ಸ್ವಾಮಿ ಮಿಶ್ರಕೋಟಿಯವರೇ!
ನಿಮ್ಮ ಜೋಗಿಯ ಹಾಡಿನ ಹಿನ್ನೆಲೆಯ ಹುಡುಕಾಟ ತುಂಬಾ ಇಷ್ಟವಾಯಿತು. ನಾನೂ ಆ ಜನಪದಗೀತೆಯನ್ನು ಕೇಳಿ ಮೆಚ್ಚಿದ್ದೇನೆ. ಅದರಲ್ಲಿ ಸಾಕಷ್ಟು ಬದಲಾವಣೆಗೊಂಡ ಹಾಡುಗಳನ್ನೂ ಕೇಳಿದ್ದೇನೆ ಥೇಟ್ ‘ಜೋಗಿ’ಯ ಹಾಡಿನಂಗೆ. ನಾನೊಂದು ಕಥೆ (ಜಾನಪದ) ಓದಿದ್ದೆ. ಅದು ಇಬ್ಬರು ಮಲ-ಸಹೋದರಿಯರ ಕಥೆ. ಅದರ ಕೆಲವು ಸಾಲುಗಳು ನನ್ನ ನೆನಪಿನಲ್ಲಿ . .

. . .

ಹಿರಿಹೆಂಡತಿಯ ಮಗಳಿಗೆ ಮೈಮುರಿಯುವಂತಹ ಕೆಲಸ. ಇವಳ ಹೆತ್ತವ್ವನೂ ಇಲ್ಲ. ಮೈಮುರಿಯುವ ಕೆಲಸ ಹಾಗೂ ಅರೆಹೊಟ್ಟೆಯಿಂದಾಗಿ ಅವಳು ಸಪೂರ, ಏಳು ಮಲ್ಲಿಗೆ ತೂಕದವಳು. . . ಜೊತೆಗೆ ತನ್ನವ್ವನಂತೆಯೇ ಸುರಸುಂದರಿ!
ಕಿರಿಹೆಂಡತಿಯ ಮಗಳು ಮುದ್ದಿನಿಂದಾಗಿ ಮೊದ್ದು ಮೊದ್ದು. ಕೆಲಸವಿಲ್ಲದೆ ಹಾಗೂ ದಿನಾಪೂರಾ ಮೇಯುತ್ತಿರುವುದರಿಂದ ಮೈಯಲ್ಲೂ ಕೊಬ್ಬು, ಮುದ್ದಿನಿಂದಾಗಿ ಹಾಗೂ ಮನಪೂರಾ ಕೊಬ್ಬು!(ಸೊಕ್ಕಾ?) ಜೊತೆಗೆ ರೂಪವೋ ತನ್ನವ್ವನಂತೆಯೇ.
ಸುರಸುಂದರಿಯೊಮ್ಮೆ ಸುರಸುಂದರಾಂಗ ರಾಜಕುಮಾರನ ಕಣ್ಣಿಗೆ ಬೀಳುತ್ತಾಳೆ. ತಕ್ಷಣವೇ ಪ್ರೇಮೋದಯ! ಸುರಸುಂದರಾಂಗ ಮಾರುವೇಷದಲ್ಲಿ ಸುರಸುಂದರಿಯನ್ನು ಮೆಚ್ಚಿಸಲು ಹಿಂದೆದೇ ಸುತ್ತುವುದು ಮೊದ್ದು ಸೋದರಿಯ ಕಣ್ಣಿಗೆ ಬಿಳದಿರುವುದೇ? ಅವಳ ಹಿಂದೆ ಇಂತಹ ಸುರಸುಂದರಾಂಗ, ಮನಮೋಹನಾಂಗ ಸುತ್ತುವುದು ನೋಡಿ ಅವಳೊಟ್ಟಿಯಲ್ಲಿ ಉರಿಯೋ ಉರಿ. ಸರಿ ಇನ್ನು, ಸುರಸುಂದರಿಯ ಗ್ರಹಚಾರ ಬಿಡಿಸಬೇಕೆಂದು ಅಮ್ಮನ ಗಂಟು ಬೀಳುತ್ತಾಳೆ.
ಅಮ್ಮನೂ ಸುರಸುಂದರನನ್ನು ನೋಡುತ್ತಾಳೆ. ಹೇಗಾದರೂ ಸುರಸುಂದರಿಯನ್ನು ತೊಲಗಿಸಿದರೆ ತನ್ನ ಮುದ್ದಿನ ಮೊದ್ದಿಗೆ ತಕ್ಕ ವರ ಎಂದುಕೊಳ್ಳುತ್ತಾಳೆ. ಕ್ಯಾತೆ ತೆಗೆದು ನಾಳೆಯೇ ಬರುವ ಕುರೂಪಿ ಜೋಗಿಯೊಂದಿಗೆ (ತಿರುಕ) ನಿನ್ನ ಮದುವೆ ಮಾಡಿ ತೊಲಗಿಸುತ್ತೇನೆ ಎಂದು ಶಪತ ಮಾಡುತ್ತಾಳೆ. ಮಾರನೆಯ ದಿನ ಹಾಗೇ ಮಾಡಿ ಕೈತೊಳೆಯುತ್ತಾಳೆ.
ಆದರೆ, ನಮ್ಮ ಸುರಸುಂದರಿ ಮದುವೆಯ ಮರುದಿನವೇ ಅರಮನೆಯಲ್ಲಿ, ರಾಜಕುಮಾರಿಯಾಗಿ! (ಡಯಾನಾ ಬಗ್ಗೆ ಹೇಳುತ್ತಿಲ್ಲ ಮಾರಾಯ್ರೇ) . . . . .
ಮೊದಲೇ ಹೊಟ್ಟೆಕಿಚ್ಚಿನ ಮೊಟ್ಟೆ ಕೋಳಿ ನಮ್ಮ ಮೊದ್ದಮ್ಮ ಸುಮ್ಮನಿರಬೇಕಲ್ಲ. ತನ್ನನ್ನೂ ಜೋಗಿಯೊಬ್ಬನಿಗೆ ಮದುವೆ ಮಾಡಲು ತಾಯಿಯನ್ನು ಪೀಡಿಸುತ್ತಾಳೆ. ತನಗೂ ರಾಜಕುಮಾರನೇ ಸಿಗಲೆಂಬ ಆಸೆ ಅವಳಿಗೆ (:
ಅದೂ ನಡೆದು ಹೋಗುತ್ತದೆ. ಅವಳು ಜೋಗಿಯ ಹಿಂದೆ! ಕೇಳುತ್ತಾ ಹೋಗುತ್ತಾಳೆ. ಜೋಗಿ ನಿನ್ನರಮನೆಯೆಲ್ಲಿ? ಎಂದು. . .
ಅದೇನೇನೋ ದಾಟಿ ಅಂತೂ ಸಿಗುತ್ತದೆ ತಿರುಪೆಯವನ ಅರಮನೆ!
ಈ.ನಾ.ಕೇಸರ್ಕರ್‍