ದಿಟ/ವಾಸ್ತವದ ಬಗ್ಗೆ ನಮ್ಮ ನಿಲುವೇನು ಅನ್ನುವುದು ಇಲ್ಲಿ ಪ್ರಶ್ನೆ. slavery ತೊಲಗಬೇಕು, ಸ್ವಾತಂತ್ಯ್ರ ಬೇಕು ಎಂಬ ನಿಲುವು ತಗೊಂಡ ಮೇಲೆ ಅದರತ್ತ ಕೆಲಸ ಮಾಡಲು ಸಾಧ್ಯ. ಅಷ್ಟು ದೊಡ್ಡ ಮಾತು ಯಾಕೆ, ಮನೆಯ ಮುಂದೆ ತಿಪ್ಪೆ ಇದ್ದರೆ ಅದರ ಬಗ್ಗೆ ಒಂದು ನಿಲುವು ತೆಗೆದುಕೊಂಡಾಗಲೇ ಅದನ್ನು ಸಪಾಟು ಮಾಡಲು ಶುರುವಾಗುವುದು. ವಾಸ್ತವ ಎಂದು ಅದನ್ನು ಒಪ್ಪಿಕೊಂಡು ಕೂರುವುದು ಶೋಚನೀಯವಾಗಿ ಕಾಣುತ್ತದೆ. ನೀವು ಹೇಳುವ ವಾಸ್ತವವೂ ನಾವೇ ರೂಪಿಸಿಕೊಂಡು ಆಚರಣೆಗೆ ತಂದಿರುವುದು. ಅದು ಎಲ್ಲಿಂದಲೋ ದತ್ತವಾದುದಲ್ಲ. ಏನೇ ಬದಲಾವಣೆಗೂ ನಾವು ತೆಗೆದುಕೊಳ್ಳುವ ನಿಲುವು ಮೂಲ ಕ್ರಿಯೆಯಾಗುತ್ತದೆ. ಆದರೆ ಮೇಲಿನ ನಿಮ್ಮ ಪ್ರತಿಕ್ರಿಯೆಯಲ್ಲಿ ನೀವೇ ಹೇಳಿದ ಹಾಗೆ ಈ ವಾಸ್ತವ ನಿಮ್ಮ ಅನುಕೂಲಕ್ಕೆ, ರುಚಿಗೆ ಸರಿಯಾಗಿರುವುದರಿಂದ ಬದಲಾವಣೆಯ ಅವಶ್ಯಕತೆ ನಿಮಗೆ ಇಲ್ಲ!
ಇನ್ನು ಕಾಳಿದಾಸನ ಕಾಲದಿಂದಲೂ ಇತ್ತು ಈಗಲೂ ಇರಲಿ ಎನ್ನುವ ಮಾತಿಗೆ ಏನೂ ಹೇಳಲಾಗದು. ಆಗಿನ ರೀತಿಯಲ್ಲಿ ನಾವಿಂದು ಬದುಕಲಾಗುವುದಿಲ್ಲ. ಅಥವಾ ಅಂದಿನ ಎಷ್ಟೋ ಆಚರಣೆಗಳು ಇಂದು ಇಲ್ಲ. ಮಹಾಭಾರತ ಕಾವ್ಯದ ದ್ರೌಪದಿಯ ರೀತಿ ಈವತ್ತು ನಾವು ಬದುಕಲ್ಲ. ಹಾಗಾಗಿ ಅದರ ಬಗ್ಗೆ ಹೆಚ್ಚಿಗೆ ಹೇಳುವುದಿಲ್ಲ.
ಇಲ್ಲಿ ಬೇಜಾರಾಗುವ ಸಂಗತಿಯೇನು ಇಲ್ಲ. ನಿಮಗೆ ಹೌದೆನಿಸಿದ್ದು ನೀವು ಹೇಳುತ್ತಿದ್ದೀರಿ, ಮಾಡುತ್ತಿದ್ದೀರಿ.