ಕತೆ ಮನೆ ಹಾಳಾಗ, ಯಾರಿಗೆ ಬೇಕು ಅವರ moral lessonಗಳು!

ಇಲ್ಲಿ ಎರಡು ಭಾಗಗಳಿವೆ "ಕತೆ ಮನೆ ಹಾಳಾಗ' ಎಂದರೆ ಕತೆ ಬೇಡ ಎಂದು; ಒಂದು ಪಾತ್ರ ಇದ್ದ ತಕ್ಷಣ ಕತೆ ಇರಲೇಬೇಕಾಗುತ್ತದೆ! ಎಷ್ಟೇ ಸಡಿಲವಾಗಿದ್ದರೂ ಕತೆ ಇಲ್ಲದಿರುವ ಚಿತ್ರ ಇದ್ದರೆ ದಯವಿಟ್ಟು ತಿಳಿಸಿ!
ಎರಡನೇ ಭಾಗ moral lessons: ಯಾರು ಯಾರಿಗೂ ನೀತಿಪಾಠ ಹೇಳಿ ಪ್ರಯೋಜನವಿಲ್ಲ. ಅದೂ ವಯಸ್ಕರ ಸಮಾಜದಲ್ಲಿ. ಆದರೆ, ನೀವು ಕೊಂಡಾಡಿದ ಚಿತ್ರಗಳು ನೀತಿ ಹೇಳುವುದಿಲ್ಲ ಎಂದು ಮಾತ್ರ ನಾನು ನಂಬುವುದಿಲ್ಲ. ಯಾಕೆಂದರೆ, ಅವುಗಳು "ಹೊಸ" ವಿಷಯಗಳನ್ನು ಹೇಳದಿರಬಹುದು. ಆದರೆ ಹೇಳಬೇಕೆಂದಿರುವ ಕೆಲವೇ "ನೀತಿಗಳನ್ನು" ಮತ್ತೆ ಮತ್ತೆ ಹೇಳುವುದರ ಮೂಲಕ reinforce ಮಾಡುತ್ತವೆ. ಎಷ್ಟರ ಮಟ್ಟಿಗೆ ಹೇಳಿದ್ದನ್ನೇ ಮತ್ತೆ ಮತ್ತೆ ಹೇಳುತ್ತವಂದರೆ, ಅವುಗಳು ನೀತಿಯೇ ಅಲ್ಲ ಅನ್ನಿಸುತ್ತದೆ. ಆದರೆ reinforcing ನಡೆದೇ ಇರುತ್ತದೆ. ಮೊದಲೇ ಹೇಳಿದ ಹಾಗೆ ಹೆಚ್ಚು ಜನ ನೋಡದ non-commercial ಚಿತ್ರಗಳಿಗಿಂತ, ಹೌಸ್‌ಫುಲ್ಲಾಗಿ ಓಡೋ ನೀವು ಕೊಂಡಾಡಿದ ಚಿತ್ರಗಳು ತಮ್ಮ ನೀತಿಪಾಠದ ಮೂಲಕ ಹೆಚ್ಚು ಅಪಾಯಕಾರಿಯಾಗಿ ಕಾಣುತ್ತದೆ.
ನೀತಿಪಾಠದ ಒಂದು ಉದಾಹರಣೆ: ನೀವು ಕೊಂಡಾಡುವ ಚಿತ್ರಗಳಲ್ಲಿ ಮತ್ತೆ ಮತ್ತೆ ಹೆಣ್ಣು ಮಕ್ಕಳನ್ನು "ಆಟದ ಬೊಂಬೆ"ಗಳಾಗಿ ನಿಮ್ಮ "ಮಸ್ತಿ"ಗೆ ಸರಿ ಹೋಗುವಂತೆ ತೋರಿಸುವುದು ನೀತಿಪಾಠ ಅಲ್ಲ ಎಂದು ಅಂದುಕೊಳ್ಳುತ್ತೀರ!?
"ಸಿನಿಮಾ ನೋಡಲು ಕಲಿಯುವುದು" ಹೇಗೆ?