ಬಣ್ಣದ ಬಾನಿನ ಹುಣ್ಣಿಮೆ ಇರುಳಲಿ ...

0

ಬಣ್ಣದ ಬಾನಿನ ಹುಣ್ಣಿಮೆ ಇರುಳಲಿ 

ಸಣ್ಣಗೆ ಕೊಳಲನು ಊದುತ ಬಂದ 
ಚೆಲುವ ಮುಕುಂದ ಒಲವನು ತಂದ 
ಕನಸಲಿ ಬಂದು ಮನದೊಳುನಿಂದ 
 
ರಕ್ಕಸ ಮಾವನ ರಕ್ಕಸಿ ಪೂತನ 
ಚಿಕ್ಕವನಾದರು ಚೊಕ್ಕದಿ ಕೊಂದ 
ಗಿರಿಯನು ಎತ್ತಿದ ಉರಗವ ಮೆಟ್ಟಿದ 
ಜಗವನು ಪೊರೆದ ನಂದನ ಕಂದ 
 
ಅಮ್ಮ ಯಶೋದೆಗೆ ಸುಮ್ಮನೆ ಕಾಡಿದ 
ತುಂಬಿದ ಮೊಸರನು ಕುಂಭದಿ ಕುಡಿದ
ಗೋಪಿಕ ಸ್ತ್ರೀಯರ ತಾಪವ ಕಳೆದ 
ಸುರಹರಿ ಬಂದ ಎದೆಯೊಳು ನಿಂದ 
-ಹರಿಪ್ರಿಯೆ ಮಾಲು 
ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.