ಸುನಿಲ್, ನೀವು ಕೇಳಿರುವ ಪದ್ಯ ಇಲ್ಲಿದೆ.

---------

ಸುಲಿದ ಬಾಳೆಯ ಹಣ್ಣಿನಂದದಿ

ಕಳೆದ ಸಿಗುರಿನ ಕಬ್ಬಿನಂದದಿ

ಅಳೆದ ಉಷ್ಣದ ಹಾಲಿನಂದದಿ ಸುಲಭವಾಗಿರುವ ಈ

ಲಲಿತವಹ ಕನ್ನಡ ನುಡಿಯಲಿ

ತಿಳಿದು ತನ್ನಲಿ ತನ್ನ ಮೋಕ್ಷವ

ಗಳಿಸಿಕೊಂಡರೆ ಸಾಲದೆ? ಸಂಸ್ಕೃತದಲಿನ್ನೇನು?

ಗೆಳೆಯರೆ,

ಈ ದಿನ ಅಶೋಕ್ ಅವರು ಒಂದು ಕೊಂಡಿಯನ್ನು ನೀಡಿ ದೊಡ್ಡ ನೆರವನ್ನಿತ್ತರು. ತೆರೆದು ನೋಡಿದರೆ, ನಾವುಗಳು ತುಂಬಾ ದಿನಗಳಿಂದ ಕಾಯುತ್ತಿದ್ದ ಪುಸ್ತಕ ಸಿಕ್ಕಿತು.

ಈ ಪುಸ್ತಕದ ಮುನ್ನುಡಿಯನ್ನು ತಿರುವಿ ಹಾಕಿದಾಗ ತಿಳಿದುಬಂದದ್ದು, ಅನೇಕ ಕುತೂಹಲಕಾರಿಯಾದ ಅಂಶಗಳು.
೧. ಈ ಗ್ರಂಥದ ಕರ್ತೃವಿಗೂ, ಚಿತ್ರದುರ್ಗಕ್ಕೂ ಏನೋ ನಂಟಿದೆ.
೨. ನಾವು ಸಂಸ್ಕೃತದ ಅನೇಕ ಗ್ರಂಥಗಳು ಕನ್ನಡಕ್ಕೆ ಭಾಷಾಂತರವಾಗಿರುವದನ್ನು ಕಾಣುತ್ತೇವೆ. ಆದರೆ ಕುತೂಹಲಕಾರಿಯಾದ ಅಂಶವೆಂದರೆ, ಈ ಕನ್ನಡ ಗ್ರಂಥವು ಸಂಸ್ಕೃತಕ್ಕೆ ಭಾಷಾಂತರವಾಗಿದೆಯಂತೆ. "ಶ್ರೀಮತ್ಪರಮಹಂಸ ಬಾಲಕೃಷ್ಣ ಬ್ರಹ್ಮಾನಂದ ರಾಜಯೋಗಿಗಳು" ಇದನ್ನು ೧೭೩೫ರಲ್ಲಿ ಸಂಸ್ಕೃತಕ್ಕೆ ಅನುವಾದ ಮಾಡಿರುವರಂತೆ.

ಅನುಭವಾಮೃತ ಪುಸ್ತಕವನ್ನು ಪೂರ್ತಿಯಾಗಿ ಓದಲು ಇಲ್ಲಿ ಕ್ಲಿಕ್ಕಿ. ಶ್ರೀಮಹಲಿಂಗರಂಗಕವಿಯ ಅನುಭವಾಮೃತ (ಶುದ್ಧಪಾಠ) ಸರ್ವಾರ್ಥಸಂದರ್ಶಿನಿ ಎಂಬ ಟೀಕಿನೊಡನೆ - ಮುದ್ರಣ ೧೯೩೬

ಈ ಪುಸ್ತಕ ತುಂಬಾ ತೂಕವುಳ್ಳದ್ದೆನಿಸುತ್ತಿದೆ. ಓದಿದರೆ ತಿಳಿಯುವುದು. ಬಿಡುವಿದ್ದಾಗ ಅಥವಾ ಅದ್ವೈತದಲ್ಲಿ ಆಸಕ್ತಿಯುಳ್ಳವರು ಓದಬಹುದು. ಪಿ.ಡಿ.ಎಫ್ ಎಲ್ಲಿಯಾದರೂ ಅಪ್ಲೋಡ್ ಮಾಡಲು ಪ್ರಯತ್ನಿಸುವೆ.