ಸುಪ್ರಿಯವರೆ,
ನನಗೆ ನಿಮ್ಮ ಮಾತು ಸರಿ ಅನ್ನಿಸಿತು. ನಾನು ನೋಡಿ ಮತ್ತು ಅನುಭವಿಸಿದ ಹಾಗೆ, ಭಾರತದಲ್ಲಿ, ಯಾವುದೇ ರೀತಿಯ ಪ್ರಚೋದನೆ ಇಲ್ಲದೇನೆ ಗಂಡು ಹೆಣ್ಣಿನ ಮೈ ಮೇಲೆ ಬೀಳುವುದು ನಡೆದಿದೆ. ನಾನು ತರುಣಿಯಾಗಿದ್ದಾಗ ಈ ಬೀದಿ ಕಾಮಣ್ಣರ ವರ್ತನೆಯಿಂದ ಎಷ್ಟು ಬೇಸತ್ತಿದ್ದೆನೆಂದರೆ, ಒಂದು ಸ್ನೋ,ಪೌಡರ್ ಹಚ್ಚುವುದನ್ನು ಸಹ ತೊರೆದುಬಿಟ್ಟಿದ್ದೆ. ಇನ್ನು ಶರ್ಟು, ಪ್ಯಾಂಟು ದೂರದ ಮಾತು, ಕೈಕಾಲು ಸಹ ಕಾಣದಿರುವಂತಹ ಗೋಣಿಚೀಲದಂತಹ ಬಟ್ಟೆ ಹಾಕಿಕೊಂಡು ಕಾಲೇಜಿಗೆ ಹೋಗುತ್ತಿದ್ದೆ ಎಂದರೆ ಉತ್ರೇಕ್ಷೆಯಲ್ಲ. ನಾನು ಕುರೂಪಿಯಾಗಿದ್ದರೆ ಚೆನ್ನಾಗಿತ್ತು ಎಂದು ಬಹಳ ಸರ್ತಿ ಅನ್ನಿಸಿತ್ತು. ಇದು ಜಂಭದ ಮಾತು ಖಂಡಿತ ಅಲ್ಲ! ನಾನು ಅಮೇರಿಕೆಗೆ ಬಂದ ನಂತರವೇ ನಿರಾಳವಾಗಿ ಓಡಾಡಿಕೊಂಡಿರಲು ಸಾಧ್ಯವಾಗಿದ್ದು. ಆಮೇರಿಕದಲ್ಲಿ ಗಂಡು-ಹೆಣ್ಣು ಪರಸ್ಪರ ಮುತ್ತಿಕ್ಕುವುದು etc. ಕಂಡುಬಂದರೂ, ಒಬ್ಬನೇ ಒಬ್ಬ ಬಿಳಿ ಗಂಡಸು ಸಹ ನನ್ನ ಬಳಿ ಅನುಚಿತವಾಗಿ ನಡೆದುಕೊಂಡಿಲ್ಲ. ಇಲ್ಲಿರುವ ನನ್ನ ಸ್ನೇಹಿತೆಯರು ಸಹ ಇದನ್ನೆ ಹೇಳುತ್ತಾರೆ. ಆದರೆ, ಇಲ್ಲಿರುವ ಭಾರತೀಯ ಗಂಡಸರ ವರ್ತನೆ ಮಾತ್ರ ಕೆಲವೊಮ್ಮೆ ಅಲ್ಲಿನ ಹಾಗೆ ಇರುತ್ತೆ, ಹುಟ್ಟು ಗುಣ ಸುಟ್ಟರೂ ಹೋಗದು ಅನ್ನುವ ಹಾಗೆ.

ಆದ್ದರಿಂದ, ನನಗನ್ನಿಸುವುದು, ನಾವು ಹೆಂಗಸರು ಹೇಗಿದ್ದರೂ, ಗಂಡಸರು ಸಹಮಾನವನಿಗೆ ಕೊಡುವ ಗೌರವವನ್ನು ನಮಗೆ ಕೊಡಲು ಕಲಿಯಬೇಕು. personal space, personal boundary ಮೀರಿ ಅತಿಕ್ರಮಿಸಬಾರದು. ಗಂಡಸರನ್ನು ಹದ್ದುಬಸ್ತಿನಲ್ಲಿರಿಸುವುದು ಹೆಂಗಸರ ಜವಾಬ್ದಾರಿಯಲ್ಲ! ಒಬ್ಬ ಗಂಡಸು ತನ್ನ ಕಾಮಭಾವನೆಯನ್ನು ನಿಗ್ರಹಿಸಲಿಲ್ಲ ಎಂಬುದೊಂದೇ ಅತ್ಯಾಚಾರಕ್ಕೆ ಕಾರಣ, ಬೇರೇನೂ ಅಲ್ಲ.