ಬರೆದರೇನಾಯ್ತು ಶ್ರೀ ರಾಮಾಯಣ ಮಹಾನ್ವೇಶಣಂ!!!

0

ಬರೆದರೇನಾಯ್ತು ಶ್ರೀ ರಾಮಾಯಣ ಮಹಾನ್ವೇಶಣಂ ಅನ್ನು
ಸ್ವೀಕರಿಸಲಾಗಲಿಲ್ಲ ಕನ್ನಡದಲ್ಲಿಂದು ಪರಮಾಣ ವಚನವನ್ನು

ಕಾನೂನು ಮಂತ್ರಿಗಳಿಗೆ ಜೊತೆ ನೀಡಿದರು ನೋಡಿ ಮುನಿಯಪ್ಪ
ಅನುಭವಿ ನೇತಾರನಾಗಿದ್ದರೂ ಈ ಕೆಟ್ಟ ಬುದ್ಧಿ ಬಂತು ಯಾಕಪ್ಪಾ

ಕನ್ನಡಿಗರಿಗೆ ಕನ್ನಡ ಬಳಸಿ ಎಂದು ಹೇಳೋ ಕಾಲವೂ ಬಂತೇ
ಮಾತೃಭಾಷೆಯ ಬಳಕೆ ನಾಚಿಕೆ ಎನಿಸೋ ದಿನವದೂ ಬಂತೇ

ಮರೆತೀರೆಂದರಿತೇ ಪತ್ರ ಬರೆದು ನೆನಪಿಸಿದುದಾಯ್ತೆ ದೊಡ್ಡ ತಪ್ಪು
ನೆನಪಿಸಿದವರು ರಾಜಕೀಯ ವಿರೊಧಿಗಳಾದರೂ ನೀನದನು ಒಪ್ಪು

ಕನ್ನಡಾಂಬೆಯ ನೆಲದಿ ವಿಜಯ ಪತಾಕೆ ಹಾರಿಸಿದವರು ನೀವು
ದಿಲ್ಲಿಯಲಿ ಕನ್ನಡವನೇ ಮರೆತರೆ ನಂಬಬೇಕೆಂತು ನಿಮ್ಮ ನಾವು

ನಾವು ನೀಡಿದ ಮತವ ನಿಮ್ಮಿಂದ ಹಿಂತಿರುಗಿ ಪಡೆಯ ಬಹುದು
ಶಾಶ್ವತವಲ್ಲ ಗೆಲುವು ಮತ್ತೆ ಕಣಕ್ಕಿಳಿಸಿ ಸೋಲಿಸಲೂ ಬಹುದು

ದಿಲ್ಲಿಯಲೇ ಮುಗಿದು ಹೋಗುವುದೆನ್ನದಿರಿ ನಿಮ್ಮ ಜೀವನವೆಲ್ಲಾ
ತಾಯ್ನಾಡಿಗೆ ಮರಳಲೇ ಬೇಕು ಕಾಲನ ಕರೆ ಬರುವ ಕಾಲಕ್ಕೆಲ್ಲಾ

ಬ್ಲಾಗ್ ವರ್ಗಗಳು: 
‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಪ್ರತಿಕ್ರಿಯೆಗಳು

ಅವರಿಗೆ ಎಷ್ಟು ಅಂದರೂ ಅಸ್ಟೆ!!! ಇದಕ್ಕೆ ನಾವು ಆತ್ಮ ವಿಸ್ಮೃತಿ ಅನ್ನೋದು.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.