ಮಳೆ

ಮಳೆಗಾಲದ ಒಂದು ಸಂಜೆ - ಪ್ರಬಂಧ

 

 

ಮಳೆಗಾಲದ ಆ ಸಂಜೆ ಅಪೂರ್ವವಾಗಿತ್ತು. ಅಪೂರ್ವ ಏಕೆಂದರೆ, ಮೋಡಗಳ ದಟ್ಟಣೆ ಕಡಿಮೆಯಾಗಿ, ಓರೆಯಾಗಿ ಬಿಸಿಲು ಬಿದ್ದು, ಸುತ್ತಲಿನ ಬಯಲು ಮತ್ತು ಕಾಡು ಬೆಳಗಿತ್ತು. ಸಂಜೆಯ ಹೊತ್ತಿನಲ್ಲಿ ಮೋಡಗಳ ನಡುವೆ ತೂರಿಬಂದು, ಮನೆ ಎದುರಿನ ಬಯಲಿನ ಒಂದು ಭಾಗಕ್ಕೆ ಮಾತ್ರ ಬೀಳುವ ಆ ಬಿಸಿಲನ್ನು, ನಮ್ಮ ಊರಿನಲ್ಲಿ "ನೇಸರ ಬಿಸಿಲು" ಎನ್ನುತ್ತಿದ್ದರು. ನೇಸರು ಎಂದರೂ ಬಿಸಿಲು ಎಂದೇ ಅರ್ಥ. ಆ ಪ್ರಯೋಗದಲ್ಲಿರುವ ದ್ವಿರುಕ್ತಿಯ ಕ್ಲೀಷೆಯನ್ನು ಗಮನಿಸದೇ, ಆ "ನೇಸರಬಿಸಿಲಿ"ನಲ್ಲಿ ವಿಚಿತ್ರ ಬಣ್ಣದಿಂದ ಚಂದವಾಗಿ ಕಾಣುತ್ತಿದ್ದ ಎದುರಿನ ಬಯಲನ್ನು ನಾವೆಲ್ಲಾ ಬೆರಗಿನಿಂದ ನೋಡುತ್ತಿದ್ದೆವು. ಸಂಜೆಗೆಂಪಿನ ಬಿಸಿಲಿನಲ್ಲಿ ಹಸಿರು ತುಂಬಿದ ಬಯಲು ಬೇರೆಯದೇ ಬಣ್ಣವನ್ನು ಪಡೆಯುತ್ತದೆ. ಒಂದೆರಡು ತಿಂಗಳುಗಳ ಹಿಂದೆ ನಾಟಿ ಮಾಡಿದ ಬತ್ತದ ಗದ್ದೆಗಳು ಚೆನ್ನಾಗಿ ಬೆಳೆದು ಇನ್ನೇನು ಹೊಡೆ ತುಂಬಿ, ಕದಿರು ಬಿಡುವ ಶ್ರಾಯ. ಬಯಲಿನ ಹಿಂಭಾಗದ ಗುಡ್ಡ,ಬೆಟ್ಟಗಳಲ್ಲೂ ಹಸಿರಿನ ಗಿಡ ಮರಗಳ ದಟ್ಟಣೆ. ಅದರಾಚೆ, ಉದ್ದಕ್ಕೂ ಹರಡಿರುವ ಹಾಡಿಗಳಲ್ಲಿರುವ ಅಳಿದುಳಿದ ಕಾಡು ಸಹಾ, ಮಳೆಗಾಲದ ಜೀವಶಕ್ತಿಯನ್ನು ಕುಡಿದು ಸೊಂಪಾಗಿಬೆಳೆದು, ಸ್ನಿಗ್ದ ಹಸಿರಿನಿಂದ ತುಂಬಿ, ತಾನೂ ಸಹಾ ಸಹ್ಯಾದ್ರಿಯ ದಟ್ಟಕಾಡನ್ನು ಹೋಲಬಲ್ಲೆ ಎನ್ನುತ್ತಿತ್ತು.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.4 (8 votes)
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 
ಸರಣಿ: 

ಈ ಮಳೆಯೇ ಹಾಗೆ...

ಈ ಮಳೆಯೇ ಹಾಗೆ...
ನಮ್ಮೂರಿನ ಮಳೆಯಂತಿಲ್ಲ ಇದು
ಮಳೆ ಬಂದ ಕೂಡಲೇ ಮಣ್ಣಿನ
ವಾಸನೆ ಮೂಗನ್ನು ಮೆತ್ತಿ ಕೊಳ್ಳುವುದಿಲ್ಲ...

ಈ ಮಳೆಯೇ ಹಾಗೆ...
ಮನೆ ಬಿಟ್ಟು ಹೊರಗೆ ಕಾಲಿಡಲು ಬಿಡುವುದಿಲ್ಲ
ಚರಂಡಿ ನೀರು ರೋಡಲ್ಲಿ ಹರಿದರೂ
ನಾವ್ಯಾರು ತಲೆ ಕೆಡಿಸಿಕೊಂಡಂತ್ತಿಲ್ಲ

ಈ ಮಳೆಯೇ ಹಾಗೆ...
ಬಿರುಸಿನ ಮಳೆಗೆ ಕೊಡೆ ಹಾರುವುದಿಲ್ಲ
ರೈನ್್ಕೋಟ್್ಗಳೆಡೆಯಲ್ಲಿ ಮಿಣುಕುವ
ಕಣ್ಣುಗಳು ಲಿಫ್ಟ್ ಕೇಳಿದರೂ ಕೊಡುವುದಿಲ್ಲ


‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 

ಹೊರನಾಡಿನಲ್ಲಿ ಮಳೆ ಬ೦ದು ನಿ೦ತಾಗ....


 ೧. ಇದೇ ಮೇರುತಿ ಪರ್ವತ.. ನೇರ ನೋಟ.. ಮೋಡ ಮುಸುಕಿದ ಈ ಚಿತ್ರ ಅಗು೦ಬೆಯನ್ನು ನೆನಪಿಗೆ ತರುತ್ತದೆ.


 


 

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 

ಜುಗಲಬಂಧಿ

ತನುವ ತಾಕಿ ಮನಕೆ ಇಳಿದ ಮುಂಗಾರಿನ ಮಳೆಹನಿ
ಮಿಂಚ ಬೆಳಕ ಮೇಳದಲ್ಲಿ  ಮತ್ತೆ ಗುಡುಗ ಮಾರ್ಧನಿ
ಅರಿವಾಗದೆ ನಡೆಯಲಿ ಬಿಡು
ನನ್ನ ಕಣ್ಣ ನಿನ್ನ ಕಣ್ಣ ನಡುವೆ ಜುಗಲಬಂಧಿ

ನಡೆವ ಬಾ ಹಿಡಿದು ಕೈಯ್ಯ ಮಳೆಯಲಿ ನಾವ್ ನೆನೆಯುತ
ಮರೆವ ಬಾ ಜಗವ ಜೊತೆಗೆ ಮುತ್ತ ಮಳೆಯ ಸುರಿಸುತ
ಉರಿದು ನಮ್ಮ ಹಳಿದರೇನು
ನನ್ನ ಒಲವ ನಿನ್ನ ಚೆಲುವ ನೋಡಿ ಜಗದ ಮಂದಿ
ನಶೆಗಡಲನು ಕಡೆಯಲಿ ಬಿಡು
ನನ್ನ ಅಧರ ನಿನ್ನ ಅಧರ ನಡೆಸಿ ಜುಗಲಬಂಧಿ

field_vote: 
Average: 5 (1 vote)
To prevent automated spam submissions leave this field empty.
ಲೇಖನ ವರ್ಗ (Category): 

ಸುಡುಗಾಡು

 


ಈಗೀಗ ಬಿಸಿಲಿಗೆ ನಾನು  ಹೆದರುತ್ತಿದ್ದೇನೆ.


ಬಳಲಿದ೦ತಾಗುತ್ತಿದೆ, ನೆಲದ ಮೇಲಿನ ಬಿಸಿಗೆ!,


ರಸ್ತೆಯ ಡಾ೦ಬರಿಗೆ, ಮೈಮೇಲೆ ಎದ್ದಿರುವ ಬೊಕ್ಕೆಗಳಿಗೆ,


ಮುಖದ ಮೇಲಿ೦ದ ಉದುರುವ ಬೆವರಿನ ಹನಿಗಳಿಗೆ.


ಈಗೀಗ ಮಳೆಗೂ ಹೆದರುತ್ತಿದ್ದೇನೆ.


ಸದಾ ಧೋ ಎ೦ದು ಸುರಿಯುವ  ಮಳೆ,


ರಾಡಿಯಾಗಿರುವ ಇಳೆ!.


ಎಲ್ಲರ ಮನೆಯಲ್ಲಿಯೂ ಗ೦ಗೆಯೇ!


ನಡೆದಲ್ಲೆಲ್ಲಾ  ಮೆತ್ತಿಕೊಳ್ಳುವ ಕೆಸರಿನಿ೦ದ,


ಚರ೦ಡಿಯಲ್ಲಿ ಹರಿಯುವ ಕೆ೦ಪು ನೀರಿನಿ೦ದ,


ಆಗಾಗ ನದಿಗಳಲ್ಲಿ  ತೇಲಿ ಬರುವ


ಮರದ ದಿಮ್ಮಿಗಳಿ೦ದ, ಮಾನವ ಶವಗಳಿ೦ದ,


ಜಾನುವಾರು ಶವಗಳಿ೦ದ.


ಹಚ್ಚಿದ ದೀಪ ಆರಿ ಹೋಗುತ್ತಿದೆ!


ಕಣ್ಣಿಗೆ ಕಾಣದ ಹಣತೆ!,


ನೆನೆದು ಹೋದ ಹತ್ತಿಯ ಬತ್ತಿ!


ಮುಗಿದು ಹೋದ ಎಣ್ಣೆ!


ಬದುಕು ಒಮ್ಮೊಮ್ಮೆ ಬೆ೦ಗಾಡು!


ಮತ್ತೊಮ್ಮೆ ಕಣ್ಣೀರಿನ ಸುಡುಗಾಡು!


ಯಾವುದಕ್ಕೂ ಲೆಕ್ಕವಿಲ್ಲ ಇಲ್ಲಿ!

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 
Subscribe to ಮಳೆ