ಪ್ರವಾಹ ಅಂದರೆ ಹರಿಯುವುದು. ನೆಱೆ=ತುಂಬು ನೆಱೆ=ಸಾಮಾನ್ಯವಾಗಿ ಮೞೆಗಾಲದಲ್ಲಿ ಹೊೞೆ ತುಂಬಿ ಹರಿಯುವುದು. ಪ್ರವಾಹ=ನೆಱೆ. ಈಗ ನಾವು ಬೞಸುತ್ತಿದ್ದೇವೆ. ಸ್ವರಗಳು=ಸರಗಳು=ಸೊರಗಳು(ಸೊರ ಎನ್ನುವುದನ್ನು ಕೇಶಿರಾಜ ಒಪ್ಪುವುದಿಲ್ಲ)=ಉಸಿರುಲಿಗಳು. ವ್ಯಂಜನಗಳು=ಬೆಂಜನಗಳು=ತಡೆಯುಲಿಗಳು. ಸಾಮಾನ್ಯವಾಗಿ ಪದ ಪ್ರಾರಂಭದಲ್ಲಿ ಕನ್ನಡಿಗರು ’ವ’ ಬೞಸರು. ನನಗೆ ಗೊತ್ತಿರುವ ಅಚ್ಚಗನ್ನಡದ ’ವ’ಯಿಂದ ಪ್ರಾರಂಭವಾಗುವ ಪದಗಳೆರಡೇ. ವಲಂ=ನಿಕ್ಕುವ, ವಾಡಿಕೆ=ಬೞಕೆ (usual ಅಥವಾ in use). ಆದರೆ ವೀಳೆ=ವೀಟಾ(ಸಂಸ್ಕೃತ)=ಬೀಡಾ(ಬಡನುಡಿಗಳಲ್ಲಿ=ಉತ್ತರಭಾರತೀಯ ಭಾಷೆಗಳಲ್ಲಿ)

ವಿದ್ಯುತ್=ಮಿಂಚು
ಆಂದೋಲನ=ತೊನೆದಾಟ=ಉಯ್ಯಾಲೆ
ವಿದ್ಯುತ್ಪ್ರವಾಹ=ಮಿಂಚುವರಿವು
high voltage=ಮಿಂಚುನೆಱೆ ಎನ್ನಬಹುದೇನೋ

ಇನ್ನೊಂದು ನುಡಿಯಿಂದ ನಮ್ಮದಕ್ಕೆ ಪದಗಳು ಬಂದಾಗ(ತಂದಾಗ) ಬಂದಂತಹ ಪದಗಳು ನಮ್ಮವಾಗುತ್ತವೆ. ಆದರೆ ಅವುಗಳ ಮೂಲವೇನು ಮತ್ತು ಯಾವ ಸಂದರ್ಭದಲ್ಲಿ ಬಳಸುತ್ತಿದ್ದೇವೆ ಎಂದು ತಿಳಿದಿದ್ದರೆ ಒಳಿತು.
__________________________
ಮುಟ್ಟುತಲೆ ಗುರಿ ತಾನ್ ದೂರವಾಗುತಿರಲಿ!
ಕೆಪಿ ಬೊಳುಂಬು