ಇತ್ತೀಚೆಗೆ ಸೇರಿಸಿದ ಪುಟಗಳು

llಅರಿಯೆನು ಕೃಷ್ಣll

ಮನಸ್ಸಿನ ಮೂಲೆಯ ಮನೆಯಲ್ಲಿ ನಿನ್ನ
ಗುಡಿ ಕಟ್ಟಿಸಿರುವೆ ಕೃಷ್ಣ
ಆರದ ನಂದಾ ದೀಪವ ಬೆಳಗಿಸಿ
ಧ್ಯಾನಿಸುತ್ತಿರುವೆ ಕೃಷ್ಣ

ಮೂಲೆಯ ಮನೆ ಎಂದು
ಬೇಸರಗೊಳ್ಳದಿರು
ವಶಪಡಿಸಿಕೊಂಡಿದೆ ಸಂಸಾರವೂ
ಉಳಿದ ಜಾಗವನ್ನು

ಕ್ಷಣದ ಧ್ಯಾನವೆಂದು
ಕೋಪಿಸಿಗೊಳ್ಳದಿರು
ಕಸಿದುಕೊಂಡಿದೆ ಚಿಂತೆಯೂ
ಬಹು ಸಮಯವನ್ನು

ನೀ ಕೋಪಿಸಿಕೊಂಡರೆ
ನಾನೆಲ್ಲಿಗೆ ಹೋಗಲಿ
ನೀ ಬೇಸರಗೊಂಡರೆ
ನಿನ್ನ ಹೇಗೆ ಸಂತೈಸಲಿ

ಅಣುರೇಣು ತೃಣಗಳಲ್ಲಿ
ತುಂಬಿರುವ ನಿನ್ನ
ಅರಿತು ಅರಿಯೆನು ನಾನು
ನಂಬು ನನ್ನ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

llಕಳಚು ಪೊರೆಯll

ಹುಡುಕುವೆ ಎಲ್ಲಿ ನೀನು
ಅಡಗಿರುವ ಶಾಂತಿಯನ್ನೇನು
ಮರೆತೆ ನಗುವುದ ನೀನು
ಕಾರಣ ಸಿಗುತ್ತಿಲ್ಲವೇನು

ಬಂಧಿಯಾದೆ ನೀನು
ನಿನ್ನ ಮನದ ಕಾರಾಗೃಹದಲ್ಲಿ
ಬಿಗಿದುಕೊಂಡಿರುವೆ ನಿನ್ನನ್ನು ನೀನು
ಆಲೋಚನೆಗಳ ಸರಪಳಿಯಲ್ಲಿ

ಯಾರು ಹೊಣೆ ಈ ಬಂಧನಕ್ಕೆ
ನಿನ್ನ ಅಜ್ಞಾನದ ಅಂಧಕಾರಕ್ಕೆ

ಕಣ್ಣು ಮುಚ್ಚಿ ನೀನು
ಕೂಗುತ್ತಿರುವೆ ಕವಿದಿದೆ ಕತ್ತಲೆ ಎಂದು
ಕೆಂಡದ ಮೇಲೆ ನಡೆಯುತ್ತ ನೀನು
ನರಳುತ್ತಿರುವೆ ಬೆಂಕಿಯ ಶಾಖಕ್ಕೆ ನೊಂದು

ಯಾರು ಕೊಟ್ಟರೋ ಈ ಶಿಕ್ಷೆಯು ನಿನಗೆ
ನೋವಿಗೆ ಕಾರಣ ಸಿಗುತ್ತಿಲ್ಲವೇ ಕೊನೆಗೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ನಗುನಗುತಾ ನಲಿ..

ಆಸ್ಪತ್ರೆಯ ತೀವ್ರ ನಿಗಾ ಘಟಕದಲ್ಲಿ ಸಾವು ಬದುಕಿನ ನಡುವಿನ ಎರಡು ದೋಣಿಯ ಮೇಲೆ ಕಾಲಿಟ್ಟು ಗಾಳಿ ಹೆಚ್ಚಾದಾಗ ಸಾವಿನ ಕಡೆ, ಕಡಿಮೆಯಾದಾಗ ಬದುಕಿನ ಕಡೆ ವಾಲುತ್ತಾ ಆದಷ್ಟು ಬೇಗ ಸಾವಿನ ದೋಣಿಯ ಮೇಲೆ ವಾಲುವಂತಾಗಿತ್ತು ಹಿರಿಯ ಹಾಸ್ಯ ಕಲಾವಿದ ರಂಗರಾವ್ ಅವರ ದಿನಚರಿ. ಕಳೆದ ಒಂದು ತಿಂಗಳಿನಿಂದ ಈ ಆಸ್ಪತ್ರೆಯ ಕೊಠಡಿಯೇ ಅವರ ವಾಸಸ್ಥಾನವಾಗಿತ್ತು... ಅಂಥಹ ಮಹಾನ್ ವ್ಯಕ್ತಿಯ ಸಂದರ್ಶನ ಮಾಡುವ ಅವಕಾಶ ನನಗೆ ಒದಗಿತ್ತು.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.

ಸ್ವಾತಂತ್ರ್ಯಅಂದು ಇಂದು

ಹಿಂದುಸ್ತಾನ ಅಂದು ಬ್ರಿಟಿಷರ ಕಪಿಮುಷ್ಠಿಯೊಳಗೆ 
ಹಿಂದುಸ್ತಾನ ಇಂದು  ಭ್ರಷ್ಟರ ಬಿಗಿಮುಷ್ಠಿಯೊಳಗೆ 
 
ಅಂದು ನಡೆಯಿತು ಸ್ವಾತಂತ್ರ್ಯಕ್ಕಾಗಿ ಬಡಿದಾಟ  
ಇಂದು ನಡೆಯುತ್ತಿದೆ ಬದುಕಿಗಾಗಿ  ಚೀರಾಟ 
 
ಅಂದು ಇದ್ದರು ದೇಶಭಕ್ತರು 
ಇಂದು ಇರುವರು ದೇಶಭಕ್ಷಕರು 
 
ಅಂದು ತಾಯಿ ನೆಲದ ರಕ್ಷಣೆಗಾಗಿ ಹೋರಾಟ 
ಇಂದು ತಾಯಿ ನೆಲದ  ಭಕ್ಷಣೆಗಾಗಿ ಕಚ್ಚಾಟ 
 
ಅಂದು ನಾಡನ್ನು ಉಳಿಸಲು ಒಟ್ಟಿಗೆ ಹೋರಾಡುವ ಕೂಗು 
ಇಂದು ನಾಡಿನ ಸಂಪತ್ತನ್ನೆಲ್ಲಾ ಒಟ್ಟಿಗೆ ಕಬಳಿಸುವ ಹಿಗ್ಗು 
 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 2.5 (2 votes)
To prevent automated spam submissions leave this field empty.

ಜ್ಯೋತಿ

ಅಸ್ಪೃಶ್ಯತೆಯ ಅಂಧಕಾರವ 
ತೊಡೆಯಲು ಹುಟ್ಟಿದಂತ ಜ್ಯೋತಿ 
ನೆತ್ತರನ್ನೇ ತೈಲವಾಗಿಸಿ 
ನರಗಳನ್ನೇ ಬತ್ತಿಯಾಗಿಸಿ 
ಉಸಿರನ್ನೇ ಬೆಳಕನ್ನಾಗಿಸಿ 
 
ಹಚ್ಚಿತು ಹಚ್ಚಿತು
ಸಾವಿರಾರು ಹಣತೆಗಳ 
ಬೆಳಗಿತು ಬೆಳಗಿತು 
ಅಡೆ ತಡೆಯನ್ನು ಮೀರಿ 
 
ಮೂಡಿಸಿತು  ಮೂಡಿಸಿತು  
ಸರ್ವರಲ್ಲೂ  ಸಂಘಟನೆಯ ಶಕ್ತಿ 
ಪಸರಿಸಿತು  ಪಸರಿಸಿತು 
ಮೂಲೆಮೂಲೆಗೂ ಅಕ್ಷರದ 
ಅರಿವಿನ ಬೆಳಕ 
 
ಹರಿಸಿತು ಹರಿಸಿತು 
ಎಲ್ಲರಲೂ ಹೋರಾಟದ ಕೆಚ್ಚು 
ತುಂಬಿತು ತುಂಬಿತು 
ಭಾಂಧವರ ಬಾಳಿನಲ್ಲಿ ಭರವಸೆಯ ಹುರುಪು 
 
ಉರಿಯಿತು ಉರಿಯಿತು 
ನೊಂದು ಬೆಂದ ಬಾಳಿನ ನಂದಾದೀಪವಾಗಿ 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಅನಾಥ ಬದುಕು

ಸದಾ ನಗುವ ಮೊಗದ ಹಿಂದೆ 
ಅಡಗಿದೆ ಹೇಳಲಾಗದ ನೋವು 
ಮನದಲ್ಲಿ ಸೇರಿ ಹೋಗಿದೆ ಯಾವುದೋ ನೆನವು
ಈ ಬಾಲೆಯ ಬಾಳಲ್ಲಿ .... 
 
ದಿಕ್ಕು ತೋಚದ ದಾರಿಯಲ್ಲಿ 
ಒಂಟಿತನ ಒಂದೇ ಕಂಡಿದೆ 
ಕನಿಕರ ಇಲ್ಲದ ಜಗದಲ್ಲಿ 
ಕಷ್ಟವೇ ಜೊತೆಯಾಗಿದೆ 
 
ಬಂದು ಬಳಗ ಯಾರು ಇಲ್ಲದ 
ಈ ಅನಾಥ ಬದುಕಿಗೆ 
ಸಾವಿರಾರು ಕೋಟಿ ಜನರಲಿ 
ಯಾರೂ ಇಲ್ಲವಾದರೆ ..?
 
ದುಃಖದ ಕೋಡಿ ಒಡೆದಿದೆ 
ಕಣ್ಣಲಿ ಕಂಬನಿ ಸುರಿದಿದೆ 
ನೆನಪಿನ ಮುಂಗಾರಿನಲ್ಲಿ ಅಂಬರ ನೋಡುತ್ತಾ 
ಸಂಧ್ಯಾ ಸಮಯದಿ 
ಜೀವನ ಸಾಗಿದೆ ಕತ್ತಲಲಿ....

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

Pages