Dileep Hegde ರವರ ಬ್ಲಾಗ್

ಅಂಕಿತ..!

ಅಂಕಿತ..!
***********************

ಕೂಸು ಹುಟ್ಟುವ ಮೊದಲೇ
ಕುಲಾವಿ ತರುವ ಇಂಗಿತ
ಕಾವ್ಯ ಕಟ್ಟುವ ಮೊದಲೇ
ಬರೆದು ನೊಂದಿಹೆ ಅಂಕಿತ..!

ಪಾಳು ಗೋಡೆಗಳ ನಡುವೆ
ಹುಟ್ಟೀತೆ ಹಾಳು ಕವಿತೆಗಳು..?
ಬಿಡಿಸಿದಷ್ಟು ಮತ್ತೆ ಬೆಸೆವ
ಭಾವಗಳ ಜಠಿಲ ಜಡಕುಗಳಲ್ಲಿ
ಎದೆಯಾಳದ ಆರ್ತನಾದ
ಬಿಡುಗಡೆಯ ಕಾಣದೆ ಬಂಧಿತ..

ದ್ವೇಷದ ಬಿರುಗಾಳಿ ಬೀಸೆ
ಬೆಳಗೀತೆ ಬಾಳ ಹಣತೆಗಳು..?
ನಾನು ನನದು ಎನುತ ಕುಣಿವ
ಮಂದಮತಿಗಳ ಮಂದೆಯಲ್ಲಿ
ನಗುವ ಮರೆಸಿ ಸ್ವಾರ್ಥ ಮೆರೆಯೆ
ನೋವಿನಂಧಕಾರ ಸಂತತ..

ನೆತ್ತರ ಮಳೆಯದು ಸುರಿಯೆ
ಚಿಗುರೀತೆ ಒಲವ ಕುಡಿಗಳು..?
ಜೀವ ಕಸಿದು ಸಾವ ಬಿಕರಿ
ಎಡೆಬಿಡದೆ ನಡೆವ ಸಂತೆಯಲ್ಲಿ..
ಗೋರಿ ತೋಡಿ ಮಲಗಿವೆ

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 

ಏರಿಳಿತ

 

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3.8 (4 votes)
To prevent automated spam submissions leave this field empty.

ಸಂತೆಯಲ್ಲೊಂದು ಮುತ್ತಿನಂಗಡಿ

ಸಂತೆ ಬೀದಿಗೆ ನೀ ಬರುವ ಘಳಿಗೆ

ಕಾದು ತೆರೆದಿಹೆ ನಾನೊಂದು ಮಳಿಗೆ

ಬೊಗಸೆ ನೋಟಕೆ ಸೇರು ಮುತ್ತು

ನಾ ಮುತ್ತ ಮಾರುವ ವರ್ತಕ..!

 

ಒಂದು ಮುತ್ತಿಗೆ ನೂರು ಉಚಿತ

ಕೊಂಡರೆ ಖುಷಿ ಸಂತಸವು ಖಚಿತ

ಬಿಡದೆ ತುಂಬಿಹೆ ಪ್ರತಿ ಮುತ್ತಲ್ಲಿ ಮತ್ತು

ನಾ ನಶೆ ದುಖಾನಿನ ಮಾಲಕ...!

 

ಭವದ ಬಂಧವನೆಲ್ಲ ತೊರೆದು

ಭಾವ ಬಂಧನದಿ ಬಿಡದಂತೆ ಬೆಸೆದು

ಮುತ್ತ ಮತ್ತಿನಲಿ ನೀ ಮರೆತರೇ ಹೊತ್ತು

ನನ್ನ ಜೀವಿತವೆ ಸಾರ್ಥಕ..!

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.5 (2 votes)
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 
Subscribe to RSS - Dileep Hegde ರವರ ಬ್ಲಾಗ್