MP3 ಕಡತಗಳನ್ನು ಜೋಡಿಸುವುದು ಹೇಗೆ?

5

MP3 ಕಡತಗಳನ್ನು ತುಂಡರಿಸುವುದು ಹೇಗೆ ಅಂತ ಮಿಶ್ರಿಕೋಟಿಯವರ ಬರಹ ನೋಡಿದರೂ, ಉಬುಂಟುವನ್ನು ೧೦.೦೪ಗೆ ಅಪ್‌ಡೇಟ್ ಮಾಡಿದ ಮೇಲೆಯೇ ಪ್ರಯೋಗ ಮಾಡೋಣ ಎಂದುಕೊಂಡಿದ್ದೆ. ಮೊನ್ನೆ ಅದಕ್ಕೂ ಸಮಯ ಕೂಡಿ ಬಂತು.

 

ನಿಜಕ್ಕೂ Mp3splt-gtk audio splitter ತುಂಬ ಸರಳವಾದ ತಂತ್ರಾಂಶ. ಅದರಿಂದ ಒಂದೆರಡು ಹಾಡುಗಳನ್ನು ತುಂಡರಿಸಿದ್ದಾಯ್ತು. ಈಗ ನಮಗೆ ಬೇಕಾದ ಭಾಗಗಳನ್ನಷ್ಟೆ ಕೂಡಿಸಲು ಬರುತ್ತದೆಯೆ ಎನ್ನುವ ಯೋಚನೆ ಬಂತು.

 

ಉದಾಹರಣೆಗೆ ಒಂದು ಹಾಡಿನ ಸಾಹಿತ್ಯ ಮತ್ತು ಮತ್ತು ಸಂಗೀತ ಬೇರೆ ಬೇರೆಯಾಗಿ ತುಂಡರಿಸುತ್ತೇನೆ. ಹಾಡಿನಲ್ಲಿಯ ಸಂಗೀತ ಬಿಟ್ಟು, ಬರಿ ಸಾಹಿತ್ಯದ ಭಾಗವನ್ನಷ್ಟೆ(ಅಥವಾ vice-versa) ಜೋಡಿಸಬೇಕಾದರೆ?

 

ಅದಕ್ಕೂ ಉಬುಂಟುನಲ್ಲಿ ಏನಾದರೂ ತಂತ್ರಾಂಶವಿದೆಯೇ ಎಂದು ಗೂಗಲಿಸಿದೆ. ಗೂಗಲ್ ತೋರಿಸಿದ ಫಲಿತಾಂಶದಲ್ಲಿ, ಕೆಲವು ಉಚಿತ ಮತ್ತು ಕೆಲವು ಖರೀದಿಸಬೇಕಾದ ತಂತ್ರಾಶಗಳು ಇದ್ದವು. ಆದರೆ ಒಂದು ಅಚ್ಚರಿಯ ಫಲಿತಾಂಶ ಇತ್ತು.

 

ಯುನಿಕ್ಸ್/ಲಿನುಕ್ಸ್‌ನಲ್ಲಿ cat ಅಂತ ಒಂದು command ಇದೆ. ಇದರಿಂದ ನಿಮ್ಮ ಕಡತವನ್ನು ನೋಡಬಹುದು (dosನ type commandನಂತೆ). ಅಲ್ಲದೇ ಬೇರೆ ಬೇರೆ ಕಡತಗಳನ್ನು ಜೋಡಿಸಲೂ ಬಹುದು.

 

ಈಗ a.mp3 ಮತ್ತು b.mp3 ಅಂತ ಎರಡು ಕಡತಗಳಿವೆ. ಅವೆರಡನ್ನೂ ಜೋಡಿಸಬೇಕಾದರೆ,

cat a.mp3 b.mp3 > z.mp3

ಅಷ್ಟೆ! ಗಮನಿಸಿ, DOS ನಲ್ಲಿ ಇದೇ ತರದ command (copy) ಇದ್ದರೂ, ಅದರಿಂದ ಬರೀ text ಕಡತಗಳನ್ನಷ್ಟೇ ಜೋಡಿಸಬಹುದು.

 

ಆಯ್ತು, ಈಗ ಮೂರು ಕಡತಗಳನ್ನು ಜೋಡಿಸಬೇಕಾದರೆ?

cat a.mp3 b.mp3 c.mp3 > z.mp3

 

ಇನ್ನೂ ಜಾಸ್ತಿ ಕಡತಗಳಿಗೆ? ಇನ್ನೂ ಸುಲಭ. ಎಲ್ಲ ಕಡತಗಳನ್ನು ಒಂದು folderಗೆ ವರ್ಗಾಯಿಸಿ. ಕೆಳಗಿನ command ಓಡಿಸಿ.

cat *.mp3 final.mp3

 

folderನಲ್ಲಿದ್ದ ಎಲ್ಲ ಕಡತಗಳು ಸೇರಿ, final.mp3 ಎಂಬ ಒಂದೇ ಕಡತವಾಗಿರುತ್ತದೆ.

 

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (2 votes)
To prevent automated spam submissions leave this field empty.

ಪ್ರತಿಕ್ರಿಯೆಗಳು

cat ಕಮಾಂಡಿನ ಇನ್ನೂ ಕೆಲವು ಉಪಯೋಗಗಳಿವೆ. ನನಗೆ ಇಷ್ಟವಾದದ್ದು ಸಿಡಿ ಅಥವಾ ಡಿವಿಡಿ ಯ ISO ಫೈಲ್ ಮಾಡಲು. ಇದು ಬಹಳ ಸುಲಭ. cat /dev/cdrom > image.iso ಸಿಡಿಯೊಂದನ್ನು ಕಾಪಿ ಮಾಡಲು ಇತರ ಯಾವುದೇ ಸಾಫ್ಟ್ ವೇರಿನ ಅಗತ್ಯವಿಲ್ಲ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.