ಇತ್ತೀಚೆಗೆ ಸೇರಿಸಿದ ಪುಟಗಳು

ಹಸಿರು ಯುಗಾದಿ

ಬಂತು ನೋಡು ಯುಗಾದಿ ಹೊತ್ತು ಹೊಸ ಸಂಭ್ರಮ
ತಂತು ನೋಡು ಎಲ್ಲೆಲ್ಲೂ ಬದಲಾವಣೆಯ ಸಮಾಗಮ
ಎಲ್ಲದಕ್ಕೂ ಅಂತ್ಯವಿದೇ ಎಂದು ತೋರುವ ಪ್ರಕೃತಿಯ ಆಟ
ಸಾರುತಿಹುದು ಅಂತ್ಯವೇ ಹೊಸ ಆರಂಭದ ಮುನ್ಸೂಚನೆಯ ಪಾಠ

ಬಾಗಿಲಿಗೆ ಕಟ್ಟುತಾ ನಾವು ಹಸಿರೆಲೆಗಳ ತೋರಣ
ಸಂತಸದಿ ಆರಂಭಿಸೋಣ ನವ ಜೀವನದ ಚಾರಣ
ಸವಿಯುತ್ತಾ ನಾವು ಬೇವು ಬೆಲ್ಲದ ಮಿಶ್ರಣ
ಸುಖದುಃಖ ಸಮನಾಗಿ ಸ್ವೀಕರಿಸುತ್ತಾ ಬಾಳೋಣ

ಮರಗಿಡದಲಿ ಚಿಗುರೊಡೆದಿದೆ ಹೊಸ ಕುಡಿಗಳ ಜೀವನ
ಮನಮನದಲಿ ಚಿಮ್ಮಿಸಿದೆ ಹೊಸ ಆಸೆಯ ಚೇತನ
ಪ್ರಕೃತಿಯನು ಉಳಿಸುವತ್ತ ನಮ್ಮ ಚಿತ್ತ ಹರಿಸುವ
ಹೊಸ ವರ್ಷದಿ ಹೊಸ ಗಿಡಗಳ ನೆಟ್ಟು ನಾವು ಬೆಳೆಸುವ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ತಾಯಿಗಿಂತ ಮಿಗಿಲುಂಟೇ

ಒಡಲಲಿ ನನ್ನ ಹೊತ್ತು ಜೀವ ಕೊಟ್ಟಾಕೆ
ನಿನ್ನ ಗರ್ಭದಾಸರೆಗಿಂತ ಆಶ್ರಯವುಂಟೇ|

ನೋವಲಿ ನನ್ನ ಹೆತ್ತು ಭೂಮಿಗೆ ತಂದಾಕೆ
ಜಗದಲಿ ನಿನ್ನ ತ್ಯಾಗಕ್ಕೆ ಸಮವುಂಟೇ|

ಮಡಿಲಲಿ ನನ್ನಿರಿಸಿ ಮೊಲೆಯುಣಿಸಿದಾಕೆ
ಆ ಅಮೃತದ ಋಣವ ತೀರಿಸಲುಂಟೇ|

ತೋಳಲಿ ಬಿಗಿದಪ್ಪಿ ನನ್ನ ಮುದ್ದಿಸಿದಾಕೆ
ನಿನ್ನ ಮಮತೆಯ ಕಡಲಿಗೆ ಸರಿಸಾಟಿಯುಂಟೇ|

ನನ್ನಾ ಕೈ ಹಿಡಿದು ನಡೆಯಾ ಕಲಿಸಿದಾಕೆ
ನಿನ್ನ ಅಕ್ಕರೆಯ ಪಾಠಕ್ಕೆ ಬೆಲೆಕಟ್ಟಲುಂಟೇ

ನೋವಲ್ಲಿ ನಾನು ನರಳಿದಾಗ ಕಣ್ಣೀರು ಸುರಿಸಿದಾಕೆ
ನಿನ್ನ ಪ್ರೀತಿಯ ಆಗಸಕೆ ಕೊನೆಯುಂಟೇ|

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಬಾರೆನೆಂದರು ಬಿಡದವರು

ಬಾರೆನೆಂದರು ಬಿಡದವರು ಅಂದು
ಬರುವೆನೆಂದರು ಬಿಟ್ಟುರು ಇಂದು

ಬಾಳಲ್ಲಿ ಶಕ್ತಿಯ ತುಂಬಿದರು ಅಂದು
ಬದುಕನ್ನೆ ಸಂಶಯ ಪಟ್ಟರು ಇಂದು
ಒಂದೊಂದು ಮಾತಿಗೂ ನಕ್ಕರು ಅಂದು
ಒಂದೇ ಮಾತಿಗೆ ಉರಿದರು ಇಂದು

ಹೂವಿಗೆ ಪರಿಮಳ ಸ್ವಂತವಲ್ಲ
ಬಾಳಿಗೆ ಪರಿವಾರ ಸ್ವಂತವಲ್ಲ
ಪರಿವಾರವಿಲ್ಲದ ಬಾಳು
ಪರಿಮಳವಿಲ್ಲದ ಹೂ
ಇದ್ದರೇನು ಹೋದರೇನು
✍ಪುನೀತ್ ಕುಮಾರ್ ಕೆರೆಹಳ್ಳಿ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (2 votes)
To prevent automated spam submissions leave this field empty.

llನಾನೇ ಹೊರುವೆll

ನಿನ್ನಿಂದ ಭೂಮಿಗೆ ಬಂದೆ ನಾನಂದು
ನಿನ್ನ ಋಣವ ತೀರಿಸಲು ಆಗದು ಎಂದೆಂದು

ನವಮಾಸ ನೀ ನನ್ನ ಹೊತ್ತು ನಡೆದೆ
ಒಳಗಿದ್ದು ನಾ ನಿನಗೊದ್ದು ಇನ್ನಷ್ಟು ನೋವ ನೀಡಿದೆ

ನೋವಲ್ಲೂ ತಾಯಾಗೊ ನಲಿವಿನಲ್ಲಿ ನೀನಿದ್ದೆ
ಏನೂ ತಿಳಿಯದೆ ಅಳು ಅಳುತ್ತಾ ನಾ ಹೊರಗೆ ಬಿದ್ದೆ

ನನ್ನ ಅಳುವಿನಲ್ಲೂ ನೀನಾದಿನ ನಕ್ಕಿರುವೆಯಂತೆ
ನಿನ್ನ ಅಳುವನ್ನು ಅಡಗಿಸಿ ನನ್ನ ನಗುವಿನಲ್ಲಿ ನೀ ಮರೆತೆ ಚಿಂತೆ

ಅದೆಷ್ಟೋ ಸಲ ನೀನುಣದೆ ಉಪವಾಸವಿದ್ದೆ
ನಾ ತುಂಬಿದ ಹೊಟ್ಟೆಯಲ್ಲಿ ಇದನ್ನರಿಯದೆ ಮಲಗಿದ್ದೆ

ಹಗಲೆಲ್ಲ ನೀ ದುಡಿದು ನನ್ನ ಓದಿಸಿದೆ
ಎಲ್ಲ ತಿಳಿದವನಂತೆ ಏನೇನೋ ಹೇಳುತ್ತಾ ನಾ ನಿನ್ನ ನಿಂದಿಸಿದೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಅಮ್ಮ....

              ಅಮ್ಮ....
ಅಪರಿಮಿತ ವಾತ್ಸಲ್ಯವನು ಪ್ರತಿಫಲಾಪೇಕ್ಷೆಯಿಲ್ಲದೆ ಸು— 
ಮ್ಮನೆ ಉಪೇಕ್ಷಿಸದೆ ಕರುಳ ಕುಡಿಗೆ ಅನುಕ್ಷಣವು ನೀಡುವಳು ಅಮ್ಮ
ತಾಳ್ಮೆ ಯಲಿ ನೋವನ್ನು ನಗುತಲಿ ತಳ್ಳಿ ಹಾ—-
ಯಿಸುವಳು ನಲಿವನು ಕೂಸಿಗೆ ತುಸು ಕಾಯಿಸದೆ ತಾಯಿ... ಜನನದಿಂದಲು ಜತನದಿ ಮಗುವಿನ 
ನಗುವನು ನಿದಿರೆಯಲು ಕದಲಿಸದೆ
ನಿಲಿಸುವಳು ಅವನಿ (ಭೂಮಿ)ಗೂ ಮಿಗಿಲಾದ ಜನನಿ....
ಮಾತಿಲ್ಲದೆ ಮೌನದಲಿ ಮಣ ಭರಿತ ಮಮ—-
ತೆಯನು ಮಕ್ಕಳಿಗೆ ಸ್ಫುರಿಸುವ ಕರುಣಾಮಯಿ ಮಾತೆ ....
ಮಗುವಿನ ಮೊಗದಲ್ಲಿ ಸದಾ ನಗುವನ್ನು ಬಯಸುವಳು ...
ಕಂದನ ಪುಟ್ಟ ಕಣ್ಣ ಬೆಳಕಲ್ಲಿ ಜಗವನ್ನು ನೋಡುವಳು ...
ಮಕ್ಕಳ ಸಾಧನೆಯಲ್ಲಿ ತನ್ನ ವೇದನೆಯನ್ನು ಮರೆಯುವಳು ...

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.5 (2 votes)
To prevent automated spam submissions leave this field empty.

llಭಗ್ನ ಪ್ರೇಮll

ಆದೆ ನಾನು ಕವಿಯು
ನೀನು ನನ್ನ ತೊರೆದ ಮೇಲೆ
ಮೂಡಿ ಬಂದಿದೆ ಕವಿತೆಯು
ಹೇಳುತ್ತ ಭಗ್ನ ಪ್ರೇಮದ ಲೀಲೆ

ನನಗರಿವಿಲ್ಲದೇ, ನಿನ್ನ ನಾ ಪ್ರೀತಿಸಿದೆ
ಒಪ್ಪಿಗೆಯ ಮುಂಚೆ, ಹೃದಯದಿ ನೀ ಆವರಿಸಿದೆ
ವ್ಯಕ್ತಪಡಿಸಲು, ನನ್ನ ನೀ ದ್ವೇಷಿಸಿದೆ
ಮರೆಯುವ ಪ್ರಯತ್ನದಿ, ನನ್ನ ಮನ ಸೋತಿದೆ

ನನ್ನ ದೂರ ತಳ್ಳಿ ನೀನು, ನಗುತ್ತಲೇ ಇರುವೆ
ನಿನ್ನ ಪ್ರೀತಿ ಸಿಗದೆ ನಾನು, ಅಳುತ್ತಲೇ ಇರುವೆ
ಮುಖವಾಡ ಹಾಕುವುದು, ನಾ ಕಲಿಯುತ್ತಿರುವೆ
ನನ್ನ ನೋವು ಯಾರಿಗೂ, ಕಾಣದಂತೆ ಅಡಗಿಸಿರುವೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.

ಮರೆಯಾಗುತ್ತಿದೆ ಮಂದಸ್ಮಿತ

ತುಂಬಾ ಜನ ಸರ್ವೇ ಸಾಮಾನ್ಯವಾಗಿ ಯಾವಾಗಲೂ ಹೇಳುವಂತಹ ಮಾತು "ನಾವು ಪ್ರತಿದಿನ ನಗುತ್ತಾ ಇರ್ಬೇಕು ಅಂತ ಅಂದುಕೊಳ್ಳುತ್ತೇವೆ ಆದರೆ ಅದು ಸಾಧ್ಯವಾಗಲ್ಲಾ". ಇನ್ನೂ ಕೆಲವರು ಹೇಳುವ ಮಾತು "ನಾವು ತುಂಬಾ ನಗ್ತಾ ಇದ್ರೆ ಮುಂದೆ ಏನೋ ಕಾದಿದೆ ಅಂತ".
ಈಗ ನಾವೆಲ್ಲ ಕಾರ್ಪೊರೇಟ್ ಪ್ರಪಂಚದಲ್ಲಿ ಬದುಕುತ್ತಿದ್ದೇವೆ. ಎಲಾರದ್ದು ತುಂಬಾ busy ಜೀವನ, ಗಂಡ ಹೆಂಡತಿ ಇಬ್ಬರೂ ಕೆಲಸ ಮಾಡುತ್ತಿದ್ದರೆ ಅವರಿಬ್ಬರೂ ಮಾತಡೋಕು ಕೂಡ ವಾರಾಂತ್ಯ ಕಾಯಬೇಕಾದ ಪರಿಸ್ಥಿತಿ. ಇನ್ನು ಕೆಲಸದ ಸಮಯದಲ್ಲಿ ಟಾರ್ಗೆಟ್ ಬೆನ್ನು ಹತ್ತಿ ಓಡುತ್ತಾ ಇರುತ್ತೇವೆ. ಕೆಲಸಕ್ಕೆ ಹೋಗುವಾಗ ಮನೆಗೆ ಬರುವಾಗ ಟ್ರಾಫಿಕ್ ನೆನೆಸಿಕೊಂಡರೆ ಏನಿದು ಜೀವನ ಅನಿಸದೆ ಇರದು. ಇಂಥ ಜೀವನದಲ್ಲಿ ನಗು ಎಲ್ಲಿಂದ ಹುಡುಕೋದು? ಕೆಲವರಿಗೆ ಈ ಪ್ರಶ್ನೆ ಕೇಳಿಕೊಳ್ಳೊದಕ್ಕೂ ಕೂಡ ಸಮಯವಿರೋಲ್ಲ.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.9 (7 votes)
To prevent automated spam submissions leave this field empty.

ಭಾಗ - ೧೨ ಮನುವಿನ ಧರ್ಮ: ಹಂತಕ ರಾಮನ ಪಿತ!

       ಶ್ರೀರಾಮ ಇನ್ನೂ ಜನಿಸಿರಲೇ ಇಲ್ಲ, ಅವನ ತಂದೆ ದಶರಥನಿಗೆ ಇನ್ನೂ ವಿವಾಹವಾಗಿರಲಿಲ್ಲ. ಅವನು ಸಿಂಹಾಸನವನ್ನೂ ಅಧಿರೋಹಿಸಿರಲಿಲ್ಲ. ಯುವರಾಜನಾಗಿದ್ದ ಹದಿಹರೆಯದ ದಶರಥನು ಧನುರ್ಬಾಣಗಳನ್ನು ಧರಿಸಿ ಕತ್ತಲಿನ ಸಮಯದಲ್ಲಿ ಸರಯೂ ನದಿ ತಟಕ್ಕೆ ಹೋದ. ದೂರದಲ್ಲಿ ನೀರಿನಲ್ಲಿ ಕಮಂಡಲವನ್ನು (ಬಿಂದಿಗೆ) ಮುಳುಗಿಸಿದ ಬುಳುಬುಳು ಶಬ್ದವು ಕೇಳಿಬಂದಿತು. ಅದು ಕಾಡು ಪ್ರಾಣಿಗಳು ನೀರು ಕುಡಿಯಲು ಬರುವ ಸಮಯ. ಬಹುಶಃ ಆನೆಯೊಂದು ನೀರು ಕುಡಿಯುತ್ತಿರಬಹುದು ಎಂದು ಭಾವಿಸಿದ ದಶರಥನು; ಶಬ್ದವನ್ನು ಅನುಸರಿಸಿ ಎಷ್ಟು ದೂರದಲ್ಲಿರುವ ಲಕ್ಷ್ಯವನ್ನಾದರೂ ಬಾಣದಿಂದ ಭೇದಿಸಬಹುದಾದ, ತಾನು ಕಲಿತಿದ್ದ ಶಬ್ದವೇಧಿ ವಿದ್ಯೆಯನ್ನುಪಯೋಗಿಸಿ ಬಾಣವನ್ನು ಬಿಟ್ಟ.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.

Pages