ಇತ್ತೀಚೆಗೆ ಸೇರಿಸಿದ ಪುಟಗಳು

ನೀ ಬೆರಸದ ಭೇದ

ಸಮಾನತೆಯೇ ಉಸಿರಾಗಿದ್ದ
ಅಲ್ಲಮನ 'ಅನುಭವ' ದೊಳಗೆ
ನೀ ಬಂದು ಕೂತು 
ದೃಷ್ಠಿ ಹಾಯಿಸಿದ ಘಳಿಗೆ
ಅಲ್ಲಿ, 
ಜಾತಿ, ಮತ, ಭೇದಗಳು 
ಒಟ್ಟಾಗಿ
ನಿನ್ನನುಭವದೊಳಗೆ 
ಬಟ್ಟಿ ಇಳಿದು 
ಪ್ರಸಾದವಾದವೋ..
ವೈವಿದ್ಯತೆಗಳಲ್ಲಿ
ಪೂಜೆ ಪಡೆಯುತ್ತಿದ್ದ
ಮುಕ್ಕೋಟಿ ದೇವತೆಗಳು
ನಿನ್ನ ಸುಜ್ಞಾನದೊಂದಿಗೆ
ಬೆರೆಯಲಾಗದೆ ಮಣ್ಣಾದವೋ...
ಜನತೆ 
ವಚನಾಮೃತದೊಳಗೆ ಮುಳುಗಿ
ಅಂತರಂಗದ ಕಲ್ಮಶ ತೊಳೆದು
ಸಮಾನತೆಯ ಲಿಂಗವ ತೊಟ್ಟು
ನೀ ತೋರಿದ ದಾರಿಯಲ್ಲೇ ನಡೆಯುತ್ತಾ..
ಇವನಾರವ.....
ಇವನಾರವ..... ಎನ್ನದೆ
ಬದುಕುತ್ತಿದ್ದರೋ.....
ಗುರುವೇ.
ಈಗ ಕಾಲ ಬದಲಾಗಿದೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಗೆಳತಿ....ಆದರ್ಶ ಸ್ನೇಹಿತೆ.

ಆದರ್ಶ ಸ್ನೇಹಿತೆ——-
                                                       
  ಸ್ನೇಹದ ಹೂದೋಟದಿ ಅರಳುವ ಹೂ ಸ್ನೇಹಿತೆ
 ಬದುಕಿನ ಹಾಳೆಯ ಮೇಲೆ ಬರೆವಳು ಸ್ನೇಹ ಕವಿತೆ 
ಧೀರೆಯ ಸಂಗದಲಿ ದುಮ್ಮಾನ ಮರೆತೆ ....
ಜೀವನ ಯಾನವ ಜತನದಿ ಕಾಯುವ ಜೊತೆಗಾತಿ  
ಬಾಳ ಗೋಳನು ಅಳಿಸಿ ನಲಿಸುವ ನಲ್ಮೆಯ ಗೆಳತಿ ...
ಬಂಧು ಬಂಧನ ರಹಿತ ಸ್ನೇಹ ಬಂಧಿತೆ      
ಸೋಲಿನ ಸವಾಲನು ಸಲೀಸಾಗಿ ಗೆಲಿಸುವ ಸರಳ ಸಹೇಲಿ..
ಥಳುಕು ಬಳುಕಿನ ಕಳಪೆಯಾಗದೆ ಹಾಲು ಬೆಳಕಿನ ಗುಣಿಯಾಗಿ ಬಳಿಯಲಿ ಗಣಿಯಾಗಿರುವಳು ಗೆಳತಿ.
                           
              ಗೆಳತಿ....
ಗೆಳತಿ ಆದರೆ ಜೊತೆಯಲ್ಲಿ ನಡೆವೆ 
ಇಲ್ಲದೆ ಹೋದರೆ ನೀ ನಡೆವುದ ನೋಡುವೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.

ಜ್ಞಾನ ದೇವತೆ

ತುಂಗಾ ತೀರದಿ ನೆಲೆ ನಿಂತ ಮಹಾಮಾತೆ
ಶೃಂಗೇರಿ ಪುರವಾಸಿನಿ ನೀ ವಿದ್ಯಾಧಿದೇವತೆ
ಜೋಳಿಗೆ ಹಿಡಿದು ನಿನ್ನ ಮುಂದೆ ನಾ ನಿಂತೆ
ಜ್ಞಾನ ಭಿಕ್ಷೆಯ ನೀಡಿ ಹರೆಸೆನ್ನ ಜಗನ್ಮಾತೆ

ನಿನ್ನ ಜ್ಞಾನದ ನಂದಾದೀಪ ನನ್ನ ಮನದಲಿ ಬೆಳಗಲಿ
ಅಜ್ಞಾನವೆಂಬ ಅಂಧಕಾರ ಶಾಶ್ವತವಾಗಿ ತೊಲಗಲಿ
ಮಾತನಾಡುವ ಮುನ್ನ ಜಿಹ್ವೆಯು ಸದಾ ನಿನ್ನ ನೆನೆಯಲಿ
ವಿನಯವೆಂಬ ಅಸ್ತ್ರ ಎಂದೂ ಅಹಂಕಾರವ ಜಯಿಸಲಿ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ನಾನು ಕೇಳಿರದ ಸ್ವಾರಸ್ಯಕರ ಗಾದೆ ಮಾತುಗಳು - ಇನ್ನಷ್ಟು

ಸತ್ತೋರ ಮಕ್ಕಳು ಇದ್ದೋರ ಕಾಲ್ದಸೀಲಿ

ಮೊದಲಿದ್ದವಳೇ ವಾಸಿ ಎಬ್ಬಿಸಿದರೆ ಉಣ್ಣೋಳು

ಕದ್ದ ರೊಟ್ಟಿ ಬೇರೆ ದೇವರ ಪ್ರಸಾದ ಬೇರೆ.

ಖೀರು ಕುಡಿದವ ಓಡಿಹೋದ, ನೀರು ಕುಡಿದವ ಸಿಕ್ಕಿಬಿದ್ದ.

ಮಾನಿಷ್ಟರು ಮಾನಕ್ಕೆ ಅಂಜಿದರೆ ಮಾನಗೇಡಿ ತನಗೇ ಅಂಜಿದರು ಅಂದನಂತೆ

ಆಟ ಕೆಟ್ಟರೆ ದೀವಟಿಗೆಯವನ ಸುತ್ತ

ಲೇ ಅನ್ನಲು ಅವಳೇ ಇಲ್ಲ ಮಗನ ಹೆಸರು ಮುದ್ದುರ೦ಗ

ಸಾವಿರ ಉಳಿ ಪೆಟ್ಟು,ಒಂದು ಚಿತ್ತಾರ

ಮಂದ್ಯಾಗ ಮಚ್ಚೀಲೆ ಹೊಡೆದು ಸಂದ್ಯಾಗ ಕಾಲು ಹಿಡಿದರು

ಪಾಂಡವರು ಪಗಡೆಯಾಡಿ ಕೆಟ್ಟರು ; ಹೆಣ್ಣುಮಕ್ಕಳು ಕವಡೆಯಾಡಿ ಕೆಟ್ಟರು

ಉಂಡರೆ ಉಬ್ಬಸ, ಹಸಿದರೆ ಸಂಕಟ .

ಪೀತಾಂಬರ ಉಟ್ಟರೂ ಕೊತ್ತಂಬರಿ ಮಾರೋದು ತಪ್ಪಲಿಲ್ಲ.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.5 (2 votes)
To prevent automated spam submissions leave this field empty.

ನಿರ್ಲಿಪ್ತ ಬದುಕು

ಅದೊಂದು ಸುಂದರ ಕಡಲತೀರ
ದಣಿದ ಸೂರ್ಯ ನಿಶೆಯ ತೆಕ್ಕೆಗೆ ಜಾರುತ್ತಿದ್ದಾನೆ
ಆಕಾಶವನಾವರಿಸಿದೆ ಹೊಂಬಣ್ಣದ ಛಾಯೆ
ತುಸು ದೂರದಲೊಂದು ಯುವಜೊಡಿ
ಜಗದ ಪರಿವೆಯಿಲ್ಲದೆ ಸಲ್ಲಾಪದಲಿ ಮಗ್ನ
ನಲ್ಲೆಯ ಅಂಗೈಗೆ ಅಂಗೈ ಬೆಸೆದ ಪ್ರಿಯಕರ
ಪ್ರಿಯೆಗೆ ಪ್ರೇಮ ನಿವೇದಿಸುತಿರಬಹುದೆ?
ಬಟ್ಟಲಗಂಗಳ ಚೆಲುವೆಯದು ನೆಟ್ಟನೋಟ!

ನಿವೇದನೆಯ ತವಕದಲಿ ಆತ
ಕೇಳುವ ಕುತೂಹಲದಲಾಕೆ  ಮುಮ್ಮಡಿಗೊಂಡ
ಮಾರ್ದವಭಾವ ಮಾತುಗಳು ಮೌನ
ಕಣ್ಸನ್ನೆಯಲೆ ಮಾತು ಸ್ಪರ್ಶ ಆಲಿಂಗನದ ವ್ಸಸ್ತ
ಜೋಡಿ ಸರ್ಪಗಳು ಸಂತಸದ ಲೋಕದಲಿ
ಹಕ್ಕಿಗಳ ವಿಹಾರ ಮಾತು ಮೌನ ಬರಿ ಕೇಳಿ
ಅನತಿ ದೂರದಲಿ ವೃದ್ಧನೊಬ್ಬನದು ದೂರದಲಿ
ನೆಟ್ಟ ನೋಟ ಸುತ್ತಲಿನ ಪರಿವೆಯಿಲ್ಲದೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.

ಒಂದೆ ಮನೆ

ಒಂದು ಮನೆಯಲಿ ಒಬ್ಬನಿರಬೇಕು, ಜಗದಗಲ
ಜಾಗದಲಿ ಆ ಮನೆಯ ಜಗುಲಿಯಿರಬೇಕು
ಎಷ್ಟು ಜನ ಬಂದರೂ ಕುಳಿತು ಹರಟುವ ಹಾಗೆ
ಅವಕಾಶವಿರಬೇಕು, ಅಂಗಳವು ಬೇಕು

ಕುಸಿಯದಿಹ ಆಗಸವೆ ಮನೆಯ ಛಾವಣಿಯಾಗಿ
ಗೋಡೆಗಳು ಬರಿಗಣ್ಗೆ ಕಾಣದಿರಬೇಕು
ದಟ್ಟ ಕಾಡೇ ಗಟ್ಟಿಯಗಳಿಯಾಗಿಹ ತೆರೆದ
ಹೆಬ್ಬಾಗಿಲಿಗೆ ಹೊಲವೆ ಹೊಸಿಲಾಗಬೇಕು

ನಿದ್ದೆಗೈಯುವ ಕೋಣೆಯಲೆ ಎಚ್ಚರವು ಬೇಕು
ಆಟವಾಡುವ ಬಯಲು ಅಲ್ಲೆಯಿರಬೇಕು
ಕಸವೊತ್ತಿ ಪೇರಿಸಲು ಮೂಲೆಯಿಲ್ಲದ ಹಾಗೆ
ಎಲ್ಲವೂ ಕೊಳೆಯುತ್ತ ಮಣ್ಣಾಗಬೇಕು

ಬಂದು ಹೋಗುವ ಜನರ ಲೆಕ್ಕಗಳ ಬಿಡಬೇಕು
ತಿಂದುಳಿದುದೆಲ್ಲವೂ ಹಣ್ಣಾಗಬೇಕು
ಒಬ್ಬನಿಹ ಮನೆಯೊಳಗೆ ಮತ್ತೆ ಮನೆ ಕಟ್ಟಿದರೆ
ಒರಲೆಗಳಿಗೆಲ್ಲವನು ಕೊಟ್ಟುಬಿಡಬೇಕು

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3 (1 vote)
To prevent automated spam submissions leave this field empty.

ನಾನು ಕೇಳಿರದ ಸ್ವಾರಸ್ಯಕರ ಗಾದೆ ಮಾತುಗಳು

( ಕನ್ನಡಗಾದೆಮಾತುಗಳು ಎಂದರೆ ಕನ್ನಡ ಜನತೆಯ ಸಾವಿರಾರು ವರ್ಷಗಳ ಲೋಕಾನುಭವದ ಸಾರ. ಇಂಟರ್ನೆಟ್ನಲ್ಲಿ ಏನೋ ಹುಡುಕಲು ಹೋಗಿ ಸಿಕ್ಕದ್ದು ವಿಷಯ ಡಾಟ್ ಇನ್ ಎಂಬ ತಾಣದಲ್ಲಿ ಸಾವಿರಾರು ಗಾದೆಮಾತುಗಳು ಅಲ್ಲಿಂದ ನನ್ನ ಸಂತೋಷ ಸಂಗ್ರಹಕ್ಕೆಂದು ಆರಿಸಿಕೊಂಡ ಗಾದೆಮಾತುಗಳು ಮಾಮೂಲಿಗಿಂತ ಈ ಪೋಸ್ಟ್ ಸ್ವಲ್ಪ ದೊಡ್ಡದು ಆಗಿದ್ದರು ಕೂಡ ತಾಳ್ಮೆಯಿಂದ ನೀವು ಕೊನೆಯವರೆಗೆ ಓದುತ್ತೀರಿ ಎಂದು ನನಗೆ ಅನಿಸುತ್ತದೆ)

ತಾನಾಗಿ ಬೀಳುವ ಮರಕ್ಕೆ ಕೊದಲಿ ಏಟು ಹಾಕಿದ ಹಾಗೆ .

ಹೇಳೊದು ವೇದ ಹಾಕೊದು ಗಾಳ

ಸರಿಸರಿಯಾಗಿದ್ರೆ,ಪರಿಪರಿ ನೆಂಟರು

ಮೃತ್ಯು ಬಂದ ಮೇಲೆ ವೈದ್ಯ ಬಂದ.

ನಾಯಿಯ ಕನಸೆಲ್ಲ ಮೂಳೇನೇ.

ದುಡ್ಡು ಕೊಟ್ಟು ದೆವ್ವ ಹಿಡಿಸಿಕೊಂಡ ಹಾಗೆ

ದಾನಿಗೆ ದೀನತನ ಸಲ್ಲ, ಜ್ಞಾನಿಗೆ ಮೌನ ಸಲ್ಲ

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.7 (3 votes)
To prevent automated spam submissions leave this field empty.

“ರವಿ”ರಾಜನಿಗೆ ಯಾರು ಸರಿ..

                “ರವಿ”ರಾಜನಿಗೆ ಯಾರು ಸರಿ.. 
 
ಚುಮು ಚುಮು ಬೆಳಗಿನ ಹೊಂಗಿರಣಗಳ ಚಿಮ್ಮಿಸಿ ಜಗದ ಜೀವರಾಶಿಗೆ ಹರಸಿ ಜೀವಿತದ ತಾಜಾತನದ ಜೀವಸ್ಪರ್ಶ 
ಬೇಸಿಗೆಯ ದಿನದ ಹಗಲನು ಅಂಜಿಕೆ ಇಲ್ಲದೆ ಹಿಂಜಿ 
ಸಕಲ ಸಂಕುಲಕೆ ಸಿಂಪಡಿಸಿ ಹರ್ಷ ಸರಿದೂಗಿಸುವ ‘ಸೂರ್ಯ’...
 
ಧಗಧಗ ಉರಿಯ ಹರಿದಾಡುವ ಸುಡು ಬಿಸಿಲು 
ಸರಿದಾಡಲು ಬಿಡದ ‘ದಿನಕರ’ನ ಬಿಸಿಉಸಿರು 
ಬಿಸಿ ಹವೆಯ ದಗೆಗೆ ಬಸವಳಿದು 
ತುಸು ಬಿಡದೆ ಬಳಬಳ ಸುರಿವ ಬೆವರು ...
 
ಅಬ್ಬಾ!!! ರಜೆಯಿಲ್ಲದ ರಾಜ ಇರುವ ‘ಸೂರಜ’ ಒಬ್ಬ 
ಅಂಬರದಲಿ ಅದೆಷ್ಟು ಅವನ ಅಬ್ಬರ 
ನಿಗಿ ನಿಗಿ ಹೊಳೆದು ನಭದಲಿ ಸಭೆಯನು ಸೇರಿಸುವ ಆ ಪರಿ 
ಎಣಿಕೆಗೆ ನಿಲುಕದ ತಾರೆಗಳ ಸರಿಸಿ ರಾರಾಜಿಸಿ 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (2 votes)
To prevent automated spam submissions leave this field empty.

Pages