ನೀನಿಲ್ಲದಿದ್ದಾಗ...

ಅಯ್ಯೋ ವಿಶ್ಲೇಷಣೆಯ ಮಾತು ಹಾಗಿರಲಿ. ಜಂಭದ ಕೋಳಿಗೆ ಗೋಳಾಯ್ತು ಎನ್ನುವ ಹಾಗೆ, ಉತ್ಸಾಹದ ಮದದಲ್ಲಿ ನಳ ದಮಯಂತಿಯ ಕಥೆಯೇ ಮೇಘದೂತ ಅನ್ನುವ ಅರ್ಥ ಬರುವ ಹಾಗೆ ಪೋಸ್ಟಿಸಿದೆ.
http://sampada.net/ninilladiddaga#comment-1242
ಶ್ರೀನಿಧಿಯವರು ಕಡ್ಡಿತುಂಡು ಮಾಡಿದ ಹಾಗೆ, ತಪ್ಪು ತೋರಿಸಿದರು.
http://sampada.net/ninilladiddaga#comment-1244
ಯಾಕೆ ಹೀಗಾಯಿತು ಎಂದು ಆಮೇಲೆ ಬ್ಲಾಗಿಸುತ್ತೇನೆ. ಆದರೆ ಮೊದಲು ತಪ್ಪೊಪ್ಪಿಗೆ ಸಲ್ಲಿಸಿಬಿಡೋಣ. ತಪ್ಪಿಗೆ ಕ್ಷಮೆಯಿರಲಿ, ಸ್ನೇಹಿತರೆ.

ಮೇಘದೂತದಲ್ಲಿ ಕಥೆಯ ನಾಯಕ(ಯಕ್ಷ), ಕುಬೇರನ ಕೋಪ(ಶಾಪ)ಕ್ಕೆ ತುತ್ತಾಗಿ, ಅವನ ಪ್ರೇಯಸಿಯಿಂದ ದೂರವಾಗಿ ಏಕಾಂಗಿಯಾಗಿರಬೇಕಾಗುತ್ತದೆ. ಆಗ ಪ್ರಿಯೆಯ ಜೊತೆ ಮಾತನಾಡಲು ಮೋಡಗಳನ್ನೆ ವಾಹಕಗಳಾಗಿ ಉಪಯೋಗಿಸುತ್ತಾನೆ. ಅದನ್ನೋದಿದರೆ ಯಪ್ಪಾ, ವಿರಹಿಯ ದುಃಖವೊಂದು ಕಡೆಯಾದರೆ, ಕಲ್ಪನಾ ವಿಲಾಸಿಗಳಿಗೆ ಆ ಯಕ್ಷ ಮೋಡಗಳನ್ನು ಪುಸಲಾಯಿಸುವ ಪರಿ ನೋಡಿ ಸಖತ್ ಮಜಾ (ಅಪರಿಮಿತ ಆನಂದ) ಅನುಭವಿಸುವ ಅವಕಾಶ ಮತ್ತೊಂದು ಕಡೆ. ಅಂಥ ವಿರಹ ಕಾವ್ಯದಲ್ಲೂ ಕೂಡ ಕಾಳಿದಾಸ ತನ್ನ  TRADEMARK ಆದ  ಶೃಂಗಾರ ರಸ ಪ್ರಸವಿಸುವಂತೆ ಮಾಡುವುದನ್ನು ಮರೆತಿಲ್ಲ.

ಇನ್ನು ನಳ ದಮಯಂತಿ ನಿಮಗೆಲ್ಲ ತಿಳಿದಿದೆಯೆಂದು ಭಾವಿಸುವೆ. ಸುಧಾ ವಾರ ಪತ್ರಿಕೆಯಲ್ಲಿ ಪ್ರಕಟವಾಗುತ್ತಿದೆ. ಎಲ್ಲರನ್ನೂ ಕುತೂಹಲದಲ್ಲಿಟ್ಟಿದೆ.

ಮತ್ತೊಮ್ಮೆ ಶ್ರೀನಿಧಿಯವರಿಗೆ ಮತ್ತು ವಿಜಯರವರಿಗೆ ಧನ್ಯವಾದಗಳು. ಹೀಗೆಯೇ ಕವನಗಳ ಜಲಧಾರೆ ಧುಮ್ಮುಕ್ಕಿ ಹರಿಯಲಿ.

ಮತ್ತೆ ವಿಶ್ಲೇಷಣೆಗೆ ಬರೋಣ. ನಿಮ್ಮ ಅನಿಸಿಕೆಗೆ ಧನ್ಯವಾದಗಳು. ಆದರೆ ಯಾವಾಗಲೂ ಕರ್ತೃವಿಗೇ ನಿಜವಾದ ಗೌರವ ಸಲ್ಲಬೇಕು. ಏಕೆಂದರೆ ಆತ ವಜ್ರವಿದ್ದ ಹಾಗೆ. ಯಾಕೆ ನಾನು ಪ್ರತಿಕ್ರಿಯೆ ವ್ಯಕ್ತಪಡಿಸಿದೆಯೆಂದರೆ, ನನಗೆ ಸದಾ ಒಂದು ಕುತೂಹಲ. ನಾನು ಓದಿ ಅರ್ಥ ಮಾಡಿಕೊಂಡ ಧಾಟಿಯಲ್ಲೇ ಕವಿ ಕವನ ರಚಿಸಿದ್ದಾನೋ ಅಥವಾ ಆತನ ಧ್ಯೇಯ ಬೇರಿಯಾಗಿತ್ತೋ ಎಂದು ತಿಳಿಯುವ ಹಂಬಲ. ಅದಕ್ಕಷ್ಟೆ ಹೊರತು ಬೇರೆ ಏನೂ ಇಲ್ಲ.