ಇತ್ತೀಚೆಗೆ ಸೇರಿಸಿದ ಪುಟಗಳು

"ಹೊಳೆಯ ಹರೆಯ"

ಕೊಚ್ಚಿ ಹೋದವು ಹೊಳೆಯ ಇಕ್ಕೆಲಗಳ
ಮನೆ-ಮಠ, ಗಿಡ-ಮರ-ಬಳ್ಳಿ, ಪ್ರಾಣಿ-ಪಕ್ಷಿಗಳು
ಹಾಗಿಯೇ ಸಂಬಂಧಗಳು. ಮುಳುಗಡೆಯಾದವು
ಪೈರು ಪಚ್ಚೆಯ ಹೊಲ ಗದ್ದೆಗಳು.
 
ಕಾಣೆಯಾದವು, ಆಚೀಚೆ ಸಂಬಂಧ ಬೆಸೆಯುವ,
ರಸ್ತೆ-ಸೇತುವೆಗಳು. ಸತ್ತರು! ಅತ್ತರು! ನೆತ್ತರು
ಸುರಿದರು, ಮಳೆ ನಿಂತು ಹೊಳೆ ಇಳಿಯುವ ವರೆಗೂ
ಅವರಾಚೆ ಇವರೀಚೆ, ಮಾತಿಲ್ಲ ಕತೆಯಿಲ್ಲಾ.
 
ಅತ್ತ ಹರಿದುಕೊಂಡ ಬಳಲಿಕೆ, ಇತ್ತ ಕಳೆದುಕೊಂಡ
ಅಳಲಿಕೆ. ದಡ ಕೊರೆಯಿತು, ವಿಸ್ತಾರ ಹೊಳೆಯ ಆಳಗಲ.
ದೇವರ ದಯ! ಮೋಡಗಳ ಕರಗುವಿಕೆ, ನಿಧಾನ
ಹೊಳೆಯಿಳಿತು. ಬದುಕು ಭೀಕರ ಭಯಂಕರ.
 
ಹರಿದು ಹಂಚಿಹೋದವು ಪ್ರೀತಿಯ ಬಂಧು ಬಾಂಧವ್ಯಗಳು
ಭುವಿಯ ಬಸಿರೊಳಿರುವ ಹೊಸ ಚಿಗುರೊಂದು

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

llನೆರೆll

ಸುತ್ತೆಲ್ಲ ನೆರೆಯಾಗಿದೆ
ಬದುಕೀಗ ಹೊರೆಯಾಗಿದೆ

ಮೋಡಗಳು ಕವಿದು
ಬೆಳಕನ್ನು ತಡೆದು
ಮಳೆಯಾಗಿ ಸುರಿದು
ಮಿತಿಮೀರಿ ಹರಿದು

ಸುತ್ತೆಲ್ಲ ನೆರೆಯಾಗಿದೆ
ಬದುಕೀಗ ಹೊರೆಯಾಗಿದೆ

ಮರಗಳನ್ನು ಕಡಿದು
ನೆಲವನ್ನು ಬಗೆದು
ಮಣ್ಣನ್ನು ತೆಗೆದು
ಶಕ್ತಿಯನ್ನು ಕಸಿದು

ಸುತ್ತೆಲ್ಲ ನೆರೆಯಾಗಿದೆ
ಬದುಕೀಗ ಹೊರೆಯಾಗಿದೆ

ಗುಡ್ಡಗಳು ಕುಸಿದು
ಬಲಿಯನ್ನು ಪಡೆದು
ಭಯವಿನ್ನೂ ಬೆಳೆದು
ದಾರಿಯಲ್ಲ ಅಳಿದು

ಸುತ್ತೆಲ್ಲ ನೆರೆಯಾಗಿದೆ
ಬದುಕೀಗ ಹೊರೆಯಾಗಿದೆ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.

ಬದುಕೊಂದು ಕರುಣಾಮಯಿ…

ಈಜಹೊರಟಿದ್ದೆ ಅಲೆಗಳ ವಿರುದ್ಧ
ಈಜಲೇ ಬಾರದಿದ್ದ ನಾನು…
ನಾನೇಕೋ ಕೊಚ್ಚಿಹೋಗಲಿಲ್ಲ
ಈಜುಗಾರರೆಲ್ಲ ಕೊಚ್ಚಿಹೋದರೂ…

ಮುಳುಗಿಸದೇ ಈಜುವ ಧೈರ್ಯಕೊಟ್ಟ
ಬದುಕೊಂದು ಕರುಣಾಮಯಿ…

ಜಿಗಿಯ ಹೊರಟಿದ್ದೆ ಆಗಸದಿಂದ
ರೆಕ್ಕೆಗಳೇ ಇರದಿದ್ದ ನಾನು…
ನಾನೇಕೋ ಇನ್ನೂ ಹಾರುತ್ತಲಿದ್ದೆ
ಬಾನಕ್ಕಿಗಳ ರೆಕ್ಕೆ ಮುರಿದುಹೋದರೂ..

ನನ್ನ ಬೀಳಿಸದೇ ಹಾರಲು ಬಿಟ್ಟ
ಬದುಕೊಂದು ಕರುಣಾಮಯಿ…

ಎಲ್ಲರನ್ನೂ ಪ್ರೀತಿಸಹೊರಟಿದ್ದೆ
ಪ್ರೀತಿಯ ಅರಿವಿರದಿದ್ದ ನಾನು…
ನಾನೇಕೋ ಇನ್ನೂ ಪ್ರೀತಿಸುತ್ತಿದ್ದೆ
ಎಲ್ಲರೂ ನನ್ನವರೇ ಅಲ್ಲದಿದ್ದರೂ…

ಜಗತ್ತನ್ನೇ ಪ್ರೀತಿಸಲು ಕಲಿಸಿಬಿಟ್ಟ
ಬದುಕೊಂದು ಕರುಣಾಮಯಿ…

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಉಸಿರು ಹಸಿರೊಳಗ್ಹೋದಾಗ

ನಾನು ಎಂಬ ನನ್ನನ್ನು ನನ್ನ
ಮೇಲ್ಪದರದಲ್ಲೇ ನಿಂತು ನೋಡುವ ನನಗೆ

ಈ ಹಸಿರೆಂಬುದು
ತನ್ನ ರೌದ್ರ ಸೌಂದರ್ಯದ ಒಳಗೆ
ಸೆಳೆಯುತ ನನ್ನ
ಮೌನದ ಆಳಕ್ಕೆ ಇಳಿಸುತ್ತ

ನೀನೆಂದುಕೊಂಡ ನೀನು ನೀನಲ್ಲ
ಇಲ್ಲಿರುವೆ ನೋಡು ಹುಡುಕು ನಿನ್ನನ್ನು

ಎಂದು

ಹಸಿರಲ್ಲಿ ಉಸಿರನ್ನು ಲೀನವಾಗಿಸಿ ಕೈಬಿಡುವ
ಮರು ಅರ್ಥ ನೀಡಿ ಮತ್ತೆ ಹೊರಕ್ಕೆ ಹರಹುವ
ಈ ಪ್ರಕೃತಿಗೆ ಅದಾವ ಶಕ್ತಿ ಇದೆಯೋ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಸ್ನೇಹಿತರು

ಹುಟ್ಟಿದಂದು ಯಾರು ಇಲ್ಲ ಅಳುವೆ ನನ್ನ ಗೆಳೆಯ
ಸ್ವಲ್ಪ ಬೆಳೆದ ನನ್ನ ಜಗದೊಳಗೆ ಅಮ್ಮನೇ ಎಲ್ಲ
ತೊದಲ ಮಾತು ನುಡಿಯುವಾಗ ಅಕ್ಕ ಅಣ್ಣ ಅಪ್ಪ
ಮನೆಯೊಳಗೆ ಕಲಿಸಿದರು ಪ್ರಥಮ ಸ್ನೇಹ ಪಾಠ

ಶಾಲೆಯಲ್ಲಿ ಕಲಿಯುವಾಗ ಸಿಕ್ಕ ಸ್ನೇಹವೆಷ್ಟೋ
ವೃತ್ತಿ ಜೀವನದಲ್ಲಿ ಬಂದ ಗೆಳೆತನಗಳದೆಷ್ಟೋ
ಗೆಳೆಯರೊಂದಿಗೆ ಕಳೆದ ಕ್ಷಣಗಳು ಇಂದಿಗೂ ಅಮೂಲ್ಯ
ಗಟ್ಟಿಯಾದಷ್ಟು ಬೆಳೆಯುವುದು ಗೆಳೆತನದ ಮೌಲ್ಯ

ನನಗೆಂದೇ ದೈವ ಬರೆದ ಸಂಗಾತಿಯ ಸ್ನೇಹ ಸಂಬಂಧ
ಮಕ್ಕಳೊಡನೆ ಸ್ನೇಹದ ಸವಿ ಸವಿಯುವುದೇ ಆನಂದ
ಸ್ನೇಹವೊಂದು ಮಧುರ ಬಂಧ ಇಲ್ಲ ಯಾವ ಕಟ್ಟಳೆ
ಸ್ನೇಹವಿರದ ಬಾಳಿನಲ್ಲಿ ಒಂದಿಲ್ಲೊಂದು ರಗಳೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಮುದ್ದು ಗಣಪ

ಬಂದ ನೋಡು ಚಂದದಿಂದ ಮುದ್ದುಗಣಪ ಮನೆಗೆ
ತನ್ನ ಭಕ್ತರನ್ನು ನೋಡಲೆಂದು ಕೈಲಾಸದಿಂದ ಧರೆಗೆ
ಹೂವು ಪತ್ರೆ ಏನು ಬೇಡ ಎನ್ನುತ್ತಿರುವ ಪೂಜೆಗೆ
ಸ್ವಲ್ಪ ಭಕ್ತಿ ನೀಡಿ ಮನದಿ ಹರಸುವನು ಎಲ್ಲರಿಗೆ

ಸಣ್ಣ ಇಲಿಯ ಮೇಲೆ ಕುಳಿತು ಲೋಕವ ಸಂಚರಿಪನು
ತಂದೆ-ತಾಯಿ ಸುತ್ತಿ ಬಂದು ಜಗವೇ ಅವರೆಂದನು
ಸಕಲ ವಿದ್ಯೆಗಳಿಗೆ ಗುರು ಇವನು ವಿದ್ಯಾವಿನಾಯಕನು
ಸರ್ವ ಸಂಕಷ್ಟಗಳನ್ನು ನಾಶಮಾಡುವ ವಿಘ್ನರಾಜನು

ಎಷ್ಟು ಬಾರಿ ನೋಡಿದರೂ ಮನಕೆ ಮತ್ತೆ ನೋಡುವಾಕರ್ಷಣೆ
ಏನೇ ಇರಲಿ ಪ್ರಥಮ ಪೂಜೆ ನಿನ್ನ ಪಾದಕರ್ಪಣೆ
ಭಕ್ತಿಯಿಂದ ನಿನ್ನ ಭಜಿಪಗೆ ಸಿಗುವುದೆಲ್ಲ ಮನ್ನಣೆ
ದುಷ್ಟತನದಿ ಮೆರೆಯುವವರಿಗೆ ಎಂದೂ ಇಲ್ಲ ನಿನ್ನ ರಕ್ಷಣೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

llಸನ್ನಿವೇಶll

ಸನ್ನಿವೇಶವು ವೇಷ ಧರಿಸಿ
ವಿವಿಧ ರೂಪದಿ ಬರುತ್ತಿದೆ
ಮನದ ಶಾಂತಿಯ ನಿದ್ದೆಗೆಡಿಸಿ
ಕುಹಕ ನಗೆಯಲ್ಲಿ ಕಾಡುತ್ತಿದೆ

ತಾಳ್ಮೆ ಗೋಡೆಯು ಒಡೆದಿದೆ
ಮನದ ಮನೆ ಶಿಥಿಲವಾಗಿದೆ
ಗಾಳಿ ವೇಗದಿ ಬೀಸುತ್ತಿದೆ
ಪೂರ್ಣ ಕೆಡವುವ ಸಂಚಿದೆ

ಒಂಟಿಯಾಗಿ ಹೋರಾಡಬೇಕಿದೆ
ಸವಾಲುಗಳ ಸೈನ್ಯ ದೊಡ್ಡದಿದೆ
ಮಂಡಿಗಳು ನೆಲಕ್ಕೆ ಕುಸಿಯುತ್ತಿದೆ
ಸೋಲು ಖಚಿತತೆಯ ತೀರದಲ್ಲಿದೆ

ಹತಾಶೆ ಹಾರವಾಗಿ ಸುತ್ತಿಕೊಂಡಿದೆ
ಭಾರವಾದ ಭಾವನೆ ಒಳಗೆ ಬಂದಿದೆ
ಮೌನ ಮಾತೆಲ್ಲವನ್ನೂ ಕಸಿದುಕೊಂಡಿದೆ
ನಯನದಲ್ಲಿ ನೀರೊಂದು ಸ್ಥಾನ ಪಡೆದಿದೆ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

Pages