ಸ್ನೇಹಿತರೆ,
ಹಳೆಗನ್ನಡ ನನ್ನ ಕ್ಷೇತ್ರವಲ್ಲ. ಆದರೂ ಆಸಕ್ತಿ, ನಿಘಂಟಿನ ಸಹಾಯ ಮತ್ತು ಸ್ವಲ್ಪ ಕಲ್ಪನೆಗಳೊಂದಿಗೆ ಇದನ್ನು ಅರ್ಥೈಸುವ ಪ್ರಯತ್ನ ಮಾಡಿದ್ದೇನೆ.
ತಪ್ಪಿದ್ದರೆ ತೋರಿಸಿಕೊಡಿ. ತಿದ್ದಿಕೊಳ್ಳುತ್ತೇನೆ.

ಅಱಿವುಂ = ಜ್ಞಾನವೂ (ತಿಳುವಳಿಕೆಯೂ) ನೆಱವುಂ = (ದೈವ ಅಥವಾ ಮನುಷ್ಯ) ಸಹಾಯವೂ ತನ್ನೊಳ್
ನೆಱೆದಂದು =ತನ್ನಲ್ಲಿ ಒಟ್ಟುಗೂಡಿದಾಗ, ಅರಿದು = ಅದನ್ನರಿತು, ಎಸಪುದಲ್ಲದೆ= ಪ್ರಯತ್ನಶೀಲನಾಗಬೇಕಲ್ಲದೆ
ಬರಿಯಂ= ಕೇವಲ, ಗುಱಿನೆಱದೆಡೆಯೊಳ್= ಗುರಿ ಈಡೇರುವ ವಿಷಯದಲ್ಲಿ ಮಮ್ಮಲಮಱುಗಿದೊಡೆ= ಅತಿಯಾಗಿ ಮರುಗುತ್ತಿದ್ದರೆ (ಚಿಂತಿಸುತ್ತಿದ್ದರೆ) ಆ ನೆಱವುಂ= ಒದಗಿದ ಆ ಸಹಾಯವೂ, ಅಱಿವುಂ= ಜ್ಞಾನವೂ ಕೂಡುಗುಂ ಏಂ ( ನಮಗಾಗಿ) ಒಟ್ಟುಗೂಡುತ್ತವೆಯೇ? (ಫಲಿಸುತ್ತವೆಯೇ)
ಭಾವಾರ್ಥ

ತಿಳುವಳಿಕೆ ಮತ್ತು ಸಹಾಯಹಸ್ತ ಎರಡೂ ಸಿಕ್ಕಿದಾಗ ಮನುಷ್ಯ ಕಾರ್ಯನಿರತನಾಗಬೇಕು. ಹಾಗೆ ಮಾಡದೆ ತನ್ನ ಪ್ರಯತ್ನ ಫಲಿಸುತ್ತದೋ ಇಲ್ಲವೋ ಎಂಬ ಚಿಂತೆಯಲ್ಲಿ ಮುಳುಗಿದ್ದರೆ ವಿದ್ಯೆ ಮತ್ತು ಸಹಾಯಗಳ ಕೂಟ ಫಲಕಾರಿಯಾಗುವುದಿಲ್ಲ.

ಕನ್ನಡ ಸಾಹಿತ್ಯಪರಿಷತ್ತಿನ ಸಂಕ್ಷಿಪ್ತ ಕನ್ನಡ ನಿಘಂಟು (ಪರಿಷ್ಕೃತ ಆವೃತ್ತಿಯಲ್ಲಿ)
ನೆಱೆ= ಈಡೇರು, ನೆರವೇರು ( 25 ಅರ್ಥಗಳಲ್ಲಿ 11 ನೆಯ ಅರ್ಥ)-ಪುಟ 690
ಎಡೆ= ಸಾಧ್ಯವಾಗು (13 ಅರ್ಥಗಳಲ್ಲಿ 3ನೆಯ ಅರ್ಥ) ಪುಟ173

"ಏರಿದವನು ಚಿಕ್ಕವನಿರಬೇಕು"