ತಿರುಮಕೂಡಲಿನ ತಿರು, ತಿರುವಿಗೂ, ತಿರಿಯುವುವಕ್ಕೂ ಸಂಬಂಧವಿಲ್ಲವೆಂದೇ ನನ್ನ ಭಾವನೆ

ಮೂರು + ಕೂಡಲ್ -> ಮುಕ್ಕೂಡಲ್
ಇದೇ ರೀತಿಯ ಮೂರು + ಕಣ್ಣವ -> ಮುಕ್ಕಣ್ಣ ; ಮೂರು (ಬೇಳೆಗಳ) ಕೂಟದ ದೋಸೆ -> ಮುಕ್ಕೂಟ ದೋಸೆ ಮೊದಲಾದವನ್ನು ನೆನೆಯಿರಿ

ಎರಡು ನದಿಗಳ ಸಂಗಮದಲ್ಲಿ ಮೂರನೆ ಗುಪ್ತಗಾಮಿನಿಯನ್ನು ಹೆಸರಿಸಿ, ಅದನ್ನು ತ್ರಿವೇಣಿ ಸಂಗಮವನ್ನಾಗಿ ಮಾಡುವುದು ರೂಢಿ.
ಗಂಗಾ-ಯಮುನಾ - (ಸರಸ್ವತಿ) ; ಅಲಹಾಬಾದಿನಲ್ಲಿ
ಕಾವೇರಿ-ಕನ್ನಿಕೆ- (ಸುಜ್ಯೋತಿ) ; ಭಾಗಮಂಡಲದಲ್ಲಿ
ಕಾವೇರಿ -ಕಪಿಲೆ - (ಸ್ಫಟಿಕಸರೋವರ) ; ತಿ. ನರಸೀಪುರದಲ್ಲಿ

ಈ ಭಾಗ ಗಂಗರಿಂದಲೂ, ಚೋಳರಿಂದಲೂ ಆಳಲ್ಪಟ್ಟಿರುವುದು ತಿಳಿದ ವಿಷಯವೇ. ಈ ಕಡೆ ಕನ್ನಡ್, ಸಂಸ್ಖೃತಗಳ ಜೊತೆಗೆ ತಮಿಳು ಶಾಸನಗಳೂ ಸಿಗುತ್ತವೆ. ತಮಿಳಿನ ತಿರು, ಪವಿತ್ರ ಎಂಬ ಅರ್ಥದಲ್ಲಿ ಉಪಯೋಗವಾಗಿದ್ದರೆ ಅಚ್ಚರಿಯಿಲ್ಲ. ಮೇಲುಕೋಟೆಗೂ ತಿರುನಾರಾಯಣಪುರ ಎಂಬ ಹೆಸರಿರುವುದನ್ನು ನೆನೆಯಬಹುದು.

ಇನ್ನು ತಿರುವೈಯಾರು -> ತಿರು + ಐದು + ಆಋ ->ಪವಿತ್ರವಾದ ಐದು ನದಿಗಳ ಪ್ರದೇಶ - ಇದರ ಬಗ್ಗೆ ಇನ್ನೊಂದು ಲೇಖನದಲ್ಲಿ ಈಗಾಗಲೇ ಬರೆದಿದ್ದೇನೆ;

ತಿರುವಾರೂರು -> ತಿರು + ಆರು+ ಊರು ಇರಬಹುದು -> ಪವಿತ್ರವಾದ ನದಿಯ ಊರು
ಈ ಪದವನ್ನು ತಮಿಳಿನಲ್ಲಿ ಹೇಗೆ ಬರೆಯುತ್ತಾರೆಂದು ಮರೆತಿದ್ದೇನೆ - ಹಾಗಾಗಿ ನನ್ನ ವಿವರಣೆ ತಪ್ಪಾಗಿರಲೂಬಹುದು.

-ಹಂಸಾನಂದಿ