ಮೇಲು ನೋಟಕ್ಕೆ ಈ ಹಾಡು, ಹಾದರಕ್ಕೆ ಎಳಸುವ ಚಂಚಲ ಮನಸ್ಸಿನ ಹೆಣ್ಣೊಬ್ಬಳ ಹಾಡಿನಂತೆ ತೋರುತ್ತದೆ. ಆದರೆ ಇದಕ್ಕೆ ಒಳತಿರುಳಿನ ತಿಳಿವಿದೆ ಎಂದು ತಿಳಿದು ಕಣ್ಣರಳಿಸುವಂತಾಯಿತು. ಹಾಗೆಯೇ ಜನಪದದಲ್ಲಿ "ಪಾರವತಿಯನ್ನೂ ಹಾದರ ಬಿಡಲಿಲ್ಲ" ಎಂದಿದೆ. ಮಹಾಬಾರತವನ್ನು "ಹಾದರದ ಕತೆ,ಸೋದರದ ವದೆ" ಎನ್ನಲಾಗಿದೆ. ಮಹಾಬಾರತದ ಹೊತ್ತಿನಲ್ಲಿ ಮಕ್ಕಳಾಗದಿದ್ದವರಿಗೆ "ಮಕ್ಕಳ ಮಾಡುವ ಸಲುವಾಗಿ" ಗರತಿ ಹೆಣ್ಣು ಬೇರೊಬ್ಬನ ಸಂಗಡ ಮಲಗುತ್ತಿದ್ದಳು. ಅದರ ಉದ್ದೇಸ ಬರೀ ಮಕ್ಕಳಾಗಿ ಪೀಳಿಗೆ ಮುನ್ನಡೆಯಲಿ ಎಂಬುದಟ್ಟೇ ಆಗಿರುತ್ತಿತ್ತು. ಕಾಮ ವಾಸನೆ ಇರುತ್ತಿರಲಿಲ್ಲ. ಹಾಗೂ ಆ ಕಾಲದಲ್ಲಿ ಬಹುಗಂಡಂದಿರನ್ನು ಹೊಂದುವ ಪದ್ದತಿ ಇತ್ತು. ಆಚಾರ್‍ಯ ಬೀಸ್‍ಮರ ಅಪ್ಪ ಶಂತನುನ ಮೂರನೆಯ ಹೆಂಡತಿ 'ಸತ್‍ಯವತಿ', ಮದುವೆಗೆ ಮುನ್ನ ಮುನಿಯೊಬ್ಬರೊಂದಿಗೆ ಕೂಡಿ ಹುಟ್ಟಿದವನೇ ವ್‍ಯಾಸ ಮುನಿ, ಎಂದು ವ್‍ಯಾಸರೇ ಬರೆದ ಮಹಾಬಾರತದಲ್ಲಿದೆ. ಇದನ್ನೆಲ್ಲಾ ನೋಡಿದರೆ ಆಗಿನ ಹೊತ್ತಿನಲ್ಲಿ, ಹಾದರದ ಬಗ್ಗೆ ಈಗಿರುವಾಟು ಮೈಲಿಗೆ-ಮುಡಿಚೆಟ್ಟಿನ ಬಾವನೆ ಇರಲಿಲ್ಲ ಅನಿಸುತ್ತದೆ.