ತಾಂತ್ರಿಕವಾಗಿ ಮತ್ತು ಕಥೆಯಲ್ಲಿ ಕೂಡ ಅಂಥಾ ವಿಶೇಷಗಳೇನೂ ಇಲ್ಲದ ಮುಂಗಾರುಮಳೆ, ಕನ್ನಡ ಚಿತ್ರಗಳು ಅಂದರೇ ಓಡಿಹೋಗುವ ನನಗೂ ಪರವಾಗಿಲ್ಲ, ಒಂದು ಸಲ ನೋಡಬಹುದಾದಷ್ಟು ಇಷ್ಟವಾಯ್ತು.

ಈ ಚಿತ್ರದಲ್ಲಿ ಎರಡು ನನಗೆ ಇಷ್ಟವಾದ ಅಂಶ - ನಿರ್ದೇಶಕರೇ ಬರೆದ 'ಮುಂಗಾರು ಮಳೆಯೇ ಏನು ನಿನ್ನ ಹನಿಗಳ ಲೀಲೆ' ಹಾಡು - ನವಿರಾದ ಸಾಹಿತ್ಯದೊಡನೆ, ಹಿತಮಿತವಾದ ಸಂಗೀತದೊಂದಿಗೆ, ನನ್ನ ಎವರ್-ಗ್ರೀನ್ ಫೇವರಿಟ್ ಲಿಸ್ಟ್ ಸೇರಿಕೊಂಡಿದೆ... (ಸದ್ಯಕ್ಕೆ ನನ್ನ ಫೋನಿಗೆ ಹಲೋಟ್ಯೂನ್ ಕೂಡ ಆಗಿದೆ ಅದೇರೀತಿ 'ಅನಿಸುತಿದೆ ಯಾಕೋ ಇಂದು' ಕೂಡಾ ಅಷ್ಟೆ, ನಾನು ದಿನಕ್ಕೆ 10 ರನರಿಗೆ ಫೋನ್ ಮಾಡಿದರೆ ಐದು ಜನರಾದರೂ ಇದನ್ನು ಹಲೋಟ್ಯೂನ್ ಆಗಿ ಹಾಕಿರುತ್ತಾರೆ.)

ಮಳೆಯೆಂದರೆ ಹೆಚ್ಚಿನವರಿಗೆ ಇಷ್ಟ, ಅದರಲ್ಲೂ ಮೊದಲ ಮಳೆಯೆಂದರೆ ಎಲ್ಲರಿಗೂ ಇಷ್ಟ. ಹೀರೋನ ಸಂತಸ, ದು:ಖಗಳಿಗೆ ಮಳೆಯನ್ನು ಚೆನ್ನಾಗಿ ಬೆರೆಸಿ, ಅದಕ್ಕೆ ದೇವದಾಸನೆಂಬ ಮೊಲದ ಕಂಪೆನಿ ಕೊಡಿಸಿ, ಇದೆಲ್ಲವನ್ನೂ (ಹೆಚ್ಚಿನ ಕಡೆ) ರಿಲೇಟಿವ್ ಅನ್ನಿಸುವ ಕ್ಯಾಮರಾ ಆಂಗಲ್-ಗಳಿಂದ ಸೆರೆಹಿಡಿದ ಇಂಥಾ ಪ್ರಯತ್ನ ಕನ್ನಡದಲ್ಲಿ ಇತ್ತೀಚಿನ ದಿನಗಳಲ್ಲಿ ಆಗಿಲ್ಲ. (ಕೆಲವುಕಡೆ ಅದು ಕಿರಿಕಿರಿ ಅನ್ನಿಸುತ್ತದೆ, ಆದರೆ ಜನ ಒಳ್ಳೆಯದನ್ನು ನೆನಪಲ್ಲಿಟ್ಟುಕೊಂಡಿದ್ದಾರೆ ) ಜೋಗ ಜಲಪಾತವನ್ನೂ ಅಷ್ಟೆ, ಕನ್ನಡದ ಜನ ಇಲ್ಲಿಯವರೆಗೆ ನೋಡಿರದ ರೀತಿಯಲ್ಲಿ ಸೆರೆಹಿಡಿದಿದ್ದು ಇದೇಮೊದಲು. ಯದ್ವಾತದ್ವಾ ವಿಲನ್-ಗೆ ತದುಕಿದ ಮೇಲೆ ಯಾವ ಸಿನಿಮಾದಲ್ಲಾದ್ರೂ ಹೀರೋ ವಿಲನ್ ಪಕ್ಕ ಕೂತು ಸುಖದುಃಖ ಹಂಚಿಕೊಂಡು ಹೇಳಿಯೂ ಹೇಳದ ಹಾಗೆ ನೀತಿಪಾಠ ಹೇಳೋದು ಎಲ್ಲಾದ್ರೂ ಬಂದಿದೆಯಾ ಕನ್ನಡ ಸಿನಿಮಾದಲ್ಲಿ? ಮೂರು ಘಂಟೆ ಎಲ್ಲ ಮರೆತು ಸಿನಿಮಾ ನೋಡ್ಬೇಕು ಅಂತ ಹೋದವ್ರಿಗೆ ಇವೆಲ್ಲ ಇಷ್ಟವಾಗ್ತವೆ. ನೆನಪುಳೀತವೆ.

ಯಾಕೆ ಹಿಟ್ ಆಯಿತು ಅಂತ ಯೋಚಿಸುವಾಗ ಸಾಮಾನ್ಯ ವೀಕ್ಷಕನಾಗಿ ಯೋಚಿಸಿದರೆ ಹೆಚ್ಚು ಹೆಚ್ಚು ಕಾರಣಗಳು, ವೀಕ್ಷಕನಿಗೆ ಇಷ್ಟವಾದ ಅನ್ನುವ ಅಂಶಗಳು ಸಿಗುತ್ತಾ ಹೋಗುತ್ತವೆ. ಆಮೇಲೆ ನಿರ್ದೇಶಕನಾಗಿ ಯೋಚಿಸುವುದು ಇದ್ದೇ ಇದೆ ಬಿಡಿ...

ತಮಿಳು ಸಿನಿಮಾ ಶಿವಾಜಿ ಬೆಂಗಳೂರು ತುಂಬ ಸದ್ದು ಮಾಡುತ್ತಿರುವ ಸಮಯದಲ್ಲಿ ಮುಂಗಾರುಮಳೆ ನೆನಪಿಸಿಕೊಳ್ಳುವ ಸಂದರ್ಭ ಕಲ್ಪಿಸಿಕೊಟ್ಟಿದ್ದೀರ. ನಾನೂ ಹೋಗಬೇಕಿದೆ ಶಿವಾಜಿ ನೋಡಲಿಕ್ಕೆ, ಟಿಕೆಟ್ ಸಿಕ್ಕಿಲ್ಲ.. ಇನ್ನು ಮೂರು ವಾರದ ತನಕ ಬುಕ್ ಆಗಿದೆ.
ಇದು ರಾಜಧಾನಿಯ ವಾಸ್ತವ. ಮುಂಗಾರುಮಳೆ ಹಿಟ್ ಆಗಿದ್ದಕ್ಕೆ ಖುಷಿಪಡಿ ಸಾರ್. ಯಾರೋ ಪ್ರತಿಕ್ರಿಯೆಯಲ್ಲಿ ಈಹಿಂದೆ ಹೇಳಿದ ಹಾಗೆ, ಜನ ಸಿನಿಮಾ ನೋಡೋದು ಮನರಂಜನೆಗಾಗಿ. ಮನರಂಜನೆ ಜತೆ ಸಾಮಾಜಿಕ ಜವಾಬ್ದಾರಿಯನ್ನ, ಜನಕ್ಕೆ ಇಷ್ಟವಾಗೋ ಥರ ಹೇಗೆ ಹೇಳ್ಬೇಕು ಅನ್ನೋದು ಹೆಚ್ಚಿನವರಿಗೆ ಗೊತ್ತಿಲ್ಲ ಅನ್ಸತ್ತೆ. ಅದ್ಕೇ 'ಮೌಲ್ಯ ಭರಿತ' ಕನ್ನಡ ಫಿಲ್ಮ್ -ಗಳು ಹಿಟ್ ಆಗಲ್ಲ.