ಮಾನ್ಯ ಚಾಮರಾಜ ಸವಡಿ ಅವರೇ,
ನೀವು "ಹಿಂದಿನವನ್ನೆಲ್ಲ ಯುನಿಕೋಡ್‌ನಲ್ಲಿ ಬರೆಯುವುದು" ಅಂದರೆ ಹೊಸದಾಗಿ ಟೈಪಿಸುತ್ತಿದ್ದೀರಿ ಎಂದು ಅಂದುಕೊಂಡಿದ್ದೇನೆ. ನಿಮ್ಮ ಲೇಖನಗಳು ನುಡಿ ಅಥವ ಬರಹದಲ್ಲಿದ್ದರೆ ಅವನ್ನು ಯೂನಿಕೋಡ್ ಪಠ್ಯವಾಗಿ ಬದಲಾಯಿಸುವುದು ತುಂಬಾ ಸುಲಭ. ಬರಹದಲ್ಲಿ baraha convert ತೆರೆಯಿರಿ. ಅದರಲ್ಲಿ ಐದು ಮನೆಗಳಿರುತ್ತವೆ. ನಿಮ್ಮ ಹಳೆಯ ಪಠ್ಯವನ್ನು ANSI ಮನೆಯಲ್ಲಿ ಹಾಕಿರಿ (copy paste). ಆಮೇಲೆ ಬಾಣದ ಮೇಲೆ ಚಿಟುಕಿಸಿ ಆ ಮನೆಯಿಂದ baraha code ಮನೆಗೆ ಬಂದು ಅಲ್ಲಿಂದ ಯೂನಿಕೋಡ್ ಮನೆಯ ಕಡೆ ಬಾಣವನ್ನು ನಿರ್ದೇಶಿಸಿ. ಈಗ ನಿಮ್ಮ ಪಠ್ಯ ಯೂನಿಕೋಡ್ ಮನೆಯಲ್ಲಿ ಕಾಣುತ್ತದಲ್ಲವೇ? ಆ ಅಷ್ಟೂ ಪಠ್ಯವನ್ನು copy ಮಾಡಿಕೊಂಡು ನಿಮ್ಮ ವರ್ಡ್ ಪುಟದಲ್ಲಿ ಲಗತ್ತಿಸಿಕೊಳ್ಳಿ. ಅಷ್ಟೇ.
ಶ್ರೀಡೆಕ್ಕನ್ ಪಠ್ಯವನ್ನು ಯೂನಿಕೋಡ್ ಆಗಿ ಬದಲಾಯಿಸುವುದು ಹೇಗೆಂದು ನನಗೆ ತಿಳಿಯದು.
ಇನ್ನು ಪಿಡಿಎಫ್ ವಿಷಯಕ್ಕೆ ಬರೋಣ. ಓಪನ್ ಆಫೀಸಿನಲ್ಲಿ ಪಿಡಿಎಫ್ ಆಗಿ ಪರಿವರ್ತಿಸುವುದು ಸುಲಭ. ಆದರೆ ಹಳೆಯ ಪಠ್ಯವನ್ನು ಪಿಡಿಎಫ್ ಮಾಡುವುದೆಂದರೆ ಹಳೆಯ ಪಠ್ಯವನ್ನು ಫೋಟೋ ಫ್ರೇಮಿನಲ್ಲಿ ಇಟ್ಟಹಾಗೆ. ಅದನ್ನು ನೋಡುತ್ತಿರಬಹುದೇ ಹೊರತು ನಾಳೆ ಅದನ್ನು ನೀವು ತಿದ್ದುವ ಹಾಗಿಲ್ಲ.

ಪ್ರೀತಿಯಿಂದ
ಸಿ ಮರಿಜೋಸೆಫ್