ಏ.ಟಿ.ಎಂ ನ ಸರದಿಯಲ್ಲಿ ನಿಂತಾಗ-ರಘೋತ್ತಮ್ ಕೊಪ್ಪರ

To prevent automated spam submissions leave this field empty.

ಏ.ಟಿ.ಎಂ ನ ಸರದಿಯಲ್ಲಿ ನಿಂತಾಗ-ರಘೋತ್ತಮ್ ಕೊಪ್ಪರ

ತಿಂಗಳು ಶುರುವಾದರೆ ಎಲ್ಲರೂ ಸಂಬಳವನ್ನು ಡ್ರಾ ಮಾಡುವುದಕ್ಕಾಗಿ ಬ್ಯಾಂಕಿಗೆ ಧಾವಿಸುತ್ತಿದ್ದರು. ಆದರೆ ಈಗ ಕಾಲ ಬದಲಾಗಿದೆ. ಏ.ಟಿ.ಎಂ (ಅಟೋಮೆಟೆಡ್ ಟೆಲ್ಲರ್ ಮಶಿನ್), (ಆಲ್ ಟೈಂ ಮನಿ ಅಂತಲೂ ಕರೆಯಬಹುದು) ಬಂದಿದೆ. ಗಂಟೆಗಟ್ಟಲೆ ಸರದಿಯಲ್ಲಿ ನಿಂತು ಸಂಬಳವನ್ನು ಪಡೆಯಬೇಕಾದ ಪರಿಸ್ಥಿತಿ ಈಗಿಲ್ಲ ಅಂತ ಎಲ್ಲರೂ ನಿಟ್ಟುಸಿರು ಬಿಟ್ಟರೂ ಈ ಸರದಿ ನಿಲ್ಲುವುದು ತಪ್ಪಲಿಲ್ಲ ನೋಡಿ. ಹೌದು ಈಗ ಏ.ಟಿ.ಏಂ. ಕೌಂಟರ್ ಗಳಲ್ಲೂ ಸರದಿ ದೊಡ್ಡದಾಗಿಯೇ ಇರುತ್ತದೆ. ಆ ಸರದಿಯಲ್ಲಿ ಕೆಲವು ಜನರಿಗೆ ಏ.ಟಿ.ಎಂ. ಹೇಗೆ ಬಳಸುವುದು ಎಂದು ಗೊತ್ತು, ಆದರೆ ಬಹುತೇಕ ಜನ ಬೇಕಾ ಬಿಟ್ಟಿ ಆಗಿ ಉಪಯೋಗಿಸುತ್ತಿರುವಾಗ ಹಿಂದೆ ಸರದಿಯಲ್ಲಿ ನಿಂತ ಜನ ಶಪಿಸುತ್ತಿರುವುದನ್ನು ನೋಡಬೇಕು. ಮೊನ್ನೆ ಒಂದು ಸಾರಿ ಹಣ ತೆಗೆದುಕೊಳ್ಳಲು ಹೋದಾಗ, ಉದ್ದನೆಯ ಸಾಲನ್ನು ಕಂಡು ಹೆದರಿದೆ. ಆದರೆ ಹಣ ತೆಗೆದುಕೊಳ್ಳಲೇಬೇಕಾದ ಅನಿವಾರ್ಯತೆಯಿಂದ ಆ ಸಾಲಲ್ಲೆ ನಿಲ್ಲಬೇಕಾಯಿತು. ಅಲ್ಲಿ ನನ್ನ ಮುಂದೆ ೧೦ ಜನ ಇದ್ದರು. ಒಬ್ಬ ಮಹಿಳೆ ಒಳಗಡೆ ಡ್ರಾ ಮಾಡ್ತಾ ಇದ್ದರು. ಅವರಿಗೆ ಡ್ರಾ ಮಾಡುವ ವಿಧಾನ ಸರಿಯಗಿ ಗೊತ್ತಿಲ್ಲವೇನೊ ಅಥವಾ ಬೇರೆ ಎನೋ ತೊಂದರೆ ಆಗಿದ್ದರಿಂದ ಒಬ್ಬರನ್ನು ಕರೆದು ಸಹಾಯ ಮಾಡಿ ಅಂದರು. ಅವರೂ ಆ ಮೇಡಂ ಗೆ ಸಹಾಯ ಮಾಡಿದರು. ಹಿಂದಿನ ಜನರು ಲೊಚಗುಡುತ್ತಿದ್ದರು. ನಂತರ ಒಂದು ಕುಟುಂಬ ಪೂರ್ತಿ ಏ.ಟಿ.ಎಂ. ಕೌಂಟರ್ ಗೆ ಧಾವಿಸಿತು. ಮಗ, ಅಮ್ಮ, ಅಪ್ಪ ಎಲ್ಲರೂ ಒಳಗೆ ಹೋದರು. ಮಗನ ಕೇಕೆ, ನಾನೇ ಹಣ ತೆಗೆಯುತ್ತೇನೆ ಎಂಬ ಮಗಳ ಹಠ ಹೀಗೆ ಅವರು ನಾಲ್ಕು ನಿಮಿಷವಾದರೂ ಹೊರಗೆ ಬರಲಿಲ್ಲ. ಅಲ್ಲಿದ್ದವರು ಎನ್ರಿ ಇವ್ರು ಬುದ್ಧಿ ಇಲ್ವಾ ಇವರಿಗೆ ಹಾಗೆ ಹೀಗೆ ಬೈತಾನೇ ಇದ್ದರು. ಒಟ್ಟು ಎಂಟು ನಿಮಿಷಗಳ ಕಾಲದ ನಂತರ ಹೊರಗೆ ಬಂದು ಎಲ್ಲರತ್ತ ನೋಡಿ ಹಾಗೆ ಹೋದರು. ಶಪಿಸಿದವರು ಮಾತ್ರ ತೆಪ್ಪಗೆ ನಿಂತಿದ್ದರು. ಇನ್ನೊಬ್ಬರು ಮೊದಲನೇಯ ಬಾರಿ ಬ್ಯಾಲೆನ್ಸ್ ಚೆಕ್ ಮಾಡಿ ನಂತರ ಹಣ ತೆಗೆದುಕೊಂಡರು. ಹಿಂದೆ ನಿಂತವರು ಲೊಚಗುಡುತ್ತಿರುತ್ತಾರೆ. ತಮ್ಮ ಪಾಳಿ ಬಂದಾಗ ಹಿಂದಿನವರು ಹಾಗೆ ಅನ್ನಬಹುದು ಅಲ್ಲವೆ. ಆದರೆ ಎಲ್ಲರೂ ಹಾಗೆ ಇರುವುದಿಲ್ಲ ಅನ್ನೊದು ಸತ್ಯ. ಈ ಬಾರಿ ನೀವು ಏ.ಟಿ.ಎಂ.ಗೆ ಹೋದಾಗ ಸರದಿ ದೊಡ್ಡದಿದ್ದರೂ ಅಲ್ಲಿನ ಜನರನ್ನು ನೋಡಿ, ನನಗೆ ಸಿಕ್ಕಂತವರು ನಿಮಗೆ ಸಿಕ್ಕರೆ ಬರೆಯಿರಿ. ಎನೇ ಹೊಸತು ಬರಲಿ, ಸರದಿ ನಿಲ್ಲೊದು ಮಾತ್ರ ತಪ್ಪಲ್ಲ ನೋಡಿ.....

ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ನಿಮಗೆ ಸಿಕ್ಕವರೇ ಪರವಾಗಿಲ್ಲ :) ನಾನು ಇತ್ತೀಚೆಗೆ ಬಂದು ವಾಸವಾಗಿರುವ ಲೊಕ್ಯಾಲಿಟಿಯ ಹತ್ತಿರ ಇರುವುದು ಒಂದೇ ಏ ಟಿ ಎಮ್ - ಅದೂ ಇಲ್ಲಿಂದ ೩ ಕಿ.ಮೀ ಹತ್ತಿರದಲ್ಲಿ ಅಷ್ಟೇ. ಅದು ಬಿಟ್ಟರೆ ೬-೭ ಕಿ,ಮೀ ದೂರ ಹೋದರೆ ಮಾತ್ರ ಮತ್ತೊಂದು ಏ ಟಿ ಎಮ್ ದರ್ಶನವಾಗೋದು. (ಬೇರೆ ಬ್ಯಾಂಕಿನ ಏ ಟಿ ಏಮ್ ನಲ್ಲಿ ತೆಗೆದುಕೊಳ್ಳಬಹುದಾದರೂ ಹೆಚ್ಚು ಚಾರ್ಜ್ ಹಾಕುತ್ತಾರೆ - ಗೊತ್ತಲ್ವೆ)

ಚಳಿ ಹಿಡಿದು ಕೂತಿದ್ದ ಸಂಜೆಯೊಮ್ಮೆ ಈ ಏಕೈಕ ಏ ಟಿ ಏಮ್ ನಲ್ಲಿ ನಿಮಗೆ ಸಿಕ್ಕಂತವರೇ ಒಬ್ಬರು ಮಹಿಳೆ ಒಳ ಹೋದವರು ಸಾಕಷ್ಟು ಹೊತ್ತು ಕಾರ್ಡ್ ಹಾಕಿ ತೆಗೆದು ಮಾಡುತ್ತಿದ್ದರು. ಸಾಲದೆಂಬಂತೆ ಫೋನಿನಲ್ಲಿ ಬೇರೆ ಮಾತು! ಬಹುಶಃ ಕಸ್ಟಮರ್ ಕೇರ್ ಗೆ ಬಯ್ಯುತ್ತಿದ್ದಾರೆಂದು ಎಣಿಸಿದ್ದೆ. ಆದರೆ ಬಹಳ ಹೊತ್ತಾದ ನಂತರ ಕೆಲವರು ಬಾಗಿಲು ತಟ್ಟಿ ತೆಗೆದರು. ಏನೂ ಗಾಬರಿಯಿಲ್ಲದೆ ಫೋನಿನಲ್ಲಿ ಮಾತು ಆಗಲೂ ಮುಂದುವರೆದಿತ್ತು. ಗಮನವಿಟ್ಟು ಕೇಳಿದರೆ ಆಶ್ಚರ್ಯ ಕಾದಿತ್ತು - ಗೆಳತಿಯೊಬ್ಬರೊಂದಿಗೆ ಯಾವುದೋ ಸಂಸಾರದ ವಿಷಯ ಚರ್ಚೆ ಮಾಡುತ್ತಿದ್ದಾರೆ! ಕಾರ್ಡ್ ಬಹಳ ಹೊತ್ತು ರೀಡ್ ಆಗದೆ ಹಿಂದಿರುವ ದೊಡ್ಡ ಸರದಿಯನ್ನೂ ಲೆಕ್ಕಿಸದೆ ತಮ್ಮಷ್ಟಕ್ಕೆ ಅಷ್ಟೂ ಹೊತ್ತು ಫೋನಿನಲ್ಲಿ ಮಾತನಾಡುತ್ತ ಕಾರ್ಡ್ ಹಾಕಿ ತೆಗೆದು ಮಾಡುತ್ತಿದ್ದರು!
--
ನನ್ನ ಬ್ಲಾಗ್:
[:http://www.sampada.net/blog/hpn|ಪರಿವೇಶಣ] | [:http://www.hpnadig.net/blog|PariveshaNa]

ಎಟಿಎಂ ನಿಜಕ್ಕೂ ಒಳ್ಳೆಯ ಹಣ ಸಂಪನ್ಮೂಲ ಸಾಧನವೇ ಸರಿ. ನಾವು ನಮ್ಮ ಖಾತೆಗೆ ತುಂಬಿದಷ್ಟನ್ನೂ ಕೇಳಿದಾಗಲೆಲ್ಲ ಕಕ್ಕುತ್ತದೆ, ವಿನಿವಿಂಕ್ ಶಾಸ್ತ್ರಿಯಂತಲ್ಲ. ಮೊದಲು ಬ್ಯಾಂಕುಗಳಲ್ಲಿ ಕ್ಯೂ ನಿಂತು ತಡವಾದಂತೆಲ್ಲಾ ಬ್ಯಾಂಕಿನ ಕೆಲಸಗಾರರನ್ನು ಬಯ್ಯುತ್ತಿದ್ದೆವು. ಈಗ ಎಟಿಎಂ ಮುಂದೆ ನೀವು ಹೇಳಿದ ಹಾಗೆ ಉದ್ದನೆಯ ಕ್ಯೂನಲ್ಲಿ ನಿಂತು ನಮ್ಮನ್ನು ನಾವೇ ಬೈದುಕೊಳ್ಳುತ್ತೇವೆ. ಲಕ್ಕಿದ್ದರೆ ನಮ್ಮ ಹಣ ನಮಗೆ ದೊರೆಯುತ್ತದೆ, ಇನ್ನೊಬ್ಬರಿಗೆ ಲಕ್ಕಿದ್ದರೆ ನಮ್ಮ ಹಣ ಅವರಿಗೆ ದೊರೆಯುತ್ತದೆ. ಅಲ್ಲದೆ ಎಟಿಎಂ ಎಂಬುದು ಮನೆ ಮಂದಿಗೆಲ್ಲಾ ಮೋಜನ್ನು ನೀಡುವ ಪುಕ್ಕಟೆ ಉಪಕರಣವೂ ಆಗಿರುತ್ತದೆಂದು ನಿಮ್ಮ ಲೇಖನ ಚೆನ್ನಾಗಿ ತಿಳಿಸಿಕೊಟ್ಟಿದೆ.
ಮೆ ದಿ ಎಟಿಎಂ ಲೀವ್ ಲಾಂಗ್
ಎ.ವಿ.ನಾಗರಾಜು