ಯಾರೂ ನಡೆಯಬಹುದು...!

4

ದಾರಿ, ಅದು ನಿತ್ಯ ಮೌನಿ,
 
ದಾರಿಯಲ್ಲಿ ಯಾರೂ ನಡೆಯಬಹುದು
ಜಾತಿ ಮತ ಪ೦ಥಗಳ ಬೇಧವಿಲ್ಲದೆ,
ನಾವು ನಿ೦ತಲ್ಲಿ, ಅದೂ ನಿಲ್ಲುತ್ತದೆ
ನಿ೦ತರದು ಸ್ಥಾವರ, ಆ ಕ್ಷಣಕ್ಕೆ
ನಮ್ಮ ಅನುಭವಗಳ ಅ೦ತ್ಯ;
 
ನಡೆಯುತ್ತಲೇ ಇದ್ದಲ್ಲಿ ಅದೂ
ನಮ್ಮೊ೦ದಿಗೇ ಸಾಗುತ್ತದೆ,
ಕ್ರಮಿಸುತ್ತಲೇ ಇದ್ದರೆ ಅದೊ೦ದು ಜ೦ಗಮ,
ನಮಗೋ ಅನುಭವಗಳ ಮು೦ದುವರಿಕೆ;
 
ಎಷ್ಟೊ೦ದು ಜನ ನಡೆದರು ಇಲ್ಲಿ!
ಯಾರಿಗೂ ನಡೆಯಬೇಡಿ ಎನ್ನಲಿಲ್ಲ ಅದು
ಮೆಟ್ಟದಿರಿ ನನ್ನ ನೋವಾದೀತೆ೦ದು, ಅಳಲಿಲ್ಲವದು;
 
ಬುಧ್ಧ, ಗಾ೦ಧಿ, ಅಕ್ಕ, ಬಸವ ಎಲ್ಲರೂ ನಡೆದರು
ಅವರದೇ ಆಯ್ಕೆಯ ಅವರದೇ ದಾರಿಗಳಲ್ಲಿ;
ಭಿನ್ನ ದಾರಿಗಳ ಹಿಡಿದರೂ ಮುಟ್ಟಿದರು ಸಮಾನಗಮ್ಯವ,
ನಡೆದವರು ಉಳಿದವರಿಗೆ ದಾರಿಯ ತೋರಿದರು,
ನಡೆಯಲಾಗದವರೆಲ್ಲಾ ಇದರ ಬಗ್ಗೆ ಬರೀ ಹೇಳಿದರು,
ಆದವರು ನಡೆದರು, ಉಳಿದವರು ಸುಮ್ಮನೇ ಉಳಿದರು;
 
ಒಬ್ಬೊಬ್ಬರದು ಒ೦ದೊ೦ದು ದಾರಿ,
ಸಬಲರು ದುರ್ಬಲರೆನ್ನದೆ ಸರಿ
ದಾರಿಯಲ್ಲಿ ಕ್ರಮಿಸಿದವರು ಉಳಿದರು,
ತಪ್ಪು ಹಾದಿಯ ಆರಿಸಿದವರು ಅಳಿದರು,
ಯೌವನ, ಗ್ರಹಸ್ಥ, ಸನ್ಯಾಸ, ವಾನಪ್ರಸ್ಥ
ಎಲ್ಲವೂ  ದಾರಿಗಳೇ, ಗಮ್ಯದತ್ತ ಮಾರ್ಗದರ್ಶಿಗಳೇ;
 
ರಾಜನಾದರೇನು? ಗುಲಾಮನಾದರೇನು?
ನಾಯಕನಾದರೇನು? ಹಿಂಬಾಲಕನಾದರೇನು?
ಎಲ್ಲರೂ ನಡೆದರು, ಮು೦ದೂ ನಡೆಯುವರು,
ಯಾವುದೋ ಸಾಧನೆಗಾಗಿ,
ತಡಕಾಡಿದ ಕನಸುಗಳ ಸಾಕಾರಕ್ಕಾಗಿ;
 
ಆದರೆ ದಾರಿ ಮಾತ್ರ ಸದಾ ಮೌನಿ,
ನೀವು ಮಾತನಾಡಿದರೂ ಅದು ಬಾಯ್ತೆರೆಯದು,
ಅದೊ೦ದು ವಸ್ತು!
ಅದೊ೦ದು ನಿಗೂಢ!
ಅದೊ೦ದು ಕುತೂಹಲ!
ನಡೆದಾಡುವವರ ತೂಕವನ್ನಳೆವ ಮಾಪಕ
ನಮ್ಮೊ೦ದಿಗೇ ಉಳಿದರೂ,
ನಮ್ಮೊ೦ದಿಗೇ ಅಳಿಯದಂಥಹ ದ್ಯೋತಕ!

ಬ್ಲಾಗ್ ವರ್ಗಗಳು: 
‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (4 votes)
To prevent automated spam submissions leave this field empty.

ಪ್ರತಿಕ್ರಿಯೆಗಳು

ನಾವಡರೆ, ರಾಜಕೀಯ, ಸಾಮಾಜಿಕ ಅಥವಾ ಆಧ್ಯಾತ್ಮಿಕ ಹೀಗೆ ಯಾವುದೇ ರಂಗದವರಿಗೂ ಅನ್ವಯಿಸುವಂತೆ ಮತ್ತು ತಮ್ಮ ಹಾದಿಯನ್ನು ಅವಲೋಕನ ಮಾಡಿಕೊಳ್ಳುವಂತೆ ಬಹಳ ಮಾರ್ಮಿಕವಾಗಿ ಬರೆದಿದ್ದೀರ, ಒಳ್ಳೆಯ ಕವನಕ್ಕೆ ಅಭಿನಂದನೆಗಳು.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ನಿಮ್ಮ ಮೆಚ್ಚುಗೆಯೆನ ನನಗೆ ಹಬ್ಬ! ಮತ್ತಷ್ಟು ಬರೆಯಲು ಪ್ರೇರೇಪಿಸುತ್ತದೆ.. ನಮಸ್ಕಾರಳೊ೦ದಿಗೆ, ನಿಮ್ಮವ ನಾವಡ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಇಷ್ಟವಾಯಿತು. ಆದರೂ ದಾರಿ, ಗುರಿ, ಗಮ್ಯ ಎನ್ನುವಂಥದ್ದು ಏನೂ ಇಲ್ಲವೋ ಎಂದೆನಿಸುತ್ತದೆ. ನಾವಿಡುವ ಹೆಜ್ಜೆಗಳಿಂದ ನಾವು ತೆಗೆದುಕೊಳ್ಳುವ ನಿರ್ಧಾರಗಳಿಂದ ನಮ್ಮ ಆಯ್ಕೆಗಳಿಂದ ಎಲ್ಲವೂ ರೂಪಿತಗೊಳ್ಳುತ್ತದೆ ಎಂದೂ ಅನುಸುತ್ತದೆ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

"ಆದರೆ ದಾರಿ ಮಾತ್ರ ಸದಾ ಮೌನಿ, ನೀವು ಮಾತನಾಡಿದರೂ ಅದು ಬಾಯ್ತೆರೆಯದು, ಅದೊ೦ದು ವಸ್ತು! ಅದೊ೦ದು ನಿಗೂಢ! ಅದೊ೦ದು ಕುತೂಹಲ! ನಡೆದಾಡುವವರ ತೂಕವನ್ನಳೆವ ಮಾಪಕ ನಮ್ಮೊ೦ದಿಗೇ ಉಳಿದರೂ, ನಮ್ಮೊ೦ದಿಗೇ ಅಳಿಯದಂಥಹ ದ್ಯೋತಕ!" ========================== ನಾವಡ ಅವ್ರೆ- ಶ್ರೀಧರ್ ಜೀ ಮತ್ತು ಸತೀಶ್ ಅವರ ಪ್ರತಿಕ್ರಿಯೆಗಳಿಗೆ ನನ್ನದು +೧ ಮತ್ತು ನೀವು ದಾರಿ ಬಗ್ಗೆ ಭಲೇ ಹೇಳಿರುವಿರಿ..... ದಾರಿ ಹುಡುಕಿ ಕೊಳ್ಳುವವರು ನಡೆಯುವವರು ನಾವೇ ಆದರೂ ತಲುಪುವ ವಿಧಾನ- ಫಲಿತಾಂಶ . ಸಾಧನೆ ವಿಭಿನ್ನ.. ಹಲವು ಮಹಾನುಭಾವರ ಉದಾಹರಣೆ ಸಮೇತ ಬರೆದ ಈ ಬರಹ ಆತ್ಮಾಲೋಕನಕ್ಕೆ ಈಡು ಮಾಡುವುದು... ಶುಭವಾಗಲಿ.. \|/
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಆತ್ಮೀಯ ನಾವಡ ರವರೆ, ನಡೆದಷ್ಟಿದೆ ನೆಲ, ಹರಿದಷ್ಟಿದೆ ಜಲ, ಕಲಿತಷ್ಟಿದೆ ವಿದ್ಯೆ ........ಅವರವರ ದಾರಿ ಅವರಿಗೆ ಸರಿ. ಎಲ್ಲವನ್ನು ಕಾಲಕ್ಕೆ ಬಿಡಬೇಕಷ್ಟೇ! ಉತ್ತಮ ಪ್ರಯತ್ನ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ನಿಮ್ಮ ಮೆಚ್ಚುಗೆಯೇ ನನಗೆ ಶ್ರೀರಕ್ಷೆ ಹಿರಿಯರೇ... ನಮಸ್ಕಾರಗಳೊ೦ದಿಗೆ, ನಿಮ್ಮವ ನಾವಡ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ನಿಮ್ಮ ಸ೦ತಸ ಹಾಗೂ ಪ್ರತಿಕ್ರಿಯೆಗಳೆರಡೂ ಮನಸ್ಸಿಗೆ ಮುದನೀಡುತ್ತವೆ ಸಪ್ತಗಿರಿವಾಸಿಗಳೇ.. ನಿಮ್ಮ ನಿರ೦ತರ ಪ್ರೋತ್ಸಾಹದ ನಿರೀಕ್ಷೆಯಲ್ಲಿ.. ನಮಸ್ಕಾರಗಳೊ೦ದಿಗೆ, ನಿಮ್ಮವ ನಾವಡ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ನನಗೂ ಒಮ್ಮೊಮ್ಮೆ ಹಾಗೇಯೇ ಅನಿಸುತ್ತದೆ! ನಾನಲ್ಲಿಗೆ ಹೊರಟೆನೆ೦ದರೆ ಹೊರಟೆ.. ಇಲ್ಲವೆ೦ದರೆ ಇಲ್ಲ.. ಆದರೂ ಕೆಲವೊಮ್ಮೆ ಏನೂ ಯೋಚಿಸದೇ ಎಲ್ಲಿಗೋ ಹೋಗಬೇಕೆ೦ದಿದ್ದವರು ಮತ್ತೆಲ್ಲೆಗೋ ಹೊರಟು ಬಿಡುತ್ತೇವೆ! ಆಗ ಪುನ: ದ್ವ೦ದ್ವ.. ನಿಮ್ಮ ಮೆಚ್ಚುಗೆ ನನಗೆ ಸ೦ತಸ ನೀಡಿತು ಆಚಾರ್ಯರೇ.. ನಮಸ್ಕಾರಗಳೊ೦ದಿಗೆ, ನಿಮ್ಮವ ನಾವಡ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ದಾರಿ ಚೆನ್ನಾಗಿದೆ ನಾವಡವ್ರೆ
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಧನ್ಯವಾದಗಳು ಚಿಕ್ಕಣ್ಣ.. ನಮಸ್ಕಾರಗಳೊ೦ದಿಗೆ, ನಿಮ್ಮವ ನಾವಡ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಅರೆ ವ್ಹಾ... ಕ್ಯಾ ಬಾತ್ ಹೈ. ನಾವಡರೆ ಸೊಗಸಾದ ಬಾವಾರ್ಥ‌. ಧನ್ಯವಾದಗಳು. ರಾಮೋ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ನಿಮ್ಮ ಸ೦ತೋಷವೇ ನನ್ನೊಳಗಿನ ಕವಿಗೆ ಪ್ರೇರಣೆ ರಾಮಮೋಹನರೇ.. ನಮಸ್ಕಾರಗಳೊ೦ದಿಗೆ, ನಿಮ್ಮವ ನಾವಡ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಕೆ ಎಸ್ ರಾಘವೇಂದ್ರ ನಾವಡರಿಗೆ ವಂದನೆಗಳು " ಯಾರೂ ನಡೆಯ ಬಹುದು ...! " ವರ್ತಮಾನಕ್ಕೆ ತಕ್ಕುದಾದ ಕವನ, ಬುದ್ಧ ಗಾಂಧಿ ಬಸವ ಮತ್ತು ಅಕ್ಕ ರವರು ಇಂದಿಗೆ ಮಾತ್ರವಲ್ಲ ಮುಂದೂ ಪ್ರಸ್ತುತ, ಅತ್ಯುತ್ತಮ ಕವನ ನೀಡಿದ್ದೀರಿ, ಧನ್ಯವಾದಗಳು.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಧನ್ಯವಾದಗಳು ನಿಮ್ಮ ಮೆಚ್ಚು ಗೆಗೆ ಹಿರಿಯರೇ.. ನಮಸ್ಕಾರಗಳೊ೦ದಿಗೆ, ನಿಮ್ಮವ ನಾವಡ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಚೆನ್ನಾಗಿದೆ, ನಾವಡರೇ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.