ಲೇಖನ ಚೆನ್ನಾಗಿದೆ. ಅದರಲ್ಲಿ ಹಾಸ್ಯಕ್ಕಿಂತಲೂ ಗಂಭೀರ ವಿಚಾರವೇ ಹೆಚ್ಚಾಗಿದೆ. ಇನ್ನು, ಪುಸ್ತಕದ ಬಗ್ಗೆ ಶಿಫಾರಸು ತೆಗೆದುಕೊಂಡರೆ, ಅದೊಂದು ಕುರುಡರು ಆನೆಯನ್ನು ವಿವರಿಸಿದಂತೆ. ಅವರವರಿಗೆ ತೋಚಿದಂತೆ, ಅವರವರ ವಿಚಾರಗಳ ಮಟ್ಟಕ್ಕೆ ತಕ್ಕಂತೆ ಅವರವರು ತಮ್ಮ ಅನಿಸಿಕೆಗಳನ್ನು ಹೇಳುತ್ತಾರೆ. ಹಾಗೆಂದು ಇನ್ನೊಬ್ಬ ಓದುಗರ ವಿಚಾರವನ್ನು ಬದಿಗಿರಿಸಬೇಕೆಂದೇನೂ ಅಲ್ಲ. ಅತ್ಯಂತ ಉತ್ತಮವೆಂದು ಪ್ರಶಸ್ತಿ ಬಂದಿರುವ ಪುಸ್ತಕಗಳೂ ಓದುಗರಿಲ್ಲದೆ ಮೂಲೆಗುಂಪಾಗಿರುವ ಉದಾಹರಣೆಗಳು ಬೇಕಾದಷ್ಟು ದೊರೆಯುತ್ತವೆ. ಹಾಗೆಯೇ ಪ್ರಶಸ್ತಿಯ ವಾಸನೆಯನ್ನೂ ಕುಡಿಯದ ಪುಸ್ತಕಗಳು ಓದುಗರನ್ನು ಸಂಪಾದಿಸಿರುವ ಸಂದರ್ಭಗಳೂ ಉಂಟು. ಇತ್ತೀಚೆಗೆ ಬೇರೆಲ್ಲ ವಿಚಾರಗಳಲ್ಲಿಯೂ ಇರುವಂತೆ ಕನ್ನಡದಲ್ಲಿಯೂ ಅಮೆರಿಕೆ ಇಂಗ್ಲೆಂಡಿನ ಪುಸ್ತಕಗಳ ಬಗ್ಗೆಯೇ ನಮ್ಮವರಿಗೆ ಹೆಚ್ಚು ಹೆಚ್ಚಿನ ಆಸಕ್ತಿ ಮೂಡುತ್ತಿರುವಂತಿದೆ. ಹ್ಯಾರಿ ಪಾಟರ್ ಇದಕ್ಕೊಂದು ಉತ್ತಮ ಉಧಾಹರಣೆ. ಅಂದರೆ ಆ ಪುಸ್ತಕ ಚೆನ್ನಿಲ್ಲವೆಂದಲ್ಲ, ಅಂತಹ ಪ್ರೋತ್ಸಾಹ ನಮ್ಮವರ ಪುಸ್ತಕಗಳಿಗೆ ದೊರಕುತ್ತಿಲ್ಲವೆಂಬುದು ನನ್ನ ಅನಿಸಿಕೆ. ಹಾಗೆಂದು ನಮ್ಮವರು ಬರೆಯುವುದರಲ್ಲೇನೂ ಹಿಂದೆ ಬಿದ್ದಿಲ್ಲ. ಪ್ರತಿದಿನವೂ ಎರಡು-ಮೂರು ಪುಸ್ತಕಗಳು ಲೋಕಾರ್ಪಣೆಯಾಗುತ್ತಿರುವುದನ್ನು ನಾವು ಪತ್ರಿಕೆಗಳಲ್ಲಿ ಓದುತ್ತಿರುತ್ತೇವೆ. ಲೇಖಕರು ಹಾಗು ಪ್ರಕಾಶಕರಿಗೇ ಗೊತ್ತು ಅವುಗಳಲ್ಲಿ ಯಾವುದು ಎಷ್ಟರಮಟ್ಟಿಗೆ ಗಲ್ಲಾ ಪೆಟ್ಟಿಗೆ ತುಂಬುತ್ತಿವೆ ಎಂಬುದು. ಹಣಕ್ಕಾಗಿ ಬರೆಯದೆ ಮನಸ್ಸಂತೋಷಕ್ಕಾಗಿ ಬರೆದಿದ್ದರೆ ಅದರ ವಿಷಯವೇ ಬೇರೆ.