ಕಂಸಾಳೆ - ಜನಪದ ಕಲೆಯ ಬಗ್ಗೆ

2.666665

ಕಂಸಾಳೆ ನಮ್ಮ ಜನಪದ ಕಲೆಗಳಲ್ಲಿ ತನ್ನದೇ ಆದ ಹಿರಿಮೆಯನ್ನು ಹೊಂದಿದೆ. ಬಹುಶಹ ಎಲ್ಲ ಕಂಸಾಳೆಯವರು ಹಾಡುವುದು ಮಾದೇಶ್ವರನನ್ನು ಕುರಿತೇ.
ಡಿಎಲೈನಲ್ಲಿ ಹುಡುಕಿದಾಗ ಈ ಹೊತ್ತಗೆ ಸಿಕ್ಕಿತು
http://www.new.dli.ernet.in/scripts/FullindexDefault.htm?path1=/data/upload/0028/112&first=1&last=395&barcode=2040100028107

ಕಂಸಾಳೆ ಕಲಾವಿದರು ಕಂಡುಬರುವುದು ಮೈಸೂರು, ಮಂಡ್ಯ, ಬೆಂಗಳೂರು(ಈಗ ರಾಮನಗರ ಜಿಲ್ಲೆ), ಚಾಮರಾಜನಗರ ಮತ್ತು ತುಮಕೂರು ಜಿಲ್ಲೆಗಳಲ್ಲಿ. ಕಂಸಾಳೆ ಎನ್ನುವುದು'ಕಾಂಸ್ಯತಾಳ' ಎಂಬುದರ ತದ್ಬವ. ಅಂದ್ರೆ ಕಂಚಿನ ತಾಳ.
ಈ ಕಂಸಾಳೆಯಲ್ಲಿ ತುಂಬ ನಿಮ್ಮನ್ನು ಸೆಳೆಯುವುದು ಬೀಸು ಕಂಸಾಳೆ.

ಇದನ್ನೇ ನಮ್ಮ ಸಿನಿಮಾದವರು ಬಳಸಿದ್ದಾರೆ. ನೀವು ಇದನ್ನು ಕೇಳಿರಬಹುದು.
"ಕೋಲುಮಂಡೆ ಜಂಗಮದೇವರು ಕ್ವಾರಣ್ಯಕ್ಕೆ ದಯ ಮಾಡವರೊ
ಕ್ವಾರಣ್ಯ ನೀಡಮ್ಮ ಕೋಡುಗಲ್ಲ ಮ್ಯಾಲೆ..."

ಇಲ್ಲಿ ಕ್ವಾರಣ್ಯ ಅಂದ್ರೆ ಕರುಣೆಯಿಂದ ನೀಡುವ ಭಿಕ್ಶೆ. ಇದಕ್ಕೆ 'ಕೋರನ್ನ' ಅಂತಾನೂ ಕರೆತಾರಂತೆ. (ಕೋರನ್ನ= ಕೋರಿ/ಬೇಡಿದವನಿಗೆ ನೀಡುವ ಅನ್ನ)

ಒಂದು ಮಾದರಿ ಕಂಸಾಳೆ ಹಾಡು:-
"ನೆನೆದವರ ಮನೆಯೊಳಗಿದ್ದು
ಮರೆತವರ ಮನೆಯ ಮುರುದು
ನಂಬಿದವರ ಮನೆಯಲಿ ಗುರುವೆ
ತುಂಬಿ ತುಳುಕಾಡುತವೆ."

ನುಡಿ/ಬಾಶೆಯ ಬಳಕೆ ನೋಟದಿಂದ ನೋಡಿದಾಗ ಈ ಕಂಸಾಳೆ ಪದಗಳಿಗೆ ತನ್ನದೇ ಆದ ಒಳನುಡಿ ಬಳಕೆ ಇರುವುದು ಗೊತ್ತಾಗುತ್ತದೆ. ಕೆಲವು ಮಾದರಿಗಳು

ಅಟ್ಟಿ(ಮನೆ)
ಅಮ್ಮಿ(ಪ್ರೀತಿಗೆ ಹೆಣ್ಣು ಮಕ್ಕಳನ್ನು ಕರೆಯುವುದು)
ಆತ್ರಿಸಿ( ಆತುರ-ಇಸು)
ಈರತ್ಕಟ್ಟೆ( ವಿರಕ್ತ ಕಟ್ಟೆ)
ಉರುಳಗ( ಊಳಿಗ)
ಊಬತ್ತಿ( ವಿಭೂತಿ)
ಐಲು( ಹುಚ್ಚು)
ಐಕ್ಳು( ಐಕಳು, ಮಕ್ಕಳು)
ಒಗ್ತಾನ(ಒಗೆತನ)
ಕುರ್ಜಿನ( ಕುರುಜು, ತೇರಿನ ಮಾಳ)
ಕೊಟಾರ( ಕಣ)
ಕೌದಿ(ಸಣ್ಣ ಸಣ್ಣ ಬಟ್ಟೆಯಿಂದ ಹೊಲಿದ ಹೊದಿಕೆ)
ಗುಳ್ಲು( ಗುಡಿಸಲು)
ಚಿಟುಗರು(ಶಿಷ್ಯರು)
ಚೊಳ್ಳೆಸಾರು( ನೀರಾದ ಸಾರು)
ಪಳ್ಳಿಮನೆ( ಪಾಠಶಾಲೆ)
ಬರಗ(ಬರ್ಗ, ವ್ಯಾಘ್ರ)
ಮಸದೀಪು( ಪಂಜು)
ಸೀತಾಳ ಚಪ್ಪರ( ಹೊಂಗೆ,ಬಸರಿ, ಮಾವಿನಸೊಪ್ಪಿನ ಚಪ್ಪರ, ಹಸಿರುವಾಣಿ ಚಪ್ಪರ)
ಹುಟ್ಟರೆಕಲ್ಲು( ಉದ್ಭವಿಸಿದ ಬಂಡೆ)
ಹಿಂಚರಿ ( ಹಿಂದುಗಡೆ)

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 2.7 (3 votes)
To prevent automated spam submissions leave this field empty.

ಪ್ರತಿಕ್ರಿಯೆಗಳು

ನಿಮ್ಮ ಜಾನಪದ ಅರಿವಿಗೆ ನನ್ನ ವಂದನೆಗಳು. ಕಂಸಾಳೆ ಜಾನಪದ ಕಲೆಗಳಲ್ಲಿ ಒಂದು. ಬಹು ಇಂದಿನಿಂದಲೂ ನಮ್ಮ ಹಳ್ಳಿಗಳಲ್ಲಿ ಬಳಕೆಯಲ್ಲಿ ಇದ್ದಂತಹ ಒಂದು ನಂಬಿಕೆ. ಮಾದೇಶ್ವರನ ಒಕ್ಕಲುಗಳು ಈ ಕಲೆಯನ್ನು ಆಡುತ್ತಾರೆ. ಇವರಷ್ಟೆ ಅಲ್ಲದೆ ಬೇರೆ ಬುಡಕಟ್ಟುಗಳಲ್ಲಿ ಸಹ ಈ ಕಲೆ ಇದೆ. ಈ ಕಲೆಯ ಮುಖ್ಯ ಉದ್ದೇಶ ದೈವಿ ಕಲ್ಪನೆ ಒಂದಾದರೆ, ಬುಡಕಟ್ಟು ಸಂಸ್ಕೃತಿಯಲ್ಲಿ ತಮ್ಮ ಜೀವನದ ಒಂದು ಚಟುವಟಿಕೆಯಾಗಿ ಈ ಕಲೆ ಕಂಡು ಬರುತ್ತದೆ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

"ಕೋಲುಮಂಡೆ ಜಂಗಮದೇವರು ಕ್ವಾರಣ್ಯಕ್ಕೆ ದಯ ಮಾಡವರೊ
ಕ್ವಾರಣ್ಯ ನೀಡಮ್ಮ ಕೋಡುಗಲ್ಲ ಮ್ಯಾಲೆ..."

ಇಲ್ಲಿ "ಕೋಲುಮಂಡೆ" ಎ೦ದರೇನು?

ಅನ೦ತ

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

[quote] ಪಳ್ಳಿಮನೆ( ಪಾಠಶಾಲೆ) [\quote]

ಈ ಪದ ನನ್ನ ಗಮನ ಸೆಳೆಯಿತು.

ತಮಿಳಿನಲ್ಲೂ ಶಾಲೆಗೆ ಪಳ್ಳಿಕ್ಕೂಡಂ ಎಂದು ಕರೆಯಲಾಗುತ್ತೆ - ಇದು ಕನ್ನಡದಲ್ಲೂ ಇದೆ ಎನ್ನುವುದು ತಿಳಿದಿರಲಿಲ್ಲ.

-ಹಂಸಾನಂದಿ

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಹಂಸಾನಂದಿ,
ಇಂದಿಗೂ ಗುಂಡ್ಲುಪೇಟೆ, ಕಬ್ಬಳ್ಳಿ, ಬೇಗೂರು ಮತ್ತು ಸುತ್ತಮುತ್ತಲ ಹಳ್ಳಿಗಳಲ್ಲಿ ಸ್ಕೂಲನ್ನು 'ಪಳ್ಳು' ಅಂತಾನೆ ಹೇಳಾದು.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.