ಕ್ಷಮೆಯಿಲ್ಲದೂರಿನಲಿ....

To prevent automated spam submissions leave this field empty.

ದೇಶಕಾಲದ ಇತ್ತೀಚಿನ ಸಂಚಿಕೆಯಲ್ಲಿ ಪ್ರಕಟವಾದ ವಸುಧೇಂದ್ರ ಅವರ ಕತೆ ಕ್ಷಮೆಯಿಲ್ಲದೂರಿನಲಿ.

ಈ ಕತೆಯಲ್ಲಿ ಸಹಜವೆಂಬಂತೆ ಬರುವ ವಿವರಗಳು ಕತೆಯ ಆಶಯ ಮತ್ತು ಧ್ವನಿಗೆ ಇಂಬುಕೊಡುವ ಸಾರ್ಥಕ ಪ್ರತಿಮೆಗಳಾಗಿ ಒದಗಿಬಂದಿರುವುದು ಮೊದಲ ಮೆಚ್ಚುಗೆಗೆ ಕಾರಣ. ಅದು ರಿವರ್ ಸೈಡ್ ಎನ್ನುವ ಅಪಾರ್ಟ್‌ಮೆಂಟಿನ ಹೆಸರಿರಬಹುದು, ಸ್ವಿಮ್ಮಿಂಗ್ ಪೂಲಿನಲ್ಲೇ ಮನುಷ್ಯನ ಮನಸ್ಸಿನಲ್ಲಿ ಸಂವೇದನೆಗಳ ಒರತೆ ಇಂಗಿಹೋಗಿರುವುದನ್ನು ಕಾಣಿಸುವ ಘಟನೆಗಳ ಸರಮಾಲೆಯೊಂದು ಸುರುಹಚ್ಚಿಕೊಳ್ಳುವ ವಿಪರ್ಯಾಸವಿರಬಹುದು, ಅಕ್ಕಪಕ್ಕದ ಮನೆಯವರು ಇ-ಮೇಲ್ ಮುಖಾಂತರ ಮಾತನಾಡಿಕೊಳ್ಳುವ ವಿಶಿಷ್ಟ ಸಂದರ್ಭ ಹೊಳೆಯಿಸುವ ಅರ್ಥಗಳಿರಬಹುದು. ಇವೆಲ್ಲ ಬರೇ ಉಪಯೋಗಿಸಿಕೊಂಡ ಸಂಗತಿಗಳಾಗದೇ ಕತೆಯ ಒಡಲಿನೊಳಗೆ ಸೇರಿಹೋಗಿರುವ ರೀತಿಯೇ ಮೆಚ್ಚುಗೆಗೆ ಪಾತ್ರವಾಗುತ್ತದೆ. ಉದಾಹರಣೆಗೆ ಇಲ್ಲಿ ಹೆಂಡತಿಯ ಪಾಸ್‌ವರ್ಡನ್ನು ಗಂಡ ಕೇಳುವ ಒಂದು ಸಂದರ್ಭವಿದೆ. ಹೆಂಡತಿಯ ಐಡಿಯಲ್ಲಿ ಮೆಸೇಜ್ ನೀಡಬಯಸುವ ಗಂಡ, ಹೆಂಡತಿಯ ಐಡಿಗೆ ಪ್ರವೇಶ ಬಯಸುವ ಗಂಡ, ಅವನ ಬಳಿ ಅದಕ್ಕೆ ಬೇಕಾದ ಪಾಸ್‌ವರ್ಡ್ ಇಲ್ಲದಿರುವುದು ಎಲ್ಲ ಮೇಲ್ಮಟ್ಟದ ಅರ್ಥವನ್ನು ಮೀರಿ ಕೆಲಸ ಮಾಡುತ್ತದೆ. ಇಂಥವನ್ನು ವಸುಧೇಂದ್ರ ದುಡಿಸಿಕೊಳ್ಳುತ್ತ ಹೋಗಿದ್ದಾರೆ ಕತೆಯುದ್ದಕ್ಕೂ. ಮಗುವಿಗೆ ಇಷ್ಟವಿಲ್ಲದಿರುವಾಗ ಅದು ತನ್ನ ತಾಯಿಗಾಗಿ ಸ್ವಿಮ್ಮಿಂಗ್‌ಪೂಲ್‍ಗೆ ಇಳಿಯಬೇಕಾಗುತ್ತದೆ, ಅಲ್ಲೇ ನೀರಿನಲ್ಲಿ ಆಡುವುದನ್ನುನಿಜಕ್ಕೂ ಇಷ್ಟಪಟ್ಟಾಗ ಥಂಡಿಯಾಗುತ್ತದೆ ಎಂದು ಗದರಿಸಿಕೊಂಡು ಹೊರಬರಬೇಕಾಗುತ್ತದೆ. ಇಬ್ಬರು ತಾಯಂದಿರು ಮಗುವಿಗೆ ಜನ್ಮಕೊಡುವ ಕೊಟ್ಟು ತಾಯ್ತನದ ಸುಖವನ್ನು ಹೊಂದುವ ಸಂಗತಿಯ ಬಗ್ಗೆ ವಾದಿಸುವಾಗ ಕೂಸು ಹಾಸುಗೆಯ ಮೇಲೆ ಹೊರಳಿ ಯಾವುದೋ ಗೊಂಬೆ ಕುಂಯ್ ಗುಡುತ್ತದೆ!

ದೇಶಕಾಲ ಇಲ್ಲೆಲ್ಲ ಸಿಗುತ್ತದೆ:

ಅಂಕಿತ ಪುಸ್ತಕ, ಗಾಂಧಿಬಜಾರ್, ಬೆಂಗಳೂರು

ಸ್ವಪ್ನ ಬುಕ್ ಹೌಸ್, ಗಾಂಧಿನಗರ-ಸದಾಶಿವನಗರ-ಜಯನಗರ

ನಾಗಶ್ರೀ, ಜಯನಗರ ನಾಲ್ಕನೆಯ ಬ್ಲಾಕ್ ರಂಗಶಂಕರ, ಬೆಂಗಳೂರು

ಶಂಕರ್ಸ್, ವಿಮಾನ ನಿಲ್ದಾಣ, ಬೆಂಗಳೂರು

ದೇಸಿ, ಬೆಂಗಳೂರು-ಸಾಗರ

ನವಕರ್ನಾಟಕದ ಎಲ್ಲ ಮಳಿಗೆಗಳು

ಅತ್ರಿ ಬುಕ್ ಸೆಂಟರ್, ಮಂಗಳೂರು

ಸೀತಾ ಬುಕ್ ಸೆಂಟರ್, ಉಡುಪಿ

ಅಕ್ಷರ ಪ್ರಕಾಶನ, ಹೆಗ್ಗೋಡು

deshakaala@gmail.com (092431 36256)

(ಚಿತ್ರ ಅವಧಿ Flickr photos ಕೃಪೆ)

ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ಕತೆಯನ್ನು ಓದಿದಾಗ ಆದಷ್ಟೇ ಸಂತೋಷ ನಿಮ್ಮ ವಿಮರ್ಶೆ ನೋಡಿದಾಗಲೂ ಆಯಿತು ನರೆಂದ್ರ ಅವರೇ. ಕತೆಯಲ್ಲಿ ಕೊನೆಯ ಎರಡು ಪುಟ್ಟ ಅಧ್ಯಾಯಗಳು ಇಲ್ಲದಿಧ್ಧರೆ ವಳ್ಳೇದಿತ್ತು ಮಾರಾಯ್ರೇ!