ಭಯೋತ್ಪಾದಕರ ಕುಕೃತ್ಯ ಯಾವತ್ತೂ ಖಂಡನೀಯ. ದೇಶದ ಅಖಂಡತೆಗೆ ಹಾಗು ಸಾರ್ವಭೌಮತೆಗೆ ಧಕ್ಕೆ ತರುವಂತಹ ಈ ಕೃತ್ಯಗಳನ್ನು ಮೂಲೋಚ್ಛಾಟನೆ ಮಾಡಲೇಬೇಕು. ಜಾಗೃತ ಸಮಾಜ ಮಾತ್ರ ಬಹಳ ದಿನ ಬದುಕಬಲ್ಲುದು ಎಂಬುದು ಸರ್ವಕಾಲಿಕ. ಚರ್ಚಾ ವಿಷಯದಂತೆ ಸಂಘ ಶಕ್ತಿಯೇ ಭಯೋತ್ಪಾದನೆ ತೊಲಗಿಸುವ ಮದ್ದು. ನಾಗರಿಕ ಸಮಾಜದಲ್ಲಿ ಸಂವಿಧಾನ ಬದ್ಧ ಹೋರಾಟಗಳಿಗೆ ಮಾತ್ರ ಸ್ಥಾನ-ಮಾನ. ಅನಾಗರಿಕ ರೀತ್ಯಾ ‘ಹಾರಾಟ’ಗಳಿಗೆ ಅದೇ ಉತ್ತರ ತಿರುಗಿಸುವ ಸಿದ್ಧತೆ ನಡೆಯಬೇಕು.

ಹೀಗೆ ಮಾಡಬೇಕಿತ್ತು, ಹಾಗೆ ಮಾಡಬೇಕಿತ್ತು ಎನ್ನುವುದನ್ನು ಬಿಟ್ಟು ನಾವೆಲ್ಲರು ಜಾಗೃತರಾಗಬೇಕು ಮೊದಲು. ಉಗ್ರರು ಇನ್ನೊಂದು ಬಾರಿ ಇಂತಹ ದುಷ್ಕೃತ್ಯ ವೆಸಗದ ಹಾಗೆ ನಾಗರಿಕರೇ ಪೊಲೀಸರಾಗಿ ವರ್ತಿಸಬೇಕು. ಸಹನೆ ಕೈಲಾಗದತನ ಎನ್ನಿಸಿಕೊಳ್ಳುವ ಮೊದಲು ದಿಟ್ಟ ಉತ್ತರ ನೀಡಲು ನಾವು ಸಿದ್ಧರಾಗೋಣ. ಎಲ್ಲವೂ ಸರಕಾರವೇ ಮಾಡಲಿ ಎಂದರೆ ‘ಸಮಾಜದ ಸಹಭಾಗಿತ್ವ’, ನಮ್ಮ ನಿಮ್ಮ ಪಾಲೇನು? ಪಾಡೇನು?

ಅನಾಗರಿಕ ಬಾಂಬ್ ಉತ್ತರವೂ ಅಲ್ಲ ,ಪ್ರಶ್ನೆಯೂ ಅಲ್ಲ . ಅದೊಂದು ಕೆಟ್ಟ ಸಮಸ್ಯೆ .ಇದರ ಪೋಷಕರು ದೂರದಲ್ಲೆಲ್ಲೂ ಇಲ್ಲ. ನಮ್ಮ ಕೆಟ್ಟ ರಾಜಕೀಯ ವ್ಯವಸ್ಥೆಯೇ ಇದರ ತಾಯಿ ಬೇರು . ನಮ್ಮ ಪ್ರಜಾತಂತ್ರ, ನಮ್ಮ ಸ್ವಾತಂತ್ರ್ಯ ಉಳಿಯಬೇಕಾದರೆ ಯಾರು ಏನೇ ಬೊಬ್ಬೆ ಹೊಡೆಯಲಿ, ಭಯೋತ್ಪಾದಕರಿಗೆ, ಹಿಂಸೆಯನ್ನು ಅವಲಂಬಿಸಿರುವವರಿಗೆ ನಿರ್ದಾಕ್ಷಿಣ್ಯವಾಗಿ ಶಿಕ್ಷೆಯಾಗಬೇಕು.