ಒಂದೇ ರೂಪಾಯಿಯಲ್ಲಿ ಮನೆಯಿಂದ ಕಚೇರಿಗೆ

5

ಇವತ್ತು ಏಳುವುದು ತಡ. ಕಂಪನಿ ಬಸ್ ತಪ್ಪಿ ಹೋಗಿದೆ. ನನ್ನ ಸಹದ್ಯೋಗಿ ಒಮ್ಮೆ ಹೇಳಿದ್ದು ನೆನಪಿಗೆ ಬಂತು. ನನ್ನ ಏರಿಯ ಇಂದ ಹೊಸ ವೋಲ್ವೋ ಬಸ್ ಇದೆ. ಬೆಳಿಗ್ಗೆ ೮:೩೦ ಕ್ಕೆ ಸರಿಯಾಗಿ ಮನೆ ಹತ್ತಿರ ಬರುತ್ತೆ. ಸರಿ. ಇದೊಂದು ನೋಡೇ ಬಿಡೋಣ ಎಂದು ತಯಾರಾಗಿ ಸಮಯಕ್ಕೆ ಬಸ್ ಸ್ಟಾಪಿಗೆ ಹೋಗಿ ನಿಂತೆ. ವಿಜಯನಗರದಿಂದ ಎಲೆಕ್ಟ್ರಾನಿಕ್ ಸಿಟಿ ವೋಲ್ವೋ ಬಂತು. ಸಾಮಾನ್ಯವಾಗಿ
ನಾನು: ಒಂದು ಎಲೆಕ್ಟ್ರಾನಿಕ್ ಸಿಟಿ ಕೊಡಿ.
ಕಂಡಕ್ಟರ್: ಒಂದು ರುಪಾಯಿ ಕೊಡಿ.
ನನಗೋ ಗೊಂದಲ. ನನಗೆ ಗೊತ್ತಿದ್ದ ಪ್ರಕಾರ ಟಿಕೆಟ್ ಬೆಳೆ ೪೦ ರೂಪಾಯಿಗಿಂತ ಕಡಿಮೆ ಇಲ್ಲ.
ನಾನು: ಏನಂದ್ರಿ?
ಕಂಡಕ್ಟರ್: ಒಂದು ರುಪಾಯಿ ಚಿಲ್ಲರೆ ಕೊಡಿ.
ನಾನು: ತಮಾಷೆ ಮಾಡ್ತಾ ಇದ್ದೀರಾ?
ಕಂಡಕ್ಟರ್: ಪೇಪರ್ ಓದಿಲ್ವಾ? ರೇಡಿಯೋ ಕೇಳಿಲ್ವಾ?
ನಾನು: ಇಲ್ಲಾರಿ, ಓದಿಲ್ಲ. ಏನಾಯ್ತು?
ಕಂಡಕ್ಟರ್: ಇನ್ನೂ ಎರಡು ಮೂರೂ ದಿನ ಬರೀ ಒಂದೇ ರುಪಾಯಿ ಇ ವೋಲ್ವೋ ಬಸ್ಸಿಗೆ.
ನಾನು: ಅದು ಡಿಸೇಲ್ ಹಕೊಕ್ಕು ಸಾಲೋದಿಲ್ಲ.
ಕಂಡಕ್ಟರ್: ಬರೀ ಪಬ್ಲಿಸಿಟಿ ಸಲುವಾಗಿ ರೀ.
ನಾನು: ಅದರೂ ಬಸ್ ಖಾಲಿ ಹೊಡಿತ ಇದೆ.
ಕಂಡಕ್ಟರ್: ನಿಮ್ಮ ಥರ ಎಲ್ಲ ಜನರಿಗೆ ಇನ್ನೂ ಗೊತ್ತಾಗಿಲ್ಲ ಅನ್ಸುತ್ತೆ.
ಸರಿ. ಒಂದು ರುಪಾಯಿ ಕೊಟ್ಟು ಟಿಕೆಟ್ ತಗೊಂಡೆ. ಬಂದು ಪೇಪರ್ ಓದಿದಾಗ ಗೊತ್ತಾಯಿತು. ಬರುವ ರವಿವಾರದ ತನಕ ವೋಲ್ವೋ ಬಸ್ ಟಿಕೆಟ್ ಬೆಳೆ ಬರೀ ಒಂದೇ ರುಪಾಯಿ.

ಬ್ಲಾಗ್ ವರ್ಗಗಳು: 
‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.