ಜೀಟಾಕ್ ಗೆಳತಿ : ಬದುಕಿ ಬಂದಾಗ - ಭಾಗ ೬

5

ಜೀಟಾಕ್ ಗೆಳತಿ : ಬದುಕಿ ಬಂದಾಗ - ಭಾಗ ೫ ಲಿಂಕ್  ~ http://sampada.net/blog/%E0%B2%9C%E0%B3%80%E0%B2%9F%E0%B2%BE%E0%B2%95%E0...

ಜೀಟಾಕ್ ಗೆಳತಿ : ಬದುಕಿ ಬಂದಾಗ - ಭಾಗ ೪ ಲಿಂಕ್  ~ http://sampada.net/blog/%E0%B2%9C%E0%B3%80%E0%B2%9F%E0%B2%BE%E0%B2%95%E0...

ಜೀಟಾಕ್ ಗೆಳತಿ : ಬದುಕಿ ಬಂದಾಗ - ಭಾಗ ೩ ಲಿಂಕ್  ~ http://sampada.net/blog/%E0%B2%9C%E0%B3%80%E0%B2%9F%E0%B2%BE%E0%B2%95%E0...

ಜೀಟಾಕ್ ಗೆಳತಿ : ಬದುಕಿ ಬಂದಾಗ - ಭಾಗ ೨ ಲಿಂಕ್  ~ http://sampada.net/blog/%E0%B2%9C%E0%B3%80%E0%B2%9F%E0%B2%BE%E0%B2%95%E0...

ಜೀಟಾಕ್ ಗೆಳತಿ : ಬದುಕಿ ಬಂದಾಗ - ಭಾಗ ೧ ಲಿಂಕ್  ~ http://sampada.net/blog/%E0%B2%9C%E0%B3%80%E0%B2%9F%E0%B2%BE%E0%B2%95%E0...

 

 

ನಾನು : ಹುಡ್ಗೀರು ಒಂಬತ್ತು ಗಜದ ರೇಶಿಮೆ ಸೀರೆ ಉಟ್ಟು, ಉದ್ದ ಕುಂಕುಮ ಇಟ್ಟುಕೊಂಡು ,ಒಂದೆಳೆ ಸಿಂಪಲ್ಲಾಗಿ ಇರೋ ಚಿನ್ನದ ಸರ ಹಾಕೊಂಡು , ಕಿವಿಗೆ ನೇತಾಡುವ ಲೋಲಾಕ್ ಇಟ್ಟುಕೊಂಡು , ಕಾಲಿಗೆ ಗೆಜ್ಜೆ ಕಟ್ಟಿಕೊಂಡು, ಕೈ ತುಂಬಾ ಬಳೆ ತೊಟ್ಟುಕೊಂಡಿದ್ದರೆ ಚೆಂದ ಕಾಣಿಸ್ತಾರೆ :P 

.......................................

 

ಅನ್ನೋನ್ : ಹಾಯ್ ಏನೋ ಮಾಡ್ತಿದ್ಯ?

ನಾನು : ಹಾ.. ದನ ಮೇಯಿಸ್ತಿದೀನಿ ... ನಾನ್ ಏನ್ ಮಾಡ್ತಿದೀನಿ ಅಂತ ತಿಳ್ಕೊಳಕ್ಕೆ ಚಾಟ್ ಮಾಡ್ತಿಯ?

ಅನ್ನೋನ್ : ಎಮ್ಮೆ ಕೊಡುಸ್ಲ ಎರಡು?

ನಾನು :ಬೇಡ.. ಹಸು ಕೊಡ್ಸು 

ಅನ್ನೋನ್ : ಆಯ್ತು .. ಅದೇ ಕೊಡುಸ್ತೀನಿ..

ನಾನು : ಕೊಡ್ಸುದ್ಮೇಲೆ ಹಾಲ್ ಕೊಡು ಅಂದ್ರೆ ಗಂಜಲದಲ್ಲಿ ಸ್ನಾನ ಮಾಡ್ಸಿ ಮುಖಕ್  ಸೆಗಣಿ ಮೆತ್ತುತೀನಿ :P

ಅನ್ನೋನ್ : eeeeeeeeeeeeeee

ನಾನು : ಹಲ್ಲುಜ್ಜಿದ್ಯೋ ಇಲ್ವೋ ಅಂತ ಕೇಳಲ್ಲಿಲ್ಲ ನಾನು :P

.................................

 

ಅನ್ನೋನ್ : Which is your native? tell me what else

ನಾನು : ಏನಮ್ಮ ನಿನ್ ಪ್ರಾಬ್ಲೆಮ್ಮು ?

ಅನ್ನೋನ್ : ಏನ್ ಇಲ್ಲ ..

ನಾನು : ಮತ್ತೆ ನನ್ನ ನೇಟಿವ್ ಕಟ್ಟಿಕೊಂಡು ನಿಂಗೇನ್ ಆಗ್ಬೇಕು?

ಅನ್ನೋನ್ : Sorry, my friend asked you that question

ನಾನು : oho.. ನಿಮ್ ಫ್ರೆಂಡ್ಸ್ ಡೌಟ್ ಎಲ್ಲಾ ಕ್ಲಿಯರ್ ಮಾಡಕ್ ನಾನೇನ್ ನಿಮ್ ಕ್ಲಾಸ್ ಟೀಚರ?

ಅನ್ನೋನ್ : ಇಲ್ಲ ಕಣೋ.. She was chatting with you.

ನಾನು : ಒಂದೇ ID ಲಿ ಇಬ್ರು... ಇರ್ಲಿ ಇರ್ಲಿ ... ಏನಮ್ಮ ಅವಳ ನಾಮಧೇಯ?

ಅನ್ನೋನ್ : ಬೃಂದಾ !!

ನಾನು : ಸರಿ.. ಟಾಟಾ... ನಾನ್ ಹೊರಟೆ

ಅನ್ನೋನ್ : ಯಾಕೋ? ಇನ್ನು ೫ ಗಂಟೆ

ನಾನು : ಹು.. ಇವತ್ತು ಗುರುವಾರ... ರಾಯರ ಮಠಕ್ಕೆ ಹೋಗಬೇಕು

........................................

 

ಆರು ಗಂಟೆಗೆಲ್ಲ ಮನೆಲಿದ್ದೆ. ಕಾಫಿ ಬೆರೆಸಿಕೊಂಡು ಹೀರುತ್ತಾ , ಆರ್ಕುಟ್ ನ ಮೈಸೂರ್ ಕಮ್ಯುನಿಟಿಯಲ್ಲಿ ಹರಟುತ್ತಾ [ಕಾಲೆಳೆಯುತ್ತಾ :P ] ಕೂತಿದ್ದೆ. ಕಾಫಿ ಹೀರಿ ಹತ್ತು ನಿಮಿಷದಲ್ಲೇ ಪ್ರೆಷರ್ ಬಿಲ್ಡ್ ಆಗಿ, ಸಂಜೆಯ ಪಾಕಿಸ್ತಾನ ಪ್ರವಾಸ ಮುಗಿಸಿ ಬರೋಷ್ಟರಲ್ಲಿ ಸಂಯುಕ್ತ ತನ್ನ ಡಿಜಿಟಲ್ ಸಿಗ್ನಲ್ ಪ್ರೊಸೆಸಿಂಗ್ ಬುಕ್ಕನ್ನು ಪಕ್ಕಕ್ಕಿಟ್ಟು ನನ್ನ ಲ್ಯಾಪ್ ಟಾಪ್ ಹಿಡಿದು ಕೂತಿದ್ದಳು. ಒಹೋ.. ಪಾಠ ಹೇಳಿಸಿಕೊಳ್ಳುವ ನೆಪದಲ್ಲಿ ಬಂದು ಮಠಕ್ಕೆ ಕರೆದುಕೊಂಡು ಹೋಗು ಅಂತ ಹಠ ಮಾಡಲು ಬಂದು ಕೂತಿದ್ದಾಳೆ ಅನ್ನೋದು ನನಗೆ ಸ್ಪಷ್ಟವಾಗಿತ್ತು. ಇವಳನ್ನು ಮಠಕ್ಕೆ ಕರೆದುಕೊಂಡು ಹೋದರೆ ನಮ್ಮ ಉದ್ದೇಶ ಈಡೇರದು ಅನಿಸಿ ಅವಳನ್ನು ಸಾಗಿಹಾಕಲು ಯೋಚಿಸುತ್ತಾ - ಏಯ್ ಲ್ಯಾಪ್ ಟಾಪ್ ಹಿಡ್ಕೊಂಡ್ ಏನೇ ಮಾಡ್ತಿದ್ಯ? ಓದೋದು ಬರೆಯೋದು ಏನು ಇಲ್ವಾ?

 

ಸಂ : ನೀನ್ ಬರ್ದಿರೋದನ್ನೇ ನಾನು ಓದುತ್ತಾ ಇದೀನಲ್ಲ ...

ನಾ : ಏನ್ ಓದ್ತಿದ್ಯೆಲೆ ?

ಸಂ : ನಿನ್ನ ಮತ್ತೆ ಅನ್ನೋನ್ ಚಾಟು .. ಡೇ ೧ ದು ಈಗ ಶುರು ಮಾಡಿದೀನಿ

ನಾ : ಲೇ.. ಅದೆಲ್ಲ ನಿಂಗ್ಯಾಕೆ ? 1st ಲ್ಯಾಪ್ ಟಾಪ್ ಕೊಡಿಲ್ಲಿ ಅಂತ ಕಿತ್ತುಕೊಂಡು , ಎಲ್ಲಾ ಓದಿ ಬಿಟ್ಟೆಯ?

ಸಂ : ಏ.. ಯಾಕ್ ಹಾಗ್ ಆಡ್ತ್ಯ? ಇನ್ನು ಈಗ ಓಪನ್ ಮಾಡ್ದೆ?

ನಾ : ಸದ್ಯ.. ಏನೇ ನೀನು ಒಂಚೂರು ಗೊತ್ತಾಗಲ್ವಾ? ಪರ್ಸನಲ್ ಚಾಟ್ಸ್ ಎಲ್ಲ ಓದಬಾರದು ಅಂತ..

ಸಂ : ಓ ಓ .. ಬಾರಿ.. ನಂಗೊತ್ತಿಲ್ಲದೆ ಇರೋದಾ? ನಿನ್ ಪರ್ಸನಲ್ ಚಾಟ್ ಗಳು

ನಾ : ಇವತ್ತಿನ್ ಚಾಟ್ ಓದಿಲ್ಲ ತಾನೇ? [ ನಾನು ಮಠಕ್ಕೆ ಹೋಗ್ತಿರೋ ವಿಚಾರ ಇವಳಿಗೆ ಗೊತ್ತಾಗಿ ಬಿಟ್ಟಿದ್ಯೇನೋ confirm ಮಾಡಿಕೊಳ್ಳಲು ನಾನು ಹಾಗೆ ಕೇಳಿದ್ದು ]

ಸಂ : ಒಹೋ.. ಇವತ್ತಿಂದ್ ಏನ್ ವಿಶೇಷ ?

ನಾ : ಏನೋ ಇದೆ .. ನಿಂಗ್ ಯಾಕ್ ಅವೆಲ್ಲ? ಸರಿ ಈಗ ಬಿಡು ಗಾಡಿ ಮನೆ ಕಡೆಗೆ  .. ನಂಗೊಚೂರು ಕೆಲಸ ಇದೆ ಆಚೆ..

ಸಂ : ಇನ್ ಏನ್ ಮಹಾ ಹೇಳಿರ್ತಾಳೆ? I Love You ಅಂದ್ಲಾ? ಅದ್ಯಾಕ್ ಹುಡ್ಗೀರು ನಿನ್ ಹಿಂದೆ ಬೀಳ್ತಾರೋ ?

ನಾ : ಹು .. ಈಗ ನೀನ್ ಬಿದ್ದಿದ್ಯಲ .. ಹಾಗೆ

ಸಂ : ಯಾರ್ ಹಿಂದೆ ಬಿದ್ದಿದಾರೋ ಬಿಟ್ಟಿದಾರೋ ಗೊತ್ತಿಲ್ಲ.. ನಾನಂತು I Love You !

ನಾ : ಏನಂದೆ..? ತಡಿ ಇದುನ್ನ ನಿಮ್ಮಮ್ಮನಿಗೆ ಹೇಳ್ತೀನಿ

ಸಂ : ಹ ಹ .. ಅದುನ್ನ ಅವರಿಗೆ ಹೇಳಿ ಏನು ಪ್ರಯೋಜನ ..? ಅವರಿಗೆ ಆಗ್ಲೇ ಮದುವೆಯಾಗಿದೆ :P

ನಾ: ಏನಂದಿ? ಮಾಡ್ತೀನಿ ಇರು ಅನ್ನುತ್ತಾ ಲ್ಯಾಪ್ ಟಾಪ್ ಪಕ್ಕಕ್ಕಿಟ್ಟು ಏಳೋಷ್ಟರಲ್ಲಿ, ಸಂಯುಕ್ತಾ ಬುಕ್ ಎತ್ತಿಕೊಂಡು - ಆಚೆ ಹೋಗಿಬಾ ಅಮೇಲ್ ವಿಚಾರುಸ್ಕೊತೀನಿ ನಿನ್ನ ಮತ್ತೆ ಆ ಅನ್ನೋನ್ನ ಅನ್ನುತ್ತಾ ಓಡಿದಳು.

 

ಅಬ್ಬ.. ಸದ್ಯ ಹೋದ್ಲು ಅನ್ಕೊತಾ ಗಡಿಯಾರದ ಕಡೆ ತಿರುಗಿದೆ.. ಒಹ್ ಆಗಲೇ ೭ ಗಂಟೆ.. ಗೆಳೆಯ ಪದ್ದು ಯಾಕೆ ಇಷ್ಟೊತ್ತಾದರೂ ಬಂದಿಲ್ಲ ಅನಿಸಿ ಅವನಿಗೆ ಫೋನಿಸಿದೆ.. ನಾನ್ ಡೈರೆಕ್ಟ್ ಆಗಿ ಮಠಕ್ಕೆ ಬರ್ತೀನಿ ನೀನು ಹೊರಡು ಅಂದ ಪದ್ದು. ತಕ್ಷಣವೇ ಹೊರಟೆ. ಮಠದಲ್ಲಿ ರಾಯರ ಸ್ತೋತ್ರ ಹೇಳುತ್ತಾ ಪ್ರದಕ್ಷಿಣೆ ನಮಸ್ಕಾರ ಹಾಕಿ ನಾವು ತೀರ್ಥ ತೊಗೊವಾಗ ಅವಳ ಆಗಮನವಾಯಿತು. ನಾಕು ವಾರದಿಂದ ೭:೨೫ ಕ್ಕೆ ಬರುತ್ತಿದ್ದ ಅವಳು ಇಂದೂ ಕೂಡ ಸರಿಯಾಗಿ ೭:೨೫ ಕ್ಕೆ ಬಂದಿದ್ದಳು. ನಾಕು ವಾರದಿಂದ ನೋಡಲು ಸುಂದರವಾಗಿದ್ದ ಅವಳನ್ನು ಬರೀ ನೋಡುತ್ತಲೇ ಕಾಲ ಕಳೆದಿದ್ದ ನಾವು, ಇಂದು ಅವಳನ್ನು ಮಾತನಾಡಿಸಲೇ ಬೇಕು ಅಂದುಕೊಳ್ಳುತ್ತಾ ಮಠದಲ್ಲಿ ಅವಳ ಹಿಂದೇನೆ ಸುತ್ತುತ್ತಾ ಮತ್ತೆ ಮತ್ತೆ ಪ್ರದಕ್ಷಿಣೆ ಬಂದೆವು. ಆದರೂ ಎಲ್ಲರೆದುರು ಮಾತಾಡಿಸಲು ಧೈರ್ಯ ಬರಲ್ಲಿಲ್ಲ.

 

ಅವಳು ಹೊರ ಬರುತ್ತಿದ್ದಂತೆ ನಾನು ಪದ್ದು ಅವಳನ್ನು ಹಿಂಬಾಲಿಸಿದೆವು. ಸ್ವಲ್ಪ ದೂರ ಸಾಗುವಷ್ಟರಲ್ಲಿ,

ಪದ್ದು  : ಲೇ ನನಗ್ಯಾಕೋ ಕಾಲು ನಡಗುತ್ತಿದೆ ಹೊರಟುಹೋಗೋಣ ವಾಪಸ್ಸು ನಡಿ ..

ನಾ : ಥು .. ಪುಕಲ ..ಇಷ್ಟ್ ದೊಡ್ ಆಕಾರ ಇಟ್ಕೊಂಡು ಮಾತಾಡ್ಸಕ್ ಹೆದರುಕೊತ್ಯ ? ಸುಮ್ನೆ ಬಾ ನಂ ಜೊತೆ

ಅನ್ನುತ್ತಾ ಅವಳ ಹಿಂದೆ ಹಿಂದೆ ಬಂದು

ನಾ : ರೀ .. ನಿಂತ್ಕೊಲ್ರಿ

ಅ : ಏನು?

ನಾ : You look very beautiful. ಏನ್ರಿ ನಿಮ್ ಹೆಸರು.. ?

ಅ : ಹೇಳಲ್ಲ ..

ನಾ : ಪರ್ವಾಗಿಲ್ಲ ಬಿಡಿ.. ನಾವೇ ನಿಮಗೆ ಈಗಾಗಲೇ ೨ ಹೆಸರು ಇಟ್ಟಿದೀವಿ .. ನಿಮ್ಗೆ ಯಾವುದು ಇಷ್ಟ ಅಂತ ಹೇಳಿ

ಪದ್ದು [ನನ್ನ ಕಿವಿಯಲ್ಲಿ ] - ಲೇ.. ಬೇಡ ಕಣೋ ನಂಗೆ ಭಯ ಆಗ್ತಿದೆ.. ವಾಪಸ್ ಹೋಗೋಣ 

ನಾ : ನೋಡ್ರಿ ಇವ್ನು [ ಪದ್ದು ಕಡೆ ಕೈ ಮಾಡಿ ] ನಿಮಗೆ ಚಂದನ ಅಂತ ಮತ್ತೆ ನಾನು ಸುಚಿತ್ರ ಅಂತ ಹೆಸರ್ ಇಟ್ಟಿದೀವಿ.

ಅ : ಒಹೋ.. ನಂಗೆ ಬಾಯ್ ಫ್ರೆಂಡ್ ಇದಾನೆ .

ನಾ : ಇದ್ರೆ ಏನ್ ಮಾಡ್ಬೇಕು ? How about a cup of coffee in ccd?

ಅ : ಇಲ್ಲಪ್ಪ .. ನಾನ್ ಎಲ್ಲು ಬರಲ್ಲ ಅಂತ ಸರ ಸರ ನಡೆಯಲು ಶುರು ಮಾಡಿದಳು. ನಾವು ಅವಳ ಹಿಂದೇನೆ ನಡೆದೆರಾದವೂ ಯಾವುದೋ ಸಂದಿಯಲ್ಲಿ ನಮಗೆ ಕಾಣಿಸದ ಹಾಗೆ ಮಾಯವಾಗಿಬಿಟ್ಟಳು.

 

ನಾನು ಪದ್ದು ಮನೆಗೆ ಬರೋಷ್ಟರಲ್ಲಿ ಮನೆಯ ಹತ್ತಿರ ಗೆಳೆಯರಾದ ಅಚ್ಚಿ, ರಾಜಿ, ಗೋಸಿ ಮತ್ತು ಸಂತು ಬಂದಿದ್ದರು. ಅವರೆಲ್ಲರನ್ನು ನೋಡಿದ ಕೂಡಲೇ ಸಂಯುಕ್ತಳು ಓಡಿಬಂದಳು. ನಾವೆಲ್ಲಾ ಪದ್ದುಗೆ ಹೆದರು ಪುಕ್ಕಲ ಅಂತ ಕಾಲೆಳೆಯುತ್ತಾ ಕೂತಿರುವಾಗ, ಸಂಯುಕ್ತ ಗೆಳೆಯರಾರಿಗೂ ಗೊತ್ತಿಲ್ಲದ ನನ್ನ ಮತ್ತೆ ಅನ್ನೋನ್ ವಿಚಾರ ಎಲ್ಲರಿಗೂ  ಟಾಂ ಟಾಂ ಮಾಡಿದಳು. ಇಬ್ಬರು ನನ್ನನ್ನು ಹಿಡಿದುಕೊಂಡು ಮತ್ತಿಬ್ಬರು ಲ್ಯಾಪ್ ಟಾಪ್ ಓಪನ್ ಮಾಡಿ ನನ್ನ ಅನ್ನೋನ್ನ ಚಾಟ್ಸ್ ಓದಿ ಏನೋ ಇದೆ ಏನೋ ಇದೆ ಎಂದು ಹಾಡಲು ಶುರು ಮಾಡಿದರು. ನನ್ನ ರೇಗಿಸಲು ಕಾಯುತ್ತಿದ್ದ ಪದ್ದು, ಸಿಕ್ಕಿದ್ದೇ ಚಾನ್ಸ್ ಅಂತ ಮಿಂಚಾಗಿ ನೀನು ಬರಲು ಹಾಡಿಗೆ ಚಾಟಲ್ಲಿ ನೀನು ಸಿಗಲು .. ಅಂತ  ಯದ್ವಾ ತದ್ವಾ  ರೀಮಿಕ್ಸ್ ಮಾಡಿ ಕಾಡಿಸಿದ.

 

ಅದೇ ಸಮಯಕ್ಕೆ ಅನ್ನೋನ್ ಕರೆ ಮಾಡಿದ್ದಳು. ಫೋನ್ ಎತ್ತಿಕೊಂಡು ಆಚೆ ಹೋಗಲು ಏಳುತ್ತಿದ್ದಾಗ ಇವರುಗಳು ಎಳೆದು ಎಳೆದು ಕೂಡಿಸಿಕೊಂಡು ಟೆಲಿಫೋನ್ ಗೆಳತಿ ವೆಲ್ಕಂ ವೆಲ್ಕಂ ಎಂದು ಹಾಡುತ್ತಿದ್ದರು.

 

ಅತ್ತ ಆ ಅನ್ನೋನ್ ಮಾತನಾಡಲಾಗದೆ ಬಿಕ್ಕಳಿಸುತ್ತಾ ಜೋರಾಗಿ ಕೆಮ್ಮುತ್ತಿದ್ದಳು. ಅವಳನ್ನು ಯಾರೋ  ಸಾಂತ್ವನಗೊಳಿಸುತ್ತಾ  ಈಗ ಬೇಡಮ್ಮ, ಆಮೇಲೆ ಮಾತನಾಡು ಈಗ ರೆಸ್ಟ್ ತೊಗೋಬೇಕು ನೀನು ಅನ್ನುತ್ತಿದ್ದರು. ಅಷ್ಟರಲ್ಲಿ ಕಾಲ್ ಕಟ್ ಆಯಿತು. ನನಗೆ ಅಲ್ಲಿ ಏನು ನಡೆಯುತ್ತಿದೆ ಅಂತಾನೆ ಗೊತ್ತಾಗಲ್ಲಿಲ್ಲ. ನಾನು ಮತ್ತೆ ಕಾಲ್ ಮಾಡಿದಾಗ ಆ ಮೊಬೈಲ್ ಸ್ವಿಚ್ ಆಫ್ ಆಗಿತ್ತು.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (5 votes)
To prevent automated spam submissions leave this field empty.

ಪ್ರತಿಕ್ರಿಯೆಗಳು

ಕುತೂಹಲಕಾರಿಯಾದ ತಿರುವು ಪಡೆಯುತ್ತಿರುವ ಕಥೆ ಉತ್ತಮವಾಗಿ ಮೂಡಿಬಂದಿದೆ ಸುಧೀಂದ್ರರೇ, ಶುಭವಾಗಲಿ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ನಿಮ್ಮ‌ ಪ್ರೋತ್ಸಾಹದ‌ ಪ್ರತಿಕ್ರಿಯೆಗೆ ಢನ್ಯವಾದಗಳು ಮಮತಾ ಅವರೆ :)

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.