜರ ಸಂದರ್ಶನಗಳು ಇರುವುದರ ಬಗ್ಗೆ ಹಲವು ಬಾರಿ ಸದಸ್ಯರಿಗೆ ಗೊತ್ತಾಗದೇ ಹೋಗುತ್ತಿರುವ ಬಗ್ಗೆ ಸಲಹೆಗಳನ್ನು ಕಳುಹಿಸಿದ್ದಿರಿ. ಈಗ ಇದೋ ಹೊಸತೊಂದು ಫೀಚರ್ ನಿಮ್ಮ ಮುಂದಿದೆ. 

ಈ ಸ್ಲೈಡ್ ಬಳಸಿ ಸಂದರ್ಶನಗಳೆಲ್ಲವನ್ನೂ ವೀಕ್ಷಿಸಿ ಸುಲಭವಾಗಿ ಆಯ್ಕೆ ಮಾಡಬಹುದು.

ಸಮ್ಮೇಳನದಲ್ಲಿ ಎಲ್ಲೆಲ್ಲೂ ಬಾವುಟಗಳೇ. ಮೊದಲ ಬಾರಿ ಪ್ರೊ. ಜಿ ವಿ ಯವರ ಫೋಟೋ ಹೋರ್ಡಿಂಗುಗಳಲ್ಲಿ ನೋಡಿದ್ದು.

ಮ್ಯಾಕ್ ಡೊನಾಲ್ಡ್ ಬೋರ್ಡಿನ ಬಣ್ಣಕ್ಕೂ ಅದೇನೋ ಹೋಲಿಕೆ ಬಂದುಬಿಟ್ಟಿತ್ತು.

ಈ ಬಾರಿ ಬೆಂಗಳೂರು ಫೋಟೋ ವಾಕ್ ಕಾರ್ಯಕ್ರಮವನ್ನು ಬಸವನಗುಡಿಯಲ್ಲಿ ಏರ್ಪಡಿಸಿದ್ದೆವು. ಸುಮಾರು ೨೮ ಜನ ಪಾಲ್ಗೊಂಡಿದ್ದರು. ಕಾರ್ಯಕ್ರಮದ ಉದ್ದೇಶ ಬೆಂಗಳೂರಿನ ಬಗ್ಗೆ ವಿಕಿಪೀಡಿಯದಲ್ಲಿರುವ ಪುಟಗಳಿಗೆ ಉತ್ತಮ ಫೋಟೋಗಳನ್ನು ಹೊಂದಿಸುವುದು.

ಈ ಬಾರಿ ಬಸವನಗುಡಿಯ ನೂರಾರು ಚಿತ್ರಗಳು ಎಲ್ಲರಿಂದ ಒಟ್ಟುಗೂಡಲಿವೆ.

ಸೋಮೇಶ್ವರ ಬೀಚಿನ ಬಳಿ ಪರಶುರಾಮ ವಿಗ್ರಹ.

ಪರಶುರಾಮ ಕರಾವಳಿಯ ದೈವ. ಕರಾವಳಿಯನ್ನು ಪರಶುರಾಮ ಸೃಷ್ಟಿಯೆಂದು ಕರೆಯುತ್ತಾರಂತೆ. ಸಮುದ್ರವನ್ನು ಹಿಂದಕ್ಕೆ ಅಟ್ಟಿ ಕರಾವಳಿ ಸೃಷ್ಟಿಸಿದ ಪರಶುರಾಮ ಕರಾವಳಿಯನ್ನು ನೋಡಿಕೊಳ್ಳುತ್ತಿರುವನು ಎಂದು ಅಲ್ಲಿದ್ದ ಪುರೋಹಿತರೊಬ್ಬರು ಹೇಳುತ್ತಿದ್ದರು.

ನಿಮಗೆ ಈ ಕಥೆ ಗೊತ್ತಿದೆಯೇ? ಗೊತ್ತಿದ್ದರೆ ಬರೆದು ತಿಳಿಸಿ!

ಚಿತ್ರ: ಹರಿ ಪ್ರಸಾದ್ ನಾಡಿಗ್