ಅಱಿವುಂ ನೆಱವುಂ ತನ್ನೊಳ್
ನೆಱೆದಂದಱಿದದಱೊಳೆಸಪುದಲ್ಲದೆ ಬೞಿಯಂ
ಗುಱಿನೆಱದೆಡೆಯೊಳ್ ಮಮ್ಮಲ
ಮಱುಗಿದೊಡಾನೆಱವುಮಱಿವುಮೇಂ ಕೂಡುಗುಮೇ

ಮೇಲಿನ ಅನುವಾದಗಳೆಲ್ಲ ಸರಿಯಿಲ್ಲವೆನಿಸುತ್ತದೆ. ಈ ಕೆೞಗಿನ ಅನುವಾದ ನೋಡಿ.
ಅಱಿವು=ಜ್ಞಾನ, ನೆಱವು=ಪರಿಪೂರ್ಣತೆ ಪರಿಪಕ್ವತೆ (ನೆಱೆ=ತುಂಬು ಸಮಗ್ರವಾಗು ಪರಿಪೂರ್ಣವಾಗು) ಅಂದರೆ ವೈರಾಗ್ಯ. ಇದಱರ್ಥ: ಜ್ಞಾನವೂ ವೈರಾಗ್ಯವೂ ತನ್ನೊಳಗೆ ಪರಿಪೂರ್ಣವಾಗಿ ಅಱಿವಿಗೆ ಬಂದು ಅದಱಿಂದ ಗುಱಿಯ(ಇಲ್ಲಿ ಮುಕ್ತಿಯೊಂದೇ ಗುಱಿ) ಬೞಿಯಂ ಎಸಪುದಲ್ಲದೆ= ಮುಕ್ತಿಯ ದಾರಿ ತೋಱುವುದಲ್ಲದೇ? ಹಾಗೆ ಮುಕ್ತಿ ಪರಿಪೂರ್ಣವಾಗಿ ತೋಱದಿದ್ದರೆ ಅದಱಿಂದ ಮಱುಗಿದರೆ (ಮುಕ್ತಿ ಸಿಗಲಿಲ್ಲವೆಂದು ತಪಿಸಿದರೆ (ದುಃಖಗೊಂಡರೆ) ಆಗ ಲಭಿಸಿದ ಜ್ಞಾನ ಮತ್ತು ವೈರಾಗ್ಯ ಒಂದಕ್ಕೊಂದು ಪೂರಕವಾಗುವುವೇ? ಅಂದರೆ ಈ ಜ್ಞಾನ ವೈರಾಗ್ಯಗಳಿನ್ನೂ ಪರಿಪಕ್ವವಾಗಬೇಕೆಂದು ಅರ್ಥ.