ಶಂಕಿತ ಉಗ್ರರ ಬಂಧನದ ಪ್ರಾರಂಭದ ಹಂತದಲ್ಲಿಯೇ ಅವರ ಅಡುಗು ತಾಣಗಳನ್ನೆಲ್ಲ ಜಾಲಾಡಿಬಿಡಬೇಕಿತ್ತು. ಹಾಗೆ ಮಾಡದಿರುವುದೇ ಈಗ ಈ ಪರಿಸ್ಥಿಯನ್ನು ನಮ್ಮ ರಾಜಧಾನಿಯ ಜನ ಎದುರಿಸುವಂತಾಯಿತು. ಜೊತೆಗೆ ಈಗಾಗಲೇ ಶಂಕಿತ ಭಯೋತ್ಪಾದನೆ ಅಡಿಯಲ್ಲಿ ಬಂಧಿತರಾಗಿರುವವರ ಮೇಲೆ ನಿರ್ದಾಕ್ಷಿಣ್ಯ ಕ್ರಮ ಜರುಗಿಸಬೇಕು. ಮಾಧ್ಯಮಗಳಲ್ಲಿ ಶಂಕಿತ ಉಗ್ರರ ಚಿತ್ರಗಳು ಪ್ರಕಟಗೊಂಡಾಗ ಅವರ ಮುಖದಲ್ಲಿ ಯಾವುದೇ ಆತಂಕಗಳಿಲ್ಲದಿರುವುದು, ಆವರಣದಲ್ಲಿ ನಿಂತವರತ್ತ ಅವರು ಕೈಬೀಸುವುದು ಎಲ್ಲ ನಮ್ಮ ಪ್ರಜಾಪ್ರಭುತ್ವವನ್ನು ಅಣಕಿಸುತ್ತಿವೆ ಎನಿಸುತ್ತದೆ.