ಸಂಪದಕ್ಕೆ ಮತ್ತೊಂದು ಗರಿ ಮೂಡಿದೆ. ಎಲ್ಲ ಅಂಶಗಳನ್ನೂ ಒಳಗೊಂಡ, ಚಿಕ್ಕದಾದ ಚೊಕ್ಕದಾದ ಸಂದರ್ಶನ ಮನ ತಣಿಸಿತು. ಸೀತಾರಾಂ ಅವರ ಬಗ್ಗೆ ನನಗೆ ಏನೇನೂ ಗೊತ್ತಿರಲಿಲ್ಲ. ತಿಳಿಸಿಕೊಟ್ಟಿದ್ದಕ್ಕೆ ಸಂಪದದ ತಂಡಕ್ಕೆ ಧನ್ಯವಾದಗಳು. ಟಿವಿ ಧಾರಾವಾಹಿಯನ್ನು ನೋಡದ ನನಗೂ ಈಗ ನೋಡುವ ಮನಸ್ಸಾಗುತ್ತಿದೆ. ಇಲ್ಲಿಯವರೆವಿಗೆ ಸೀತಾರಾಂ ಅವರ ಚಿಂತನೆಗಳನ್ನು ತಪ್ಪಿಸಿಕೊಂಡೆನಲ್ಲ ಎನ್ನಿಸುತ್ತಿದೆ.

ಮತ್ತೊಮ್ಮೆ ತಂಡಕ್ಕೆ ವಂದನೆಗಳು.

ವಂದನೆಗಳೊಂದಿಗೆ
---
ತವಿಶ್ರೀನಿವಾಸ
http://asraya.net

ನನ್ನ "ಆಡಿಯೊ" ಕೆಟ್ಟಿದ್ದರಿಂದ ಇದುವರೆಗು ಇದನ್ನು ಕೇಳಲು ಆಗಿರಿಲಿಲ್ಲ. ಈ ದಿನ ಸಾಧ್ಯವಾಯಿತು !! ನಿಮ್ಮ ಎಲ್ಲ 'ಶ್ರಾವ್ಯ' ಗಳು ಅತ್ಯಂತ ಮಧುರ ! ಏಕೆಂದರೆ ಅದರಲ್ಲಿ ನೀವು ಜೀವತುಂಬುವುದರಿಂದ ! ಸೀತಾರಾಮ್ ,ನನಗೆ ಬಹು ಪ್ರಿಯರು ! ಅವರ ಧಾರಾವಾಹಿ 'ಮಾಯಾಮೃಗ' ನಮ್ಮ ನೆಯವರನ್ನೇನು "ಪಕ್ಕದ ವಠಾರ ದವರನ್ನು, ಗಾಢವಾಗಿ ಕಾಡಿತ್ತು" ಎಂದರೆ ಅತಿಶಯೋಕ್ತಿಯಲ್ಲ ! ಸಂದರ್ಶನದ ಬಗ್ಯೆ ನನ್ನ ಅನಿಸಿಕೆ :

೧. ಕನ್ನಡದ ಮಹಾಮಹಿಮರ ಮನೆಮಾತು "ಕನ್ನಡ" ಆಗಲು ಹೇಗೆ ಸಾಧ್ಯ ? ಎಂದು ನನಗೆ ಬಹಳ ಬಾರಿ ಅನ್ನಿಸಿತ್ತು. ನೋಡಿ, ಡಿ.ವಿ.ಜಿ, ಕೈಲಾಸಂ, ರಾಜರತ್ನಂ, ಆರ್.ಕೆ.ಲಕ್ಷ್ಮಣ್, ರಾಶಿ, ನಾ.ಕಸ್ತೂರಿ, ಕೆ.ವಿ.ಐಯ್ಯರ್, ಪುತಿನ, ಮಾಸ್ತಿ, ಎ.ಕೆ.ರಾಮಾನುಜಂ ಇತ್ಯಾದಿ... ಗಳೇ ಸಾಕ್ಷಿ !
ನನಗೆ ಅವರುಗಳಬಗ್ಯೆ ಹೆಮ್ಮೆ. ಅವರೆಲ್ಲಾ ಶ್ರೇಷ್ಟ ಕನ್ನಡಿಗರು ! ಸೀತಾರಾಂ ಅದಕ್ಕೆ ಹೊರತಲ್ಲ.

೨. ಅವರು ಜಾಗತೀಕರಣದ ವಿರೋಧಿಯಲ್ಲ.ಆದರೆ ಅದರಿಂದ ನಮ್ಮಜನರಿಗೆ, ಕೃಷಿಕರಿಗೆ ಒಳ್ಳೆಯದಾಗಬೇಕಷ್ಟೆ ಎಂದಿರುವುದು ಶ್ಲಾಘನೀಯ !

೩. ಶುದ್ಧ ಕನ್ನಡದ ಉಪಯೋಗಕ್ಕೆ ಶ್ರಮಿಸುತ್ತಿರುವುದು ನಮಗೆ ಆದರ್ಶಪ್ರಾಯವಾಗಿದೆ.ಭಾವನಾತ್ಮಕ ಪ್ರತಿಕ್ರಿಯಗಳಿಗೆ ಒತ್ತುಕೊಡುತ್ತಾರೆ.

೪. ಅನಿವಾಸಿ ಭಾರತೀಯರನ್ನು ಹತ್ತಿರದಿಂದ ನೋಡಿ ಸ್ಪಂದಿಸಿ ನಮಗೆ ಮಾಹಿತಿ ದೊರಕಿಸಿದ್ದಾರೆ.

೫. ನನ್ನಂತೆ, ಸಂಪದ ಬಳಗದ ಸದಸ್ಯರಿಗೆ ಉತ್ತರಿಸಿರುವುದು,ಬಹಳ ಚಿನ್ನಾಗಿದೆ; ಏಕೆಂದರೆ ನಾವೆಲ್ಲಾ ಅವರ ಭಂಟರು !!

೬. ಹೀಗೆಯೆ ಇನ್ನು ಉತ್ತಮ ಸಂದರ್ಶನಗಳು ಮೂಡಿಬರಲೆಂದು ಹಾರೈಸುತ್ತೇನೆ.

೭. ಒಂದು ಸವಿನಯ ಪ್ರಾರ್ಥನೆ : ನಿಮ್ಮ ಸಂದರ್ಶನಕಾರರ ದ್ವನಿ ಬಹಳ 'ಕ್ಷೀಣ' ವಾಗಿದ್ದು ನನ್ನಂತಹ ವಯಸ್ಸಾದವನಿಗೆ ಸ್ವಲ್ಪ ಕಷ್ಟವಾಯಿತು !ಏನಾದರು ಮಾಡಿ !!

ಕರ್ನಾಟಕ ಸಂಗೀತ ವಿದುಷಿ ಯರಾದ ಇಬ್ಬರು ಪ್ರಸಿದ್ಧ ಗಾಯಕಿಯರ ಸಂದರ್ಶನ ಮಾಡಿ ಅವರ ಧ್ವ ನಿಯನ್ನು ಸೆರೆಹಿಡಿದು ಕನ್ನಡದ ಜನತೆಗೆ ಒದಗಿಸಿ.

೧. ಶ್ರೀಮತಿ. ಡಾ.ಸುಕನ್ಯ :- ಇವರು ತಮ್ಮ ಪಿ.ಎಚ್.ಡಿ ಗೆ 'ಜಯಚಾಮರಾಜೇಂದ್ರ ಪೊಡೆಯರ ರಚನೆಗಳನ್ನು ತೆಗೆದುಕೊಂಡು, ಅವುಗಳ ಪರಿಚಯಮಾಡಿಕೊಟ್ಟಿದ್ದರು.

೨. ಶ್ರೀಮತಿ. ಡಾ.ಸತ್ಯವತಿಯವರು:- ಇವರು ಸಂಗೀತವನ್ನು, ಕರಗತ, ಕಂಠಗತ ಮಾಡಿಕೊಂಡು ಅತ್ಯಂತ ವಿದ್ವತ್ ಪೂರ್ಣವಾಗಿ, ಸಾಮಾನ್ಯರಿಗೂ ತಿಳಿಯುವಂತೆ ರಾಗಗಳ ಜಾಡನ್ನು ಪರಿಚಿಯಿಸುತ್ತಾ ಹಲವಾರು ಕೃತಿಗಳನ್ನು ಹಾಗೆಯೆ ಹೇಳಿ ಸಭಿಕರನ್ನು ಮಂತ್ರಮುಗ್ಧರನ್ನಾಗಿ ಮಾಡಿದ್ದರು.

ಈ ಇಬ್ಬರು ಮಹಾನ್ ಕಲಾಕಾರರು ಮುಂಬೈ ಗೆ ಹೋದ ವರ್ಷ ಬಂದಿದ್ದರು. ಅವರ ಈ "ಗಾಯನ-ಉಪನ್ಯಾಸ ಗಳ ಸಾಮರ್ಥ್ಯ" ವನ್ನು ಜೀವಂತವಾಗಿ ಸೆರೆಹಿಡಿಯುವ ಮೂಲಕ ಬಳಸಿಕೊಳ್ಳಿ !
ಕರ್ನಾಟಕ ಸಂಗೀತದ ಪ್ರೇಮಿಗಳು ಅಪಾರ ! ಸ್ವಲ್ಪ ದ್ವನಿಯನ್ನು ಎತ್ತರಿಸ ಬೇಕು,ಮತ್ತು ಸಂಸ್ಕರಿಸಬೇಕು.

ಭಾಷೆ, ಒಂದು ವಿಶಾಲ ವೃಕ್ಷ. ಅದರ ಅಡಿ ಹಾಗು ಶಿಖರದ ಬಳಿ ಎಲ್ಲಾ ಪ್ರಕಾರಗಳೂ ಪ್ರಫುಲ್ಲಿತವಾಗಿ ಬೆಳೆದು ಮುದನೀಡುತ್ತವೆ.ಸಾಹಿತ್ಯ, ನುಡಿ ಒಂದು ಭಾಗವಾದರೆ, ಸಂಗೀತ ಬರುವುದೂ ಭಾಷೆಯ ಮಾಧ್ಯಮದಿಂದಲೆ. ಅದು ಆನಂದದ ಸೀಮೆಯನ್ನು ದಾಟಿ ಬರುವುದು, (ಹಷೋಲ್ಲಾಸ) ನಮ್ಮೆಲ್ಲರಿಗೂ ಅನುಭವಕ್ಕೆ ಬಂದ ಸಂಗತಿ ! 'ಶ್ರಾವ್ಯ'ದಲ್ಲಿ ಇಂತಹ ಸಂಕೀರ್ಣತೆಯನ್ನು ಸೊಗಸಾಗಿ ನಮ್ಮದಾಗಿಸ ಬಹುದೇನೊ ಎನ್ನುವ ಮತ ನನ್ನದು. ಇದು ಸಹೃದಯರಿಗೆ, ಮೇಧಾವಿಗಳ ತೀರ್ಮಾನಕ್ಕೆ ಬಿಟ್ಟ ವಿಷಯ !