ಕವನ : ಬದಲಾದ ನನ್ನೊಳಗಿನವ

3.333335
ಬೆಳಗ್ಗೆ ಎದ್ದು ಹೊರಬರುವಾಗ 
ಅದೇ ಹಳೆಯ ಸೂರ್ಯ ಇಣುಕುತ್ತಿದ್ದ
ಮನೆಯ ಮುಂದಿನ ನಂಜಬಟ್ಟಲ ಗಿಡದಲ್ಲಿ
ದಿನವು ಬರುತ್ತಿದ ಅದೆ ಎರಡು ಪಕ್ಷಿಗಳು
ಮನೆಯ ಹಿಂದೆ ಕಾಗೆಗಳ ಕಲವರ
 
ರಸ್ತೆಯಲ್ಲಿ ನಡೆದಂತೆ ಅದೆ ಅದೆ ದೃಷ್ಯ
ಮನೆಯ ಮುಂದು ರಂಗೋಲಿ 
ಹಾಕುತ್ತಿರುವ ವಯಸ್ಸಾದ ಮಹಿಳೆಯರು
ಶಾಲು ಹೊದ್ದು ಬದುಕುವ ಉತ್ಸಾಹದಿಂದ
ವಾಕಿಂಗ್ ಹೊರಟಿರುವ ವಯಸ್ಕರು
 
 
ಅದೆ ಗಾಳಿ ಅದೆ ಭೂಮಿ ಅದೆ ನೀರು
ಎಂದಿಗೂ ಬದಲಾಗದ ಅವುಗಳು
ಆದರೆ ನನ್ನೊಳೆಗೇನೆ ಬೇರೆ
ನಿನ್ನೆಯವರೆಗೂ ಇದ್ದವ ಇಂದು ಕಾಣುತ್ತಿಲ್ಲ
 
ಎಲ್ಲಕ್ಕು ನಾನು ನಾನು ಎನ್ನುತ್ತಿದ್ದವ 
ಇಂದೇಕೊ ಎಲ್ಲಕ್ಕು ನಾನೆ? ಎನ್ನುತ್ತಿರುವ
ಎಲ್ಲವನ್ನು  ಕಡಿದು ಹಾಕಬಲ್ಲೆ ಎಂದು ಕೂಗಿದವ
ಇಂದು ಕೊಡಲಿ ಎಸೆದು ಕುಳಿತಿರುವ 
 
ಬ್ಲಾಗ್ ವರ್ಗಗಳು: 
ಸರಣಿ: 
‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3.3 (3 votes)
To prevent automated spam submissions leave this field empty.

ಪ್ರತಿಕ್ರಿಯೆಗಳು

ಬದಲಾವಣೆಯ ಗಾಳಿ ಬೀಸುವುದೆಂದರೆ ಇದೇ! :)

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಪಾರ್ಥ ಸಾರಥಿ ಯವರಿಗೆ ವಂದನೆಗಳು
" ಬದಲಾದ ನನ್ನೊಳಗಿನವ " ದಿನ ನಿತ್ಯದ ಬೆಳಗನ್ನು ಸರಳವಾಗಿ ನಮ್ಮ ದೈನಂದಿನ ಚಟುವಟಿಕೆಗಳೊಂದಿಗೆ ವಿವರಿಸುತ್ತ ಹೋಗುವ ಕವನ ನಾಲ್ಕನೆ ಚರಣಕ್ಕೆ ಹೋಗುತ್ತಿದ್ದಂತೆ ನಮ್ಮೊಳಗನ್ನು ಬಗೆಯುತ್ತ ಹೋಗುತ್ತದೆ, ಕೊನೆಯ ಚರಣವಂತೂ ಸೂಪರ್, ಕವನದ ನಾಯಕ ಜಗದ ದ್ವಂದ್ವ ಬದುಕನ್ನು ಕಂಡು ಸೋತು ಹೈರಾಣವಾಗಿ ಕೊಡಲಿಯೆಸೆದು ಕೂತಿರಬಹುದೆ? ಎಲ್ಲವನ್ನೂ ಕಂಡೂ ವರ್ತಮಾನದ ಜನ ನಾಯಕನಂತೆ ನಾನು ನನ್ನಿಂದ ಮತ್ತು ನನಗಾಗಿ ಎಂದು ಉದ್ದೇಶ ಪೂರ್ವಕವಾಗಿ ಕೊಡಲಿ ಎಸೆದು ಕುಳಿತಿರ ಬಹುದೆ? ಉತ್ತಮ ಕವನ ಧನ್ಯವಾದಗಳು.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.