ನನ್ನವಳು

ಈಗೀಗ ಪ್ರತಿಕ್ಷಣವೂ ಅನ್ನಿಸುತ್ತಿದೆ ಕಣೇ..

ಈಗೀಗ ಪ್ರತಿಕ್ಷಣವೂ ಅನ್ನಿಸುತ್ತಿದೆ ಕಣೇ..!
ನೀನು ಬಳಿಯೇ ಇರಬೇಕಾಗಿತ್ತೆ೦ದು..
ಅನುಕ್ಷಣವೂ ನೀನು ನೀಡುತ್ತಿದ್ದ ಸಾ೦ತ್ವನದ
ಆ ಕರಸ್ಪರ್ಶದ ಬೆಚ್ಚುಗೆಯ ಅಗತ್ಯವಿತ್ತೆ೦ದು..

ಈಗೀಗ ಪ್ರತಿಕ್ಷಣವೂ ಅನ್ನಿಸುತ್ತಿದೆ ಕಣೇ..!
ಒ೦ದು ಸಣ್ಣ ನಗುವಿನಲ್ಲಿಯೇ ಎಲ್ಲವನ್ನೂ
ತಳ್ಳಿಹಾಕುವ ನಿನ್ನ ಆ ಉದಾಸೀನ ಬೇಕಿತ್ತೆ೦ದು..
ಚಿತ್ತಶಾ೦ತಿಯ ನೀಡುವ ನಿನ್ನ ಮ೦ದಹಾಸವು
ಈಗಿನ ನನ್ನ ಅತೀ ಜರೂರೆ೦ದು..

ಈಗೀಗ ಪ್ರತಿಕ್ಷಣವೂ ಅನ್ನಿಸುತ್ತಿದೆ ಕಣೇ..!
ನಾನೀಗ ಅನುಭವಿಸುತ್ತಿರುವ ಮಾನಸಿಕ ಒತ್ತಡಕ್ಕೆ
ಉತ್ತರ ನೀನು ಮಾತ್ರ ನೀಡುತ್ತಿದ್ದೆಯೆ೦ದು..
ನಿನ್ನ ಸಾಮೀಪ್ಯವೊ೦ದೇ ನನ್ನೆಲ್ಲಾ ಅಶಾ೦ತಿಗಳನ್ನೂ
ದೂರ ಮಾಡುವುವುದೆ೦ದು..

ಈಗೀಗ ಪ್ರತಿಕ್ಷಣವೂ ಅನ್ನಿಸುತ್ತಿದೆ ಕಣೇ,.!
ನೀನಿದ್ದಿದ್ದರೆ ಹೀಗಾಗುತ್ತಿರಲಿಲ್ಲವೆ೦ದು..
ನಿನ್ನ ಸಾಮೀಪ್ಯ ನನಗೆ ಅತೀ ಅನಿವಾರ್ಯವಿದೆಯೆ೦ದು..
ದೈಹಿಕ-ಮಾನಸಿಕ ಆಘಾತಗಳ ನಡುವೆಯೂ
ನನ್ನಲ್ಲಿ ಸ೦ತಸದ ಬೆಳೆ ಬೆಳೆಸುತ್ತಿದ್ದೆಯೆ೦ದು..

ಈಗೀಗ ಪ್ರತಿಕ್ಷಣವೂ ಅನ್ನಿಸುತ್ತಿದೆ ಕಣೇ..!
ನನ್ನೆಲ್ಲಾ ಸಮಸ್ಯೆಗಳ ಪರಿಹಾರವೇ ನೀನೆ೦ದು..

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3 (1 vote)
To prevent automated spam submissions leave this field empty.

ಓ ದೇವರೇ...

ಓ ದೇವರೇ,
ಕತ್ತಲೆಗೆ ತುಸು ದೈರ್ಯ ಕೊಡು,
ಮುಂಜಾವಿನ ಬೆಳಕ ಹಿಮ್ಮೆಟ್ಟಿಸಲಿ.
ನನ್ನವಳು ನನ್ನೆದೆಯ ಮೇಲೆ
ಇನ್ನೆರಡು ತಾಸು ನಿದ್ರಿಸಲಿ.

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 
Subscribe to ನನ್ನವಳು