ಇತ್ತೀಚೆಗೆ ಸೇರಿಸಿದ ಪುಟಗಳು

ನಾ ಬರೆಯದ ಕಥೆ

ಖಾಲೀ ಪುಸ್ತಕದ ಕೊನೆಯ ಪುಟದಲಿ
ಬರೆದ ಹೆಸರು ನಿನ್ನದು…
ಮರೆಯ ಬಯಸಿದ ಬಾಳ ಕಥೆಯಲಿ
ನೆನಪಿಗೊಡೆತನ ನನ್ನದು...

ಕೃತಕ ಕಥೆಯಲಿ ಕಳೆದೆ ನಾನು
ನನ್ನ ಕನಸಲಿ ಕಂಡ ಆಸೆಗೆ...
ಕಥೆಯ ಕೃತಕತೆ ಅರಿತಮೇಲೆಯೂ
ಮುಗಿಸಲಾರೆ ನೋವುಮಾಡಿ ಮನಸಿಗೆ...

ಮನದ ಒಳಗಿನ ನೂರು ಭಾವವ
ಗೀಚಲಾರದೆ ಹೋದೆನು...
ನನ್ನ ಹತ್ತಿರ ಎಂದೂ ಬಾರದ
ನಿನಗಾಗೇ ನಾ ಕಾದೆನು...

ನನ್ನ ಕಥೆಯ ಖಾಲೀ ಪುಟಗಳೆ
ನನ್ನ ಮನಸಿಗೆ ಹಿಡಿದ ಕನ್ನಡಿ...
ಕಥೆಯು ಬಹಳ ದೊಡ್ಡದಿದ್ದರೂ
ಬರೆಯಲಾರದೆ ಹೋದೆ ಮುನ್ನುಡಿ...

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

llನಿರಾಳll

ಬಿಡಲಾಗುತ್ತಿಲ್ಲ ಈ ಬರೆಯುವ ಚಟ
ಮನಸೇಕೋ ಮೆಲ್ಲನೆ ಮಾಡುತ್ತಿದೆ ಹಠ

ಒಂದೊಂದೇ ಪದಗಳು ಈಗ
ಮನದೊಳಗಿನಿಂದ ಹೊರಗೆ ಬರುತ್ತಿದೆ
ನಾನೆಂದೆಂದೂ ನೋಡಿರದಂತಹ
ನನ್ನನ್ನೇ ನನಗೀಗ ಪರಿಚಯಿಸುತ್ತಿದೆ

ಲೇಖನಿ ಹಿಡಿಯುವಂತೆ ಮಾಡಿದೆ
ಭಾವನೆಯು ನದಿಯಾಗಿ ಹರಿದಿದೆ
ನೆಮ್ಮದಿಯು ನಿಟ್ಟುಸಿರಿನಲ್ಲಿ ಗೋಚರಿಸಿದೆ

ಹಿಂದೆಂದೋ ನಡೆದ ಘಟನೆಗಳ
ನೆನಪೆಲ್ಲ ಗಡಿಪಾರು ಮಾಡಿಯಾಗಿದೆ
ಮುಂದೇನೋ ಎಂಬ ಚಿಂತೆಗಳ
ಸುಳಿವೇ ಸ್ವಲ್ಪವೂ ಇಲ್ಲವಾಗಿದೆ

ತನುವೀಗ ತುಸು ಹಗುರವಾಗಿದೆ
ಕನಸೀಗ ಹೊಸ ರೂಪ ಪಡೆದಿದೆ
ಹುರುಪೀಗ ಮೈಮನಸ್ಸನ್ನೆಲ್ಲಾ ಆವರಿಸಿದೆ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ದಸರಾ ಸಡಗರ

ಬಂತು ನಮ್ಮ ನಾಡಿಗೆ ಶರನ್ನವರಾತ್ರಿಯ ಸಡಗರ
ನವದುರ್ಗೆಯರ ಪೂಜೆ ನೋಡಲು ನಯನ ಮನೋಹರ
ನಿತ್ಯ ಶಾಲೆಗೆ ರೋಗುತಿದ್ದ ಮಕ್ಕಳಿಗೆ ರಜೆಯ ಸಂಭ್ರಮ
ಮುಚ್ಚಿ ಬಚ್ಚಿಟ್ಟ ಬೊಂಬೆಗಳ ಅಲಂಕಾರ ನೋಡಲು ವಿಹಂಗಮ

ಕನ್ನಡ ನಾಡಲ್ಲಿ ಈ ನವರಾತ್ರಿಯೇ ದಸರಾ
ದಸರಾ ಎಂದರೆ ನೆನಪಾಗುವುದೇ ಮೈಸೂರು ನಗರ
ಕಂಗೊಳಿಸುವುದು ಹೊದ್ದು ವಿದ್ಯುದೀಪಾಲಂಕಾರ
ನೋಡಲೆರಡು ಕಣ್ಗಳು ಸಾಲದು ಸಂಸ್ಕೃತಿಯ ತವರೂರ

ನವರಾತ್ರಿಯಲಿ ನಡಯುವುದು ದಿನಕೊಂದು ಉತ್ಸವ
ದಶಮಿಯಂದು ವಿಶ್ವ ವಿಖ್ಯಾತ ಅಂಬಾರಿ ಮಹೋತ್ಸವ
ಅರಮನೆಯಲಿ ಪ್ರತಿದಿನವೂ ಪೂಜಾ ಕೈಂಕರ್ಯ
ಉತ್ಸವಕೆ ಮುಕುಟವಿದುವೆ ಗಜಪಡೆಯ ಗಾಂಭೀರ್ಯ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಅರ್ಥವಿಲ್ಲದ ಹೋರಾಟ

ಕಗ್ಗತ್ತಲಿನ ರಣರಂಗದಲ್ಲಿ
ಕತ್ತಿಬೀಸುತ್ತಿರುವ ಕುರುಡು ಸೈನಿಕ..
ಕೇಳಿಸುತ್ತಿರುವುದು ಅವನಿಗೊಬ್ಬನಿಗೇ
ಭ್ರಮೆಯ ಕುದುರೆಯೋಟದ ಠೇಂಕಾರ
ವೈರಿ ಶಂಖನಾದದ ಝೇಂಕಾರ..
ಅವನ ರೋಷಾವೇಷಕ್ಕೆ ಹರಿಯುತ್ತಿರುವುದು
ವೈರಿ ರಕ್ತದ ಕೋಡಿಯೇನಲ್ಲ
ಅದವನ ಬೆವರಿನ ಹನಿಗಳು ಮಾತ್ರ
ಇಲ್ಲದ ರಾಜ್ಯವ ರಕ್ಷಿಸುತ್ತಿರುವವನಿಗೆ
ಇದಾವುದರ ಪರಿವೆಯೇ ಇಲ್ಲ..
ತನ್ನ ಭ್ರಮೆಯ ಅರಿವೂ ಇಲ್ಲ..
ಯಾರಿಗಾಗಿ ಹೋರಾಟ?ಏಕೆ ಈ ಯುದ್ಧ?
ತಿಳಿಯದವನ ಪಾಲಿಗದುವೇ ಕ್ಷತ್ರಿಯ ಧರ್ಮ
ಯಾರೂ ಅರಿಯಲಾರದ ವಿಧಿಯ ಮರ್ಮ..
ತಾನೆಣಿಸಿರುವ ಕರ್ತವ್ಯ ಪೂರೈಸಲು
ಹೋರಾಡುತ್ತಿರುವನು ಜೀವದ ಹಂಗು ತೊರೆದು
ಇದರಲ್ಲಿ ಮರೆತಿಹನು ತಾನೇತನ್ನ ವೈರಿಯೆಂದು..

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.

ಸಹೋದರಿ

ಸಹನೆಯಲಿ ನೀನಾದೆ ಎಲ್ಲರಿಗೂ ಮಾದರಿ
ನೋವ ನುಂಗಿ ಪ್ರೀತಿ ಹಂಚುವ ಉದಾರಿ
ತೋರಿದೆ ನಮಗೆಲ್ಲ ಬಾಳಲಿ ಸರಳತೆಯ ದಾರಿ
ನೂರು ಕಾಲ ನಗುತಾ ಬಾಳು ಎನ್ನ ಸಹೋದರಿ

ನಾ ಎಲ್ಲಿ ಸೋಲುವೆನೋ ಎಂಬ ಆತಂಕ ನಿನ್ನ ಕಣ್ಣಲ್ಲಿ
ಕಂಡಾಗ ಇಮ್ಮಡಿಸಿದೆ ನಿನ್ನ ಮೇಲಿನ ಗೌರವ ನನ್ನಲ್ಲಿ
ನನ್ನ ಬುದ್ಧಿವಾದದ ನುಡಿ ಗುಂಯ್ ಗುಟ್ಟಿ ಕಿವಿಯಲ್ಲಿ
ಹುರಿದುಂಬಿಸಿ ಗರಿಗೆದರಿಸಿದೆ ಧೈರ್ಯ ಮನದಲ್ಲಿ

ಅಮ್ಮನಾ ಪ್ರೀತಿಯಾ ಅನುಕರಣೆ ಮಾಡುವವಳು
ಅಕ್ಕರೆಯ ಹಂಚುವಲ್ಲಿ ಅವಳನ್ನೇ ಮೀರಿಸುವವಳು
ಈ ಸಂಬಂಧ ಬೆಸೆದ ದೇವರಿಗೆ ನನ್ನ ನಮನಗಳು
ಅಕ್ಕ ನಿನಗಿದೋ ಜನುಮ ದಿನದ ಶುಭಾಶಯಗಳು

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.

llನನ್ನವಳುll

ಯಾರಿವಳು? ನನ್ನವಳು!
ಯಾರಿವಳು? ನನ್ನವಳು!

ಬಳುಕಾಡುವ ಲತೆ ಇವಳು
ಹರಿದಾಡುವ ಝರಿ ಇವಳು
ನಡೆದಾಡುವ ನಾಗಕನ್ನಿಕೆಯೇ ಇವಳು

ಮಾತಿನಲ್ಲಿ ಕವಿ ಇವಳು
ನೋಟದಲ್ಲಿ ಕೋಲ್ಮಿಂಚಿವಳು
ಕರುಣೆಯಲ್ಲಿ ಧರೆಯನ್ನೂ ಮೀರಿಸೋ ಹೆಣ್ಣಿವಳು

ನಗುವಿನಲ್ಲಿ ಮಗು ಇವಳು
ಮಿಡಿತದಲ್ಲಿ ನುಡಿ ಇವಳು
ಸ್ನೇಹ ಸುರಿಸುವ ಸೋನೆಯೇ ಇವಳು

ಸಂಪಿಗೆಯ ಕಂಪಿವಳು
ಗುಲಾಬಿಯ ಕೆಂಪಿವಳು
ಬಲು ಮೋಹಕವಾದ ಮಲ್ಲಿಗೆಯೇ ಇವಳು

ನನ್ನ ಹೃದಯ ಕದ್ದ ಕಳ್ಳಿ ಇವಳು
ಪ್ರೇಮ ಸಾಮ್ರಾಜ್ಯದ ರಾಣಿ ಇವಳು
ಮನೆಯನ್ನು ಬೆಳಗೋ ದೀಪಾರತಿಯೇ ಇವಳು

- ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

Pages