ಯಾಕೋ ಅನಿಸುತಿದೆ ಸುಮ್ಮನೆ... ವರ್ಷಗಳೇ ಕಳೆದು ಹೋಗಿವೆಯಲ್ಲ ಸಿನಿಮಾ ಥಿಯೇಟರ್ ಗೆ ಹೋಗದೇ. ಈಗಲಾದರೂ ''ಮುಂಗಾರು ಮಳೆ" ಚಿತ್ರ ನೋಡಲೆಂದೇ ಟಾಕಿಸ್ ಮುಂದೆ ನಿಂತ mass ಮಂದಿಯಲ್ಲಿ(ಬಾಲ್ಕನಿಯೂ ಸೇರಿದಂತೆ ) ನನ್ನನ್ನು ಗುರುತಿಸಿಕೊಳ್ಳಲಾಗದೇನೆ ಯಾಕೋ ಸುಮ್ಮನೆ ಸುಮ್ಮನೆ ಇದ್ದೇನಲ್ಲ...

ಇದೀಗ ಉತ್ತರ ಸಿಕ್ಕಿತು ಬಿಡಿ- ಇಂತಹ ಸಿನಿಮಾ ನೋಡಿ ಖಷಿ ಪಡುವ ವರ್ಗವೇ ಬೇರೆ ಇದೆ;ನಮ್ಮ ನಾಡಿನಲ್ಲಿ.
ಅಷ್ಟಕ್ಕೂ, "ಅದೃಷ್ಟಕ್ಕೆ ಇನ್ನೊಂದು ಹೆಸರೇ ಮುಂಗಾರು ಮಳೆ'' ಎನ್ನೋಣವೇ..
ಹಾಂ, ಇನ್ನೊಂದು ಉದಾಹರಣೆ ಇದೆ ಎನ್ನುವಿರಾ.. "ದುನಿಯಾ" ಈ ಸಾಲಿಗೆ ಸೇರುತ್ತದೆಯಲ್ಲವೇ..

ಏನೇ ಆಗಲಿ ಇದು ಕನ್ನಡ ಚಿತ್ರ ರಂಗಕ್ಕೆ ಅದೃಷ್ಟದ ಹೊಸ ತಿರುವೂ ಹೌದು. ಇನ್ನಾದರೂ ಮಚ್ಚು, ಲಾಂಗುಗಳ "ಮಸ್ತಿ " ಮತ್ತು ಹಾವಳಿ ಕಡಿಮೆಯಾದೀತೆಂದು ನಿಟ್ಟುಸಿರೆಳೆದು ನಿರೀಕ್ಷಿಸೋಣವೇ..
-ಎಚ್.ಶಿವರಾಂ