ಮುಸುಱ್, ಮುಸುಱು (ಕ್ರಿಯಾಪದ)=ಮುತ್ತು, ಆವರಿಸು, ಮುಗಿಬೀೞು
ಉದಾಹರಣೆ: ಸಕ್ಕರೆಗೆ ಇಱುವೆಗಳು ಮುಸುಱುತ್ತವೆ.

ಭೂತಕೃದ್ವಾಚಿ: ಮುಸುಱಿ
ವರ್ತಮಾನಕೃದ್ವಾಚಿ: ಮುಸುರ್ವ/ಮುಸುಱುವ

ನರೆ (ವಿಶೇಷಣ, ನಾಮಪದ)=ಮುಪ್ಪು,
ನರೆಗೂದಲು= ಮುಪ್ಪಿನ ಸಂಕೇತವಾದ ಬಿಳಿಗೂದಲು
ಉದಾಹರಣೆ
ನರೆ ಬಂದ ನರರ್ ಮೆಲ್ದಿರೆ
ತರುಣತ್ವಮನೆಯ್ದುವರ್
ಅಂದರೆ ಮುಪ್ಪು ಬಂದ ಮನುಷ್ಯರು ರುಚಿ ನೋಡಿದರೆ ಯೌವನವನ್ನು ಹೊಂದುವರು.

ಅರಲ್(ಕ್ರಿಯಾಪದ)=ವಿಕಾಸವಾಗು, ದೊಡ್ದದಾಗು. ಕೇಶಿರಾಜನ ಪ್ರಕಾರ ಲಾಂತ. ಆದರೆ ಹೊಸಗನ್ನಡದಲ್ಲಿ ಳಾಂತ.
ಭೂತಕೃದ್ವಾಚಿ: ಅರಲ್ದ/ಅರಳ್ದ/ಅರಲಿ/ಅರಳಿ
ಭವಿಷ್ಯತ್ಕೃದ್ವಾಚಿ: ಅರಲ್ವ/ಅರಳ್ವ/ಅರಲುವ/ಅರಳುವ

ಅರಲ್/ಅರಳ್ (ನಾಮಪದ)= ಹೂವು, ಭತ್ತ, ರಾಗಿ, ಜೋಳ ಮುಂತಾದುವನ್ನು ಹೆಚ್ಚಿನ ಶಾಖದಲ್ಲಿ ಕಾಯಿಸಿದಾಗ ವಿಕಾಸವಾದ ತಿನ್ನುವ ಪದಾರ್ಥ.  ಮುಂದೆ ಓದಿ »

ಮೋದು=ಗುದ್ದು, ಢಿಕ್ಕಿ ಹೊಡೆ. ಹೊಡೆ

ಉದಾಹರಣೆ ರನ್ನನ ಗದಾಯುದ್ಧದಿಂದ ಕುಳಿಕನ ಪಲ್ಗಳಂ ಕಿೞ್ತೆತ್ತಿ ಮೋದಿದರಾರ್

ಭೂತಕೃದ್ವಾಚಿ: ಮೋದಿ
ಭವಿಷ್ಯತ್ಕೃದ್ವಾಚಿ: ಮೋದುವ

ಕನ್ನೆ ನಕ್ಕಾಗ ಮೊಗದಾವರೆಯಿಕ್ಕೆಲಗಳ
ಕೆನ್ನೆಗಳೊಳ್ ಗುೞಿ ಮೂಡೆ
ಚೆನ್ನಾದುದೆಂದು ನಾ ಹರುಸದಿಂ ನೋಡಲು
ಕನ್ನೆ ಬೆಚ್ಚಿ ಬೆಱಗಾದಳು||