ಕ್ರಾಂತಿಯೋಗಿಗೆ
-------------

ನೀ ಕ್ರಾಂತಿಯೋಗಿಯಣ್ಣ
ನಿನಗಿದೋ ಕೋಟಿ ನಮನ
ಅತ್ಯುನ್ನತ ವಿಚಾರಧಾರೆಗಿದೋ ನಮನ
ನುಡಿದಂತೆ ನೆಡೆದ ಧೀಮಂತಿಕೆಗಿದೋ ನಮನ

ಧಿಕ್ಕರಿಸಿರಿ ಜಾತೀಯತೆ
ಹರಡಿರಿ ಸಮಾನತೆಯೆಂದೆ
ದಯವೇ ಧರ್ಮ
ಏಕತೆಯೆ ಮಂತ್ರ
ಕಾಯಕವೆ ಕೈಲಾಸ
ಭಕ್ತಿಯೇ ನೈವೇದ್ಯವೆಂದೆ

ಸುವಿಚಾರಗಳ ವಿನಿಮಯಕೆ
ಅನುಭವ ಮಂಟಪವೆಂದೆ
ಹಂಚಿ ಬಾಳುವುದೇ ಪರಮಧರ್ಮ,  ಮುಂದೆ ಓದಿ »

ಚೈತ್ರನೊಂದಿಗೆ ವಸಂತ ಬಂದನು
ಶಿಶಿರನಾರ್ಭಟಕಂತ್ಯ ತಂದನು
ಪ್ರಕೃತಿ ತಳೆದಳು ನವಚೇತನ
ಹೊಸತು ತಳಿರಿನ ತೋರಣ

ಚಳಿಗೆ ಮೌನದೆ ಕುಳಿತ ಕೋಗಿಲೆ
ಸ್ಪೂರ್ತಿಗೊಂಡಿತು ಚೈತ್ರನಿಂದಲೆ
ತುಂಬಿತೆಲ್ಲೆಡೆ ಮಧುರ ಗಾಯನ
ತಂದಿತೆಲ್ಲೆಡೆ ಪ್ರೇಮಸಿಂಚನ

ತರುಲತೆಗೆ ಹಿಗ್ಗಿನ ಪಲ್ಲವ
ಎಲ್ಲೆಲ್ಲು ಚಿಲಿಪಿಲಿ ಕಲರವ
ಅಳಿಸಿಹೋಯಿತು ಬರಡಾದ ನೋವು
ಅಂಕುರಾಯಿತು ಹೊಸತು ಮಾವು  ಮುಂದೆ ಓದಿ »

ಇಬ್ಬನಿ - ಎರಡು ಹನಿ

ಶ್ವೇತವಸ್ತ್ರಧಾರಿಣಿ
ಶುಭ್ರತೆಯ ಪ್ರತಿರೂಪಿಣಿ
ಎಳೆಬಿಸಿಲಿಗೆ ಮಾಯವಾಗುವ
ವಿಸ್ಮಯದ ಮಣಿ

*************

ನಿರಾಭರಣ ಸುಂದರಿ
ಪಾರದರ್ಶಕ ಕಿನ್ನರಿ
ಕಣ್ಮನ ತುಂಬುವ
ಮಂಜಿನ ಹನಿ
ನೀ ಚೇತೋಹಾರಿ

*************

ಇಬ್ಬನಿಯ ಒಂದೊಂದು ಹನಿ
ಚೈತ್ರನಾಗಮ ಸಾರುವ ಮುನ್ನುಡಿ
ಪ್ರಕೃತಿದೇವಿಯ ಸಿಂಗಾರ್‍ಅಕ್ಕೆ
ಅಣಿಗೊಳಿಸಿದ ಕನ್ನಡಿ

ಚುಕ್ಕಿ ಚಂದ್ರಮರ ಜೂಟಾಟ

(ಒಂದೆರಡು ವರುಷಗಳ ಹಿಂದೆ ನಭದಲ್ಲಿ ನಕ್ಷತ್ರ-ಚಂದಿರ ಒಂದಾಗಿ ಪ್ರಜ್ವಲಿಸಿದ
ದೃಶ್ಯ ನಮ್ಮೆಲ್ಲರನ್ನೂ ಮೂಕವಿಸ್ಮಿತರನ್ನಾಗಿಸಿತ್ತು. ಅದನ್ನು ಕಂಡ ಪುಟ್ಟ ಬಾಲೆ ತನ್ನ
ತಾಯಿಯೊಂದಿಗೆ ನಡೆಸಿದ ಸಂವಾದದ ತುಣುಕು ಇಲ್ಲಿದೆ)

ಬಾಲೆ:- ಮನೆಯಂಗಳಕೆ ನೀ ಬಾರಮ್ಮಾ
ಸೊಬಗಿನ ಚಂದ್ರನ ನೋಡಮ್ಮ
ಕಾಡಿದೆ ಪ್ರಶ್ನೆ ನನಗಮ್ಮ  ಮುಂದೆ ಓದಿ »