ನಿನ್ನೆ ನಾನು ಜಿ. ವೆಂಕಟಸುಬ್ಬಯ್ಯನವರನ್ನು ಭೇಟಿಯಾಗಿದ್ದೆ. ಅವರು ಈ ಪದ್ಯವನ್ನು ಚೆನ್ನಾಗಿ ಬಿಡಿಸಿದರು. ನಾವು ಬಿಟ್ಟ ಕೆಲವು ಶಬ್ದಗಳಿಗೆ ಚೆನ್ನಾದ ಅರ್ಥವನ್ನೇ ಕೊಟ್ಟಿದ್ದಾರೆ.

ಅಱಿವುಂ ನೆಱವುಂ ತನ್ನೊಳ್
ನೆಱೆದಂದಱಿದದಱೊಳೆಸಪುದಲ್ಲದೆ ಬೞಿಯಂ
ಗುಱಿನೆಱದೆಡೆಯೊಳ್ ಮಮ್ಮಲ
ಮಱುಗಿದೊಡಾ ನೆಱವುಮಱಿವುಮೇಂ ಕೂಡುಗುಮೇ

ಅಱಿವುಂ=ಅಱಿವೂ ನೆಱವುಂ=ಪರಿಪೂರ್ಣತೆಯೂ ತನ್ನೊಳ್‍=ತನ್ನೊಳಗೆ ನೆಱೆದಂದು=ತುಂಬಿದಂದು(ತುಂಬಿದಾಗ) ಅಱಿದಱೊಳೆಸಪುದು=ತಿಳುವಳಿಕೆಯಲ್ಲಿ(ಅಱಿವಿನಲ್ಲಿ) ಸತ್ಯ(ನೆಱ=ಹುರುಳು, ಸತ್ವ, ಸತ್ಯ) ಗೋಚರಿಸುವುದು. ಅಲ್ಲದೆ=ಹಾಗೆ ಗಮನಿಸದೇ ಹೋದಾಗ ಬೞಿಯಂ=ಬೞಿಕ (ಹಾಗೆ ಗಮನಿಸುವಾಗ ಗಮನಿಸದೇ ಬಿಟ್ಟು ನಂತರ) ಗುಱಿನೆಱದೆಡೆಯೊಳ್‍=ಗುಱಿಯ ಸತ್ಯ(ಹುರುಳು, ಸತ್ವ)ಕ್ಕಾಗಿ ಮಮ್ಮಲಮಱುಗಿದೊಡಾ=ಮಮ್ಮಲ ಮಱುಗಿದರೆ (ಪಶ್ಚಾತ್ತಾಪ) ಪಟ್ಟರೆ ಆ ನೆಱವುಂ=ಪರಿಪೂರ್ಣತೆ, ಅಱಿವುಂ=ಜ್ಞಾನವೂ ಕೂಡುಗುಮೇ=(ಮತ್ತೆ ಗುಱಿಯೊಡನೆ) ಸೇರಿಕೊಳ್ಳುವುವೇ?