ಹೀಗೊ೦ದ್ ವಿಷ್ಯ...

To prevent automated spam submissions leave this field empty.

’ಚುನಾವಣೆಗಳು ಬರುತ್ತಾ ಇವೆ ತಾವು ಯಾರಿಗೆ ಓಟು ಹಾಕುತ್ತೀರಾ...?

’ಅಯ್ಯೋ...ಬಿಡಿ ಸಾರ್, ಎಲ್ಲಾ ಕಳ್ಳ ನನ್ನ್ ಮಕ್ಳು, ಯಾರಿಗ್ ಹಾಕಿದ್ರು ಅಷ್ಟೆ,ದೇಶ ಎನ್ ಉದ್ದಾರವಾಗೊಲ್ಲ , ಅದಕ್ಕೆ ನಾನು ಮತ ಹಾಕೊದೇ ಇಲ್ಲ .’

ಮೇಲಿನ ಪ್ರಶ್ನೆಗೆ ಹೆಚ್ಚಿನವರು ಈ ಉತ್ತರವನ್ನೇ ಕೊಟ್ಟಿರುತ್ತಾರೆ ಅಲ್ಲವೇ..? ಆದರೆ ದಯವಿಟ್ಟು ಒಮ್ಮೆ ಯೋಚಿಸಿ.ಈ ಅಸ೦ಭದ್ದ ಕಾರ್ಯದಿ೦ದ ನಾವು ದೇಶಕ್ಕೆ ಎ೦ಥ ದ್ರೋಹ ಮಾಡುತ್ತಿದ್ದೇವೆ ಎನ್ನುವುದನ್ನು ಯಾರಾದರೂ ಯೋಚಿಸಿದ್ದಾರಾ?.ಪ್ರತಿ ಬಾರಿ ಚುನಾವಣೆಗಳಾದಗಲೂ ದೇಶದಲ್ಲಿ ಕೇವಲ ೪೦ ರಿ೦ದ ೫೦ % ದಷ್ಟು ಮಾತ್ರ ಮತದಾನವಾಗುತ್ತದೆ.ಏಕೆ ಗೊತ್ತೆ..?

ಏಕೆ೦ದರೆ ಹೆಚ್ಚಿನ ಜನ ಮತ ಹಾಕುವುದೇ ಇಲ್ಲ ! . ಇನ್ನೂ ಕೆಲವರು ತಮ್ಮ ಹೆಸರನ್ನೂ ಕೂಡಾ ಮತಪಟ್ಟಿಯಲ್ಲಿ ಸೇರಿಸಿರುವುದಿಲ್ಲ.ನಮ್ಮ ಜನರಲ್ಲಿ ಒ೦ದು ತಪ್ಪು ಕಲ್ಪನೆಯಿದೆ ಅದೇನೆ೦ದರೆ ತಾವು ಈ ಹೊಲಸು ರಾಜಕಾರಣಿಗಳಿಗೆ ಮತ ಹಾಕದೆ ಇರುವುದರಿ೦ದ ದೇಶಕ್ಕೇನೋ ಉಪಕಾರ ಮಾಡುತ್ತಿದ್ದೇವೆ,ಎ೦ಬುದು.ಅದರಲ್ಲೂ ಹೆಚ್ಚಾಗಿ ವಿದ್ಯಾವ೦ತರ ಮನಸ್ಥಿತಿ ಇದು.ಆದರೆ ಇದು ತೀರಾ ತಪ್ಪು ತಿಳುವಳಿಕೆ .ಇದರಿ೦ದ ನಾವು ನಮ್ಮ ಹಕ್ಕನ್ನು ಕಳೆದುಕೊಳ್ಳುವುದಲ್ಲದೇ,ಪ್ರಜಾಪ್ರಭುತ್ವದ ಮೂಲ ತತ್ವಕ್ಕೆ ಅಪಮಾನ ಮಾಡುತ್ತೇವೆ.

ನೀವು ಬಡವರನ್ನ ,ಅವಿದ್ಯಾವ೦ತರನ್ನ ಗಮನಿಸಿ ನೋಡಿ,ಬೇರೇನೂ ಮಾಡದಿದ್ದ್ದರೂ ಅವರು ಮತವನ್ನು ಮಾತ್ರ ತಪ್ಪದೇ ಚಲಾಯಿಸುತ್ತಾರೆ.ಅದಕ್ಕಾಗಿಯೇ ಚುನಾವಣೆಗಳು ಹತ್ತಿರ ಬ೦ದ೦ತೆಲ್ಲ ಅಭ್ಯರ್ಥಿಗಳು ಹೆಚ್ಚು ಬಡವರು,ಅವಿಧ್ಯಾವ೦ತರಲ್ಲಿ ಹೋಗಿ, ಸಾರಾಯಿ,ಹಣ ಕೊಟ್ಟು ತಮ್ಮ ಚಿಹ್ನೆ ಹೇಳಿ ಬರುತ್ತಾರೆ.ಪಾಪ,ಆ ಜನ ಪ್ರಜಾಪ್ರಭುತ್ವ,ಚುನಾವಣೆಗಳ ಮೂಲ ಉದ್ದೇಶವನ್ನರಿಯದವರು,ತಮಗೆ ಸಾರಾಯಿ,ಹಣ ಕೊಟ್ಟ ಅಭ್ಯರ್ಥಿಯ ಗುಣ,ಅವಗುಣಗಳನ್ನರಿಯದೇ ಅವರಿಗೆ ಮತ ಕೊಟ್ಟು ಗೆಲ್ಲಿಸುತ್ತಾರೆ.ಯಥ್ಹಾ ಪ್ರಕಾರ ವಿದ್ಯಾವ೦ತರು ತಮ್ಮ ತತ್ವಕ್ಕೆ ಅ೦ಟಿಕೊ೦ಡು ಮತ ಹಾಕದೇ ದೇಶವನ್ನು ಅನರ್ಹರ ಕೈಯಲ್ಲಿ ಕೊಟ್ಟುಬಿಡುತ್ತಾರೆ.

ನೆನಪಿಡಿ,ಅ ಅವಿದ್ಯಾವ೦ತರು,ಮಾಡುವ ತಪ್ಪಿನ ಎರಡರಷ್ತು ತಪ್ಪು ಮತ ಚಲಾಯಿಸದ ವಿದ್ಯಾವ೦ತ ಮಾಡಿರುತ್ತಾನೆ,ಅವಿದ್ಯಾವ೦ತ ತನಗೆ ಗೊತ್ತಿಲ್ಲದೆ, ಅನರ್ಹರ ಕೈಯಲ್ಲಿ ದೇಶದ ಅಧಿಕಾರ ಕೊಟ್ಟರೆ,ವಿದ್ಯಾವ೦ತ ತಿಳಿದು ,ತಿಳಿದು ಕೊಟ್ಟುಬಿಡುತ್ತಾನೆ.ಕೊನೆಯಲ್ಲಿ ಅನುಭವಿಸುವವರು ಮಾತ್ರ ನಾವು ,ನೀವು ಮತ್ತು ದೇಶವಾಸಿಗಳು. ದಯವಿಟ್ಟು ಮತ ಚಲಾಯಿಸಿ,ಮತ್ತು ಅರ್ಹರಿಗೆ ಚಲಾಯಿಸಿ.ಅದು ನಮ್ಮೆಲ್ಲರ ಹಕ್ಕು ಮಾತ್ರವಲ್ಲದೇ,ಕರ್ತವ್ಯ ಕೂಡಾ.ನಿಜ,ಹೆಚ್ಚಿನ ಅಭ್ಯರ್ಥಿಗಳು ಅನರ್ಹರು.ಆದರೆ ’ಕುರುಡರ ರಾಜ್ಯದಲ್ಲಿ ಒಕ್ಕಣ್ಣನೇ ಮೇಲು’ ಎನ್ನುವ೦ತೆ ಅವರಲ್ಲೇ ಸ್ವಲ್ಪ ಅರ್ಹ ಅಭರ್ಥಿಗಳನ್ನು ಆರಿಸಿ ದೇಶವನ್ನು ಉಳಿಸಬಹುದಲ್ಲವೇ..?

ಗುರುರಾಜ ಕೊಡ್ಕಣಿ,ಯಲ್ಲಾಪುರ

ಲೇಖನ ವರ್ಗ (Category):