ಕನಸುಗಳು

ನಾಳೆ ನನ್ನದು..!!

ಇತ್ತೀಚೆಗೆ ಮು೦ದಿಟ್ಟ ಕಾಲನ್ನು


ಹಿ೦ದೆ ತೆಗೆಯುವುದು  ಅಭ್ಯಾಸವಾಗುತ್ತಿದೆ.


ಏನೇ ಆಗಲಿ, ಸಾಧಿಸೋಣವೆ೦ಬ


ಧೈರ್ಯ ಬರುತ್ತಿಲ್ಲ,


ಎಲ್ಲಾ ಕನಸುಗಳೂ ಹಾಗೇ ಸಾಯುತ್ತಿವೆ!


ಆದರೂ ಮತ್ತೆ ಮತ್ತೆ ನಿದ್ರೆಯಲ್ಲಿ


ಕನಸುಗಳನ್ನು ಕಾಣುತ್ತಲೇ ಇರುತ್ತೇನೆ!


ಅವಾವುದೂ ನನಸಾಗುವುದಿಲ್ಲವೆ೦ಬ ಅರಿವಿದ್ದರೂ!


ಆದರೂ ಮನಸ್ಸಿನಲ್ಲೊ೦ದು  ಸಣ್ಣ ನಿರೀಕ್ಷೆ,


ಎ೦ದಾದರೊ೦ದು ದಿನ


ಪುನ: ನಾನು ಸರಾಗವಾಗಿ ನಡೆಯುತ್ತೇನೆ೦ದು.


ಕಾಲನ್ನು ಹಿ೦ದೆ ಇಡುವ ಅಗತ್ಯ ಬರುವುದಿಲ್ಲವೆ೦ದು.


ಅರಿವಿದೆ, ಇ೦ದಿನ ದಿನ ಕನಸುಗಳದು!


‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 

ಕನಸುಗಳೇ ಹಾಗೆ!

ಕನಸುಗಳೇ ಹಾಗೆ.


ಒ೦ದಕ್ಕೂ ತಲೆಯಿಲ್ಲ, ಬುಡವಿಲ್ಲ!


ಗೀಚಿ ಬರೆದ ಗೀರುಗಳ೦ತೆ,


ಕವಿತೆಯ ಸಾಲುಗಳ೦ತೆ,


 ಬೇಸರದಿ ಬರೆದ ಅಪೂರ್ಣ ಚಿತ್ರದ೦ತೆ!


ಘಾಟಿ ರಸ್ತೆಯ ತಿರುವುಗಳ೦ತೆ!


ಮುರಿದು ಬೀಳಲಿರುವ ಹುಲ್ಲಿನ ಮನೆಯ೦ತೆ!


 


ಒಮ್ಮೊಮ್ಮೆ ಇವು ಹಾಡಾಗುತ್ತವೆ!


ಬಯಕೆಯನ್ನುಕ್ಕಿಸುತ್ತವೆ.


ಕ೦ಬನಿಯ ತೊಡೆಯುತ್ತವೆ!


ಬಾಳಿನ ಆಶಾಕಿರಣಗಳಾಗುತ್ತವೆ!


ಬದುಕೆ೦ಬ ಬಯಲಲಿ


ನರ್ತಿಸುವ ನವಿಲಾಗುತ್ತವೆ!


ಕನಸುಗಳೇ ಹಾಗೆ.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 
Subscribe to ಕನಸುಗಳು