ಗೊಬ್ಬರವಾಗುವ ಮನೆತ್ಯಾಜ್ಯ.

5

ಸಾಮಾನ್ಯವಾಗಿ ಮನೆಯಲ್ಲಿ ಉತ್ಪನ್ನವಾಗುವ ಕಸವನ್ನು ಪಕ್ಕದ ಸೈಟಿನ ಖಾಲಿ ಜಾಗದಲ್ಲೋ, ಅಥವಾ ಕಸದ ತೊಟ್ಟಿಗೋ ಎಸೆಯುತ್ತಾರೆ. ಅದರ ಬದಲು ಮನೆಯಲ್ಲಿ ಸಿಗುವ ತ್ಯಾಜ್ಯಗಳನ್ನು ಒಳ್ಳೆಯ ಕೆಲಸಗಳಿಗೆ ಉಪಯೋಗಿಸಿದರೆ, ಪರಿಸರಕ್ಕೂ ಅನುಕೂಲಗಳಾಗುತ್ತದೆ. 

ಮನೆಯಲ್ಲಿ ಗಿಡಗಳನ್ನು ಬೆಳೆಸಿದ್ದರೆ, ಅವುಗಳಿಗೆ ತರಕಾರಿ ಸಿಪ್ಪೆಗಳನ್ನು, ಹಣ್ಣಿನ ಸಿಪ್ಪೆಗಳನ್ನು ಒಂದು ಚಿಕ್ಕ ಬಕೆಟಿನಲ್ಲಿ ಹಾಕಿ, ಅದರ ಮೇಲೆ ಒಣ ಎಲೆಗಳನ್ನು ಹಾಕಿ, ಅದನ್ನು ಮಣ್ಣನಿಂದ ಮುಚ್ಚಿಡಿ. ಒಣ ಎಲೆಗಳು ಸಿಗದಿದ್ದರೆ, ಹಸಿ ಎಲೆಗಳನ್ನು ಕೂಡ ಹಾಕಬಹುದು. ಅವೇ ಒಣಗುತ್ತವೆ. ಆದರೆ ಸ್ವಲ್ಪ ಸಮಯ ಹೆಚ್ಚು ತೆಗೆದುಕೊಳ್ಳುತ್ತದೆ. ಹವಾಮಾನಕ್ಕೆ ಹೊಂದುವಂತೆ ಅದು ಕಾಂಫೋಸ್ಟ್ ಆಗುತ್ತದೆ. ಅಂದರೆ, ಬಿಸಿಲು ಹೆಚ್ಚಿದ್ದರೆ (ಬೇಸಿಗೆ ಕಾಲ) ಬೇಗ ಕಾಂಪೋಸ್ಟ್ ಆಗುತ್ತದೆ. ಮೋಡ ಕವಿದ ವಾತಾವರಣವಿದ್ದರೆ (ಮಳೆಗಾಲ), ಕೊಂಚ ತಡವಾಗುತ್ತದೆ. 

 

ಮನೆತ್ಯಾಜ್ಯಗಳು, ಗೊಬ್ಬರವಾಗುವ ಮುನ್ನ.

ಪ್ರತಿ ರಾತ್ರಿ ಅಳಿದುಳಿದ ಪ್ಲಾಸ್ಟಿಕ್ ಹೊರತುಪಡಿಸಿದ ತ್ಯಾಜ್ಯವನ್ನು ಮಾರನೆ ದಿನ ಗೊಬ್ಬರದ ಬಕೆಟಿಗೆ ಹಾಕಿ. ಬಕೆಟ್ ತುಂಬಿದ ಬಳಿಕ ಎಲೆಗಳಿಂದ ಮುಚ್ಚಿಡುವುದು ಉತ್ತಮ. ಇದರಿಂದ ತ್ಯಾಜ್ಯಗಳ ಕೊಳೆತ ವಾಸನೆಯನ್ನು ತಡೆಗಟ್ಟಬಹುದು. ಎರಡು ಬಕೆಟ್ ಇಂದ ಆದ ಕಾಂಪೋಸ್ಟ್ ಅನ್ನು, ಒಂದು ದೊಡ್ಡ ಬಕೆಟ್‍ಗೆ ಹಾಕಬೇಕು. ಆಗ ಎರಡು ಬಕೆಟ್‍ನ ಕಾಂಪೋಸ್ಟ್ ಬೆರೆಯುತ್ತದೆ. ಈ ಕಾಂಪೋಸ್ಟಿಗೆ ನರ್ಸರಿಅಲ್ಲಿ ಸಿಗುವ ಮಣ್ಣನ್ನು ಬೆರೆಸಿ ನೇರವಾಗಿ ಮನೆಯಲ್ಲಿ ಬೆಳೆಸಿರುವ ಗಿಡಗಳಿಗೆ ಬಳಸಿಕೊಳ್ಳಬಹುದು. ಮಣ್ಣು ತುಂಬಾ ಹದಗೊಳ್ಳುತ್ತದೆ. ಹಾಗೂ ಪ್ರತಿ ಬಾರಿಯೂ ನರ್ಸರಿಗೆ ಹೋಗೋದು ತಪ್ಪುತ್ತದೆ.

 

 ಕಾಂಪೋಸ್ಟ್ ಆಗಿರುವ ಮನೆ ತ್ಯಾಜ್ಯಕ್ಕೆ ಮಣ್ಣು ಸೇರಿಸಿರುವುದು.


ಮನೆಯಲ್ಲೇ ತಯಾರಿಸಲ್ಪಟ್ಟ ಈ ರೀತಿಯಾದ ಗೊಬ್ಬರದಿಂದ ಗಿಡಗಳಿಗೆ ಒಳ್ಳೆಯ ಆರೈಕೆ ಸಿಕ್ಕಂತಾಗುತ್ತದೆ. ಹಣ್ಣು, ತರಕಾರಿ ಸಿಪ್ಪೆಗಳಿಂದ ಮಾತ್ರವಲ್ಲದೇ, ಪ್ಲಾಸ್ಟಿಕ್ ಹೊರತುಪಡಿಸಿರುವ ಯಾವುದೇ ಪದಾರ್ಥಗಳನ್ನು ಗೊಬ್ಬರವನ್ನಾಗಿ ಮರುಬಳಕೆ ಮಾಡಬಹುದು. ಪ್ಲಾಸ್ಟಿಕ್ ಅಂಶ ಇಲ್ಲದ ಪದಾರ್ಥಗಳು: ಹಣ್ಣು-ತರಕಾರಿ ಸಿಪ್ಪೆ, ಟೀ ಡಿಕಾಕ್ಷನ್, ರಾತ್ರಿ ಉಳಿದಂತಹ ಅನ್ನ, ಹುಳಿ, ಸಾರು, ಒಡೆದ ಹಾಲು, ಹುಳಿಯಾದ ಮೊಸರು, ಇತ್ಯಾದಿ. ಹುಳಿ ಮೊಸರನ್ನು, ತಿಳಿ ಸಾರನ್ನು, ಕರಬೇವು ಗಿಡಕ್ಕು ಹಾಕಿದರೆ, ಚೆನ್ನಾಗಿ ಚಿಗುರುತ್ತದೆ. 


ನಮ್ಮ ಮನೆಯಲ್ಲಿ ಬೆಳೆಯುತ್ತಿರುವ ನಂದಿಬಟ್ಟಲು, ಅಲೋವೆರಾ, ಬಸಳೆ (ಕೆಂಪು ಹಾಗು ಬಿಳಿ), ದೊಡ್ಡಪತ್ರೆ, ಅಮೃತಬಳ್ಳಿ, ಕಣಿಗಲೆ (ಬಿಳಿ ಹಾಗು ಕೆಂಪು), ಮಲ್ಲಿಗೆ (ದುಂಡು, ಸೂಜಿ), ಜಾಜಿ, ದಾಸವಾಳ (ಹಲವು ಬಣ್ಣಗಳು), ಪಾರಿಜಾತ, ಶಂಖದ ಹೂವಿನ ಗಿಡ (ಶಂಖಪುಷ್ಠಿ), ಆಂಥೋರಿಯಮ್, ಇನ್ಸುಲಿನ್ ಹಾಗೂ ಕೆಲವು ಹೂವಿನ ಗಿಡಗಳು, ಮನೆಯಲ್ಲಿ ತಯಾರಿಸಲಾದ ಗೊಬ್ಬರದಿಂದಲೇ ಚೆನ್ನಾಗಿ ಬೆಳೆದಿವೆ. ಕಳೆದ ಒಂದೂವರೆ ವರ್ಷಗಳಿಂದ ಈ ರೀತಿ ಮನೆ ತ್ಯಾಜ್ಯಗಳಿಂದಲೇ ಗೊಬ್ಬರವನ್ನು ಮಾಡುತ್ತಿದ್ದೇವೆ. ಕೆಲವು ಹೂವಿನ ಗಿಡಗಳು, ಪಾರಿಜಾತದ ಗಿಡ, ಕರಿಬೇವು ಸೊಪ್ಪಿನ ಗಿಡ, ಕಣಿಗಲೆ, ದಾಸವಾಳದ ಗಿಡಗಳು ಮೊದಲನೆಯ ಕಟ್ಟಿಂಗ್‍ಗೆ ಬಂದಿವೆ. 

 

ನಮ್ಮ ತೋಟದಲ್ಲಿ ಮನೆತ್ಯಾಜ್ಯದಿಂದ ಗೊಬ್ಬರಮಾಡಿ ಬೆಳೆಸಿರುವ ಗಿಡಗಳು. 

 


ಇಂದಿನ ಸಂಯುಕ್ತ ಕರ್ನಾಟಕ ದಿನಪತ್ರಿಕೆಯಲ್ಲಿ ಈ ಲೇಖನ ಪ್ರಕಟಗೊಂಡಿದೆ. http://epaper.samyukthakarnataka.com/c/364540


 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.
ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ಅನಿಲ್, ಉತ್ತಮ ಮಾಹಿತಿಯುಕ್ತ ಬರಹ. ನಾವೂ ಇದೇ ತರಹ ದಿನಾ ಒಂದು ಹೂಕುಂಡದಲ್ಲಿ ತರಕಾರಿ ಸಿಪ್ಪೆ ಇತ್ಯಾದಿ, ಅದರ ಮೇಲೆ ಎಲೆ,ಮಣ್ಣು ಹಾಕಿ ಮುಚ್ಚಿಡುತ್ತಿದ್ದೆವು. ರಾತ್ರಿ ಹೆಗ್ಗಣ ಬಂದು ಅದನ್ನೆಲ್ಲಾ ಅಡಿ ಮೇಲು ಮಾಡದಂತೆ ಇನ್ನೊಂದು ಹೂಕುಂಡವನ್ನು ಅದರ ಮೇಲೆ ಮುಚ್ಚಿಡುತ್ತಿದ್ದೆವು. -ಗಣೇಶ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

+1 ಮನೆಯಲ್ಲಿ ತಂದು ತಿಂದುಳಿದ ಹಲವಾರು ಮಾತ್ರೆಗಳಿರುತ್ತವೆ. ಇವುಗಳನ್ನು ಪುಡಿಮಾಡಿ ಗಿಡಕ್ಕೆ ಹಾಕಿದರೆ ಅದು ರಸಗೊಬ್ಬರದ ರೀತಿ ಕೆಲಸ ಮಾಡುತ್ತದೆ. ಇದನ್ನು ನಮ್ಮಮ್ಮ ಮಾಡುತ್ತಾರೆ. ಈ ರೀತಿ ಮಾಡುವುದು ಒಳ್ಳೆಯದೇ ಕೆಟ್ಟದ್ದೇ ಎನ್ನುವುದು ಮಾತ್ರ ನನಗೆ ಗೊತ್ತಿಲ್ಲ.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಅನಿಲ್ ಅವ್ರೇ ನನ್ನ ಕೋರಿಕೆಯಂತೆ ಸಚ್ಹಿತ್ರ ಸಹಿತ ವಿವರ ಬರಹ ಬರೆದಿರುವಿರಿ... ಉಪಯುಕ್ತ ಮಾಹಿತಿ... ನಾವ್ ಇರೋದು ಬಾಡಿಗೆ ಮನೇಲಿ....ಸ್ಥಳಾವಕಾಶ ಇಲ್ಲ.. ಆದ್ರೂ ಈ ರೀತಿಯದ್ದು ಪ್ರಯತ್ನಿಸುವೆ... ಒಳಿತಾಗ್ಲಿ... ನನ್ನಿ \|/
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಉತ್ತಮ ಬರಹ ಅನಿಲ್ ರವರೆ. ನಮ್ಮ ಮನೆಯಲ್ಲಿ ಪ್ರತಿ ತಿಂಗಳು ಇಂತಹ ಗೊಬ್ಬರ ತಯಾರಾಗುತ್ತದೆ. ಇದರ ಬಗ್ಗೆ ಲೇಖನ ಬರೆಯುವ ಆಲೋಚನೆಯು ಬಂದಿರಲಿಲ್ಲ :).
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಎಲ್ಲರಿಗೂ ತುಂಬಾ ಧನ್ಯವಾದಗಳು! ‍‍ ಅನಿಲ್.
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.