ಬ್ರಹ್ಮ

ಬುದ್ಧನ ದಾರಿ

ಬೊಮ್ಮ ಹೊಂಬಣ್ಣದಲಿ ಕಂಗೊಳಿಸುವೀ ಚೆಲುವ

ಮೊಗವ ನೋಡಿರೆ  ಚಣವು ಬಿಡುತಿದ್ದನೇ?

ಕಣ್ಣನ್ನು ತೆರೆಯದೆಲೆ ಈ ರೂಪ ನೋಡದೆಯೆ 

ಸೃಷ್ಟಿಸಿದನೆಂದರದ  ನಂಬಬಹುದೇ?

 

ಅದಕೇ ಹೇಳುವೆ ಕೇಳು ಈ ನಿಖಿಳ ಜಗವನ್ನು 

ಸೃಷ್ಟಿಸುವನೊಬ್ಬನೂ ಇಲ್ಲವೆಂದು 

ನಿಜವ ಹೇಳಿದನೊಬ್ಬ! ಆ ಬುದ್ಧನಾ ಮತವ 

ಹಿಡಿವುದೊಂದೇ ಈಗ ಸರಿದಾರಿಯು!  

 

 

ಸಂಸ್ಕೃತ ಮೂಲ ( ವಿದ್ಯಾಕರನ ಸುಭಾಷಿತ ರತ್ನ ಕೋಶದಲ್ಲಿ  ೧೬.೫೭, ೪೪೦ ; ಧರ್ಮಕೀರ್ತಿ ಬರೆದ ಪದ್ಯ  ) 

 

ಯಾತಾ ಲೋಚನ ಗೋಚರಂ ಯದಿ ವಿಧೇರೇಣೇಕ್ಷಣಾ ಸುಂದರೀ

ನೇಯಂ ಕುಂಕುಮಪಂಕಪಿಂಜರಮುಖೀ ತೇನೋಜ್ಝ್ಹಿತಾ ಸ್ಯಾತ್ ಕ್ಷಣಂ |

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (2 votes)
To prevent automated spam submissions leave this field empty.

ದೇವರೋ-ನಾವೋ?

 ರಾಧೆಗೆ, ಕೃಷ್ಣ ಪ್ರೇಮಿ.


ನಮಗೋ ಅವ ಸರ್ವಾ೦ತರ್ಯಾಮಿ!


ತಾಯಿಗೆ ಬಾಯಲ್ಲಿ ಮೂರು ಲೋಕ


ತೋರಿದವ  ಪೋರ! ಅವ ನಮ್ಮಲ್ಲಿಯ ಧೀರ!


ನಮಗವನು ಸರ್ವಶಕ್ತನ೦ತೆ!


ಮಾಡಿದ್ದಕ್ಕಿ೦ತ, ಮಾಡಿಸಿದ್ದೇ ಹೆಚ್ಚಲ್ಲವೇ?


ನ್ಯಾಯವೆ೦ದು  ತರಿಯುತ್ತಾ ಹೋದನಲ್ಲವೇ?


ಶನಿಗೆ ಹೆದರಿ ಸುರ೦ಗ ಸೇರಿದ


ಶಿವನು, ಲಯಕಾರನ೦ತೆ!


ತನ್ನ ಸೃಷ್ಟಿಗೇ ಹೆದರಿ  ಲೋಕವೆಲ್ಲಾ


ಸುತ್ತು ಹೊಡೆದವ ನಮಗೆ ದೇವರ೦ತೆ!


ಮಗಳನೇ ಮೋಹಿಸಿದ ಪ್ರಜಾಪಿತ ಬ್ರಹ್ಮ,


ನಮಗೆಲ್ಲಿಯ ಆದರ್ಶ?


 


ಗುಡಿಯಲ್ಲಿ ದೇವರಿಗೆ ಉಸಿರು


ನೀಡುವುದು  ನಾವು.


ಕಾಪಾಡು ಎ೦ದು ಬೇಡುವುದೂ ನಾವೇ!


ಹೋಮ-ಹವನಗಳಿ೦ದ ವಿಗ್ರಹಕೆ


ಶಕ್ತಿ ನೀಡುವುದು ನಾವು!


ಕಷ್ಟಕಾಲದಲ್ಲಿ ಕರೆಯುವುದೂ ನಾವೇ!


ಬೇಕಾದಾಗ ಬರುವವರು ಯಾರು?


ದೇವರೋ-ನಾವೋ?


ದೇವರಿದ್ದರೆ ನಾವೋ? ನಾವಿದ್ದರೆ ದೇವರೋ?

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 
Subscribe to ಬ್ರಹ್ಮ